JEREMIA 26:2 - BUKUIT NE TILIL

² Kamwa Jehovah ko u ni kole: Tonon eng’ seremutab gotab Jehovah, ak ing’alalji nganasok tugul che bo Juda, che cham kobwanei kolosu eng’ gotab Jehovah, mwachi ng’alek tugul che ang’atin; imwachi; ametuuch ng’olyo.

Bukuit Ne Tilil

² Kamwa Kamuktaindet ne Toroor kole: Tonon eng' seremutap kootap Kamuktaindet ne Toroor, ak ing'alaalji nganasook tugul che po Judah, che cham kobwanei kolasu eng' kootap Kamuktaindet ne Toroor, mwachi ng'aleek tugul che ang'atiin; imwachi; ametuuch ng'olyoo.

BUKUIT NE TILIIL Sireet ne Dutero Kanon

² Kamwa Kamuktaindet ne Toroor kole: Tonon eng' seremutap kootap Kamuktaindet ne Toroor, ak ing'alaalji nganasook tugul che po Judah, che cham kobwanei kolasu eng' kootap Kamuktaindet ne Toroor, mwachi ng'aleek tugul che ang'atiin; imwachi; ametuuch ng'olyoo.

JEREMIA 26:2 ပူးပေါင်းရင်းမြစ်များ

JEREMIA 1:17

Kermenge anyun, ak ing’eet, ak imwachi ichek tuguk tugul che ang’atin; ametoptoben amu ichek, si magonin itoptoben eng’ tainywa.

JEREMIA 1:7

Ago kilenja Jehovah, Amele, A lakwa: amu iwendi oldab bik alak tugul che ayoktochinin, ak imwae kit age tugul ne ang’atin.

JEREMIA 19:14

Kinyo anyun Jeremia eng’ Topet, ole kiga koyoktochi Jehovah kwo komaoten; ak kitonon eng’ seremutab gotab Jehovah, ak kolenji bik tugul:

JEREMIA 23:28

Ingomwa maotiot karuotitoet ne koiruotyi; ak inendet ne tinyei ng’olyondennyu komwa eng’ imanda. Ting’egei nee metetek ak nganok? Mwaei Jehovah.

JEREMIA 25:2

ne kimwachi maotiot Jeremia bik tugul che bo Juda, koboto bik tugul che menyei Jerusalem, kolenji:

JEREMIA 28:5

Kimwachi anyun maotiot Jeremia maotiot Hanania eng’ taitab tisiik ak eng’ taitab bik tugul che kitonondos eng’ gotab Jehovah,

JEREMIA 36:10

Kisoman anyun Baruk ng’alekab Jeremia che kigisirji bukuit, eng’ gotab Jehovah, eng’ got ne bo orit ne bo Gemaria weritab Sapan sirindet, eng’ seremut ne bo meto, eng’ ole kimandoe ne bo ormarichet ne leel ne bo gotab Jehovah, kisoman kogasei bik tugul.

JEREMIA 42:4

Kolenji anyun maotiot Jeremia ichek, Kaagasak; ogeero, asae Jehovah Kamuktaindeng’wong’ ko u ng’alekwok; ak kit age tugul ne wolwok Jehovah amwawok kioto; maung’enok kiy.

JEREMIA 7:2

Tonone kurgetab gotab Jehovah, ak imwaite eng’ yoto ng’olyondoni, ile, Ogas ng’olyotab Jehovah, okwek tugul che o bo Juda, che omandoe ormarichochu, obendi olosu Jehovah.

JEREMIA 7:27

Ak mwachi ichek ng’alechuto tugul; ago magasin: iguure ichek kogeny, ago mawolun.

EZEKIEL 3:10

Kimwawa inendet kogeny kolenja, Ee weritab chi, taach eng’ muguleldang’ung’ ak igas eng’ itiguk, ng’alekyuk tugul che amwaun.

EZEKIEL 33:7

Ee anyun, inye, weritab chi, kaandein iegu ribindet eng’ gotab Israel; kas anyun ng’olyot ne amwae, ak iipchi ichek kateunennyu.

EZEKIEL 40:4

Ak kilenja chichoto, Ee, weritab chi, keer eng’ konyeguk, ak igas eng’ itiguk, ak inde muguleldang’ung’ tuguk tugul che ta aborun; amu kagimutun inyo olito si kobiit aborun tuguchuto: tetyi gotab Israelk tuguk tugul che igeere.

MATAYO 28:20

onet ichek kosub tuguk tugul che kaang’atak: ak ogeero, ami kobotok eng’ betusiek tugul, agoi kagesunetab ng’ony.

LUKA 19:47

Ak kiinetisiei betut age tugul eng’ hekalut. Ago kicheng’ tisiik che eechen ak sirik ak che toogunotin eng’ bik, kobar inendet:

JOHANA 18:20

Kowolji Jesu kolenji, Kiang’alalji ng’ony, amauny ng’olyo; kianetisie kotugul eng’ sunagogisiek, ak eng’ hekalut, ole tuiyechin Yahudik tugul; amamwa kiy eng’ ung’ot.

JOHANA 8:2

Ak kimus karon konyo hekalut, ak kibwa bik tugul ole mi inendet; ak kiteb ng’ony, konet ichek.

POISYONIGAP CHE KIYOKTOI 20:20

ko u ye kima ariny amwawok kiy age tugul ne imuchi kotoretok, ak anetak eng’ taitab bik, ak ang’eete got age agoi got age,

POISYONIGAP CHE KIYOKTOI 20:27

Amu ma ariny amwawok magutik tugul che bo Jehovah.

POISYONIGAP CHE KIYOKTOI 5:25

Ak kinyo chi ak kolenji, Ogeero, bicho kogotoorji korgoret, kotonondos eng’ hekalut ak koneti bik.

POISYONIGAP CHE KIYOKTOI 5:42

Ak kima sisyo eng’ betut age tugul konetis ak koamdoi eng’ hekalut ak eng’ gorik, kole Jesu ko Kristo.

NG'ATUTIK 12:32

Orib kiy age tugul ne ang’atok oyai: amat ites, anan ichuchuch.

NG'ATUTIK 12:5

Ago ole leweni Jehovah Kamuktaindeng’wong’ eng’ ortinwekwok tugul kole konde kainennyi oloto, ocheng’ anyun ole menyei inendet, ak iwe oloto:

NG'ATUTIK 4:2

Amotesyi kiy ng’olyot ne ang’atok, anan ochuchuch alak, si kobiit orib ng’atutikab Jehovah Kamuktindeng’wong’ che ang’atok.

JOSHUA 8:35

Mami ng’olyo eng’ ng’alek tugul che king’at Musa ne ma soman Josua eng’ taitab tuiyet tugul ne bo Israel, komi kwonyik, ak lagok, ak toek che kimi kwenunywa.

NG'ANG'UTYET 22:19

ak ngonem chi age tugul ng’alek eng’ bukuitab maoinatoni, konemu Jehovah kebebertanyi eng’ ketitab sobondo, ak eng’ nganaset ne tilil, che kigisirji bukuini.