JEREMIA 28:4 - BUKUIT NE TILIL

⁴ ak amutu kogeny konyo olito Jekonia weritab Jeoiakim laitoriatab Juda, koboto luulenik tugul che kigiluul che bo Juda, che kiba Babulon, mwaei Jehovah: amu airie chogitab laitoriatab Babulon.

Bukuit Ne Tilil

⁴ ak amutu kogeny konyo olito Jekoniah weeriitap Jehoiakim laitoryatap Judah, kobooto luulenik tugul che ki kiluul che po Judah, che ki pa Babilon, mwaei Kamuktaindet ne Toroor: amu airie chogitap laitoryatap Babilon.

BUKUIT NE TILIIL Sireet ne Dutero Kanon

⁴ ak amutu kogeny konyo olito Jekoniah weeriitap Jehoiakim laitoryatap Judah, kobooto luulenik tugul che ki kiluul che po Judah, che ki pa Babilon, mwaei Kamuktaindet ne Toroor: amu airie chogitap laitoryatap Babilon.

JEREMIA 28:4 ပူးပေါင်းရင်းမြစ်များ

TAUNET 27:40

Ak isobe rotweng’ung’ bo chok, ak iote ng’etab komet; Ak ye itiagage, Ilelekte bounatennyi koistoegei kaating’ung’.

2 LAITORINIK 24:14

Ak kiimut Jerusalem tugul, ak bounik tugul, ak bik tugul che kimen che nyigonen, che ki luulenik elfusiek taman, ak musogik tugul, ak kitang’ik; mami ne king’et, kobate bik che ki kibananok mising’ che kimi emet.

ISAIAH 9:4

Amu koiiri chogitab lautiennyi, ak siaritab tigikyiennyi, ak kiroktab usindennyi, ko u eng’ betusiekab Midian.

JEREMIA 13:19

Kigeger nganasok che bo Murot ne bo Tai, ama mi chi ne yatei: kigimut Juda tugul koek luulenik; kigimut tugul koek luulenik.

JEREMIA 2:20

Amu kiairi choging’ung’ eng’ betusiek che bo keny, ak ang’eti anoguk, ak kiimwa ile, Maotisiei, amu kiing’uruge eng’ tulwet age tugul ne koi ak eng’ ketit age tugul ne tuon, iyae kugoinatet.

JEREMIA 22:10

Amorirji ne kigome, anan ote agobo inendet: ago orir mising’ agobo inendet ne mandoi; amu ma koweeksei inendet kogeny, anan kogeer emennyi ne kigisikyin.

JEREMIA 22:24

Ko u ye asobe, mwaei Jehovah, agot nganda ko waet ne bo ng’okset eng’ eunnyu ne bo tai Konia weritab Jeoiakim laitoriatab Juda, ang’usin ui tugul eng’ oloto;

JEREMIA 24:1

Kiiborua Jehovah kitongok aeng’ che bo logoekab mogoonik che kiginde taitab hekalutab Jehovah; kingo kagoluul Nebukadresar laitoriatab Babulon, Jekonia weritab Jeoiakim, laitoriatab Juda, koboto bounikab Juda, koboto musogik ak kitang’ik, kobunu Jerusalem, koba Babulon.

JEREMIA 24:5

Kamwa Jehovah Kamuktaindetab Israel, ko u ni kole: Aiti anyun bik che kigiluul che bo Juda, kogergeit ak logoechu kororon bo mogoonik, che kiayokte koba eng’ olito agoi emetab Kaldeik, si konyor mieindo.

JEREMIA 27:8

Ak tun abire bororiet ak bounatet ne maotei Nebukadnesar nito laitoriatab Babulon, ak ne esioi konde kaatinywa chogitab laitoriatab Babulon, abire bororionoto rotwetab chok, ak rubet, ak koroito, agoi agesu ichek eng’ eunnyi, mwaei Jehovah.

JEREMIA 28:10

Kiinem anyun maotiot Hanania chogit ne kimi kaatitab maotiot Jeremia, ak koiri.

JEREMIA 28:2

Mwaei Jehovah ne bo lugosiek, Kamuktaindetab Israel ko u ni kole, Kaairi chogitab laitoriatab Babulon.

JEREMIA 29:1

Chu ng’alekab baruet ne kiiyokto maotiot Jeremia eng’ Jerusalem, koyokyi boisiek che king’et eng’ che kiga kiluul, ak tisiik, ak maotik, ak bik tugul, che kiga luul Nebukadnesar eng’ Jerusalem koba Babulon,

JEREMIA 29:2

(ye kingo kagoba eng’ Jerusalem laitoriat Jekonia, ak kametab laitoriat, ak kiptainik, koboto bounikab Juda ak Jerusalem, ak musogik, ak kitang’ik,)

JEREMIA 30:8

Ak tun airie eng’ betunoto choginnyi ne mi kaating’ung’, mwaei Jehovah ne bo lugosiek, ak ang’eti anoguk; ama koyaei toek inendet koek otwogindenywa.

ATEPTAP LAWIK 26:13

A Jehovah Kamuktaindeng’wong’, ne kiamutwak omong’u eng’ emetab Misri, si mata oegu otwogikwak; ak kiairi ketikab choging’wong’, ak ang’eetak obe komie.

NAHUM 1:13

Ak airi choginnyi eng’ kaating’ung’, ak ang’eeti ratutiguk.