JEREMIA 26:6 - BUKUIT NE TILIL

⁶ ayae anyun goi koigei Silo, ak ayai nganasani koek ne sasei bororiosiek tugul che bo ng’ony.

Bukuit Ne Tilil

⁶ ayae anyun kooi koigei Shiloh, ak ayai nganasani koek ne sasei pororyosyek tugul che po ng'wony.

BUKUIT NE TILIIL Sireet ne Dutero Kanon

⁶ ayae anyun kooi koigei Shiloh, ak ayai nganasani koek ne sasei pororyosyek tugul che po ng'wony.

JEREMIA 26:6 ပူးပေါင်းရင်းမြစ်များ

2 LAITORINIK 22:19

amu kang’arng’arit muguleldang’ung’, ak iming’inge eng’ taitab Jehovah, ye kangigas kit ne kiamwa agobo koroni, ak agobo bik che menyei koronito, ale egu karaita ak chubet, ak amu kegerer ngoroiguk ak irir eng’ tainnyu; kaagasin agane, mwaei Jehovah.

ISAIAH 43:28

Amuruoni anyun bounik che bo ole tilil, ak ayae Jakobo koek ne chubot, ak ayae Israel koek ne kisasei.

ISAIAH 65:15

Ak obagakte kaineng’wong’ koek chubisiet eng’ chechuk che kialewen, ak kobarin Kiptaiyat Jehovah; ak koguur otwogikyik eng’ kainet age:

JEREMIA 24:9

agoitoi ichek koek che kiwirjin komosi ak komosi eng’ bounatosiek tugul che bo ng’ony si konyor taitiet; koek tewernatet, ak kalewenet, chotisiet ak sasisiet, eng’ komoswek tugul ole aonjini ichek.

JEREMIA 25:18

choto ko Jerusalem, ak nganasokab Juda, ak laitorinikyik, ak bounikyik, si koyai ichek koek karatia, kwong’et, ne kirenyei, ak ne kisasei; ko u eng’ betuni;

JEREMIA 29:18

Ak asube ichek rotwetab chok, ak rubet, ak koroito, ak agoite ichek kewirji komosi ak komosi eng’ bounatosiek tugul che bo ng’ony, si koek che chubotin, ak che kikwong’e, ak che kirenyei, ak che kiteweri, eng’ bororiosiek tugul che kiaonji;

JEREMIA 29:22

ak komwaei luulenik tugul che bo Juda che mi Babulon, eng’ chubisiet kole, Ingoyain Jehovah iige Sedekia ak Ahab, che kiwatan laitoriatab Babulon eng’ ma;

JEREMIA 42:18

Amu mwaei Jehovah ne bo lugosiek, Kamuktaindetab Israel, ko u ni kole; Ko u ye kigerong’ji neregekyuk ak neregekyuk che ng’wonen, bik che menyei Jerusalem, kerong’jinok anyun ko u noto neregekyuk che ng’wonen, ye obe Misri: ak oegu che kichubei, ak che kikwong’e ak che kisasei, ak che kichotei; ama ogeere olito kogeny.

JEREMIA 44:22

kot ko mata komuch Jehovah komuita, amu yaitietab boisionikwok, ak amu tuguk che kiwechei che kioyai? Kiek anyun emeng’wong’ ne kuberot, ak ne kikwong’e, ak ne kisasei, ama menyei chi, ko u ye u rani.

RIREKAB JEREMIA 2:15

Iraprapchin eunek ichek tugul che siirtoi; Reng’sei ak kolelechi metowekwak agobo cheptab Jerusalem, kolen: Tos nganasanito ne kiguure bik, Ne igesunotgei eng’ kororonindo, Ne boiboiyetab ng’ony komugul?

RIREKAB JEREMIA 2:16

Kagoyatyin kutuswekwak buniguk tugul; Reng’sei ak kosusei kelek; mwaei kole, Kigelugui inendet; Iman, nito betut ne kigicheng’e; kagenyoru, kagegeer.

DANIEL 9:11

Ee, kigobistoe Israel tugul ng’atutieng’ung’, komasta, si magas it kuting’ung’: kigerong’jech anyun chubet amu noto, koboto kayosiet ne kigisirji Ng’atutikab Musa otwogindetab Kamuktaindet, amu kigeyachi inendet tengekto.

SEKARIA 5:3

Kimwawa anyun kolenja, Nito ko chubisiet ne wendi koyomu emet komugul: amu age tugul ne chorsei keistoi eng’ komosi ko u ye mwaei; ak age tugul ne iyostos keistoi eng’ komosin ko u ye mwaei bukuinoto.

MALAKI 4:6

Ak kowal mugulelwekab kwanisiek kotokyigei lagokwak, ak kowal mugulelwekab lagok kotokyigei kwanisiekwak; si manyo abire ng’onyuni chubisiet.

JOSHUA 18:1

Ak kiiyumgei tuiyet tugul ne bo lagokab Israel eng’ Silo, ak koteech eng’ oloto emait ne kituiyechin: ak kiga kiterter emonoto eng’ tainywa.