JEREMIA 26:13 - BUKUIT NE TILIL

¹³ Noto anyun, olitit ortinwekwok ak boisionikwok, ak ogas it kutitab Jehovah Kamuktaindeng’wong’; si kowal Jehovah kabwatutikyik eng’ yaitiet ne kogomwa agobo okwek.

Bukuit Ne Tilil

¹³ Nooto anyun, olitit ortinwekwok ak poisyonikwok, ak ogas iit kutitap Kamuktaindet ne Toroor Kamuktaindeng'wong'; si kowal Kamuktaindet ne Toroor kabwaatutikyik eng' yaityet ne kogomwa agobo okweek.

BUKUIT NE TILIIL Sireet ne Dutero Kanon

¹³ Nooto anyun, olitit ortinwekwok ak poisyonikwok, ak ogas iit kutitap Kamuktaindet ne Toroor Kamuktaindeng'wong'; si kowal Kamuktaindet ne Toroor kabwaatutikyik eng' yaityet ne kogomwa agobo okweek.

JEREMIA 26:13 ပူးပေါင်းရင်းမြစ်များ

KOMONG'U 32:14

Ak kiwal Jehovah kabwatutikyik agobo yaitionoto kiga mwa kole yachjin bikyik.

ISAIAH 1:19

Ngot ochame ak ogase it, oame anyun akwaindab emet:

ISAIAH 55:7

ingometo kiptengekyot orennyi, ak ingometo inendet ne ma bo iman, kabwatutikyik: ak ingoweekyigei Jehovah, si korire; ak ingoweekyigei Kamuktaindennyo, amu nyochin kaat iman.

JEREMIA 11:4

ne kiang’at kwanisiekwok eng’ betut ne kiamutu ichek komong’ eng’ emetab Misri, komong’une matab karnet, alenji, Ogas it kutinnyu, ak oyai choto, ko u tugul che ang’atok: si oegu bikyuk anyun, ak aegu Kamuktaindeng’wong’;

JEREMIA 18:11

Ara anyun, ui ng’alalji bikab Juda, ak bik che menyei Jerusalem, ilenji, Mwaei Jehovah ko u ni kole: Ogeero, achobe yaitiet agobo okwek ak achobe kit ne aitook: ingoweeigei age tugul eng’ okwek, kometo orennyi ne ya, ak olitit ortinwekwok ak boisionikwok.

JEREMIA 18:8

ngot kosik eng’ yaitienywa bororionoto kaamwa, awale kabwatutukyuk eng’ yaitiet ne kitayachini ichek.

JEREMIA 26:19

Tos kita kobar Hesekia laitoriatab Juda ak Juda tugul inendet? Tos kima iywei Jehovah, ak kogaigai Jehovah, kot kowal Jehovah kabwatutikyik eng’ yaitiet ne kiga komwa agobo ichek? Ngot keyai ko u noto, ko kagiipchi sobonwekyok yaitiet ne o.

JEREMIA 26:3

Abere imuchi kogas, ak koweek chi age tugul eng’ orennyi ne ya; si kobiit awal kabwatutikyuk eng’ yaitiet ne kiga achob ale ayachini ichek amu yaitietab boisionikwak.

JEREMIA 35:15

Ak kiayokwok kogeny otwogikyuk tugul che maotik, ang’eete karon mising’ ak ayogu ichek, amwae ale, Oweege anyun chi age tugul eng’ orennyi ne ya, ak olitit boisionikwok, amosub cheptalelisiek che ter oot ichek, si omeny emet ne kiagonok koboto kwanisiekwok: ago ma oeb it, anan ogasa it.

JEREMIA 36:3

Abere tamangab kogas gotab Juda yaitiet tugul ne kaatil ale ayachini ichek; si koweek chi tugul eng’ ichek kometo orennyi ne ya, si anyochi kaat amu yaitienywa ak tengektanywa.

JEREMIA 38:20

Ago kile Jeremia, Maigoitoin. Kasain ale, kas kutitab Jehovah eng’ chuto amwaun: si kobiit komieit eng’ inye, ak kosob sobondang’ung’.

JEREMIA 42:10

Ngot ko ta omeny emoni, ateechok anyun, ama abutok, ak aminak, ama atutok: amu kaawal kabwatutikyuk eng’ yaitiet ne koayaiywok.

EZEKIEL 33:11

Mwachi ichek ilenji, Ko u ye asobe, mwaei Kiptaiyat Jehovah, ko mabaibaitune meetab kiptengekyot; ago abaibai ngo week kiptengekyot kometo orennyi, ak kosob: oweege, oweege, omete ortinwekwok che yaach; amu nee si obegu, ee gotab Israel?

JOEL 2:14

Ng’o ne ingen ngo tos ma week ak kowal kabwatutikyik, ak kobagakta kaberuret eng’ ole kabunei, agot kagochinetab busiek ak kagochinet ne kieei ne kigochin Jehovah Kamuktaindeng’wong’?

JONAH 3:9

Ng’o ne ingen ngo tos ma week Kamuktaindet ak kowal kabwatutikyik, ak kometo neregekyik che koromen, si ma kibegu?

JONAH 4:2

Ak kisa Jehovah kole, Asain, ee Jehovah, tos ma ng’olyondonito ne kigamwa ye kingota ami emennyu? Kiamwei anyun achakte awe Tarsis: amu kiangen ale i Kamuktaindet ne bo mieindo, ak ne nyiitat rirenet, ne ma sib konerechi, ak kotinyei chang’indab rirenet, ak iwale kabwatutiguk agobo yaitiet.

NG'ATUTIK 32:36

Amu iruokyinechin Jehovah bikyik, Ak korir mo agobo otwogikyik; Ye keer kole kagowandagei kimnatenywa, Ama mi ne kong’et ne ratat anan ne ma ratat.

HEBRANIK 5:9

ak kingo kageyai koek ne igesunotgei, koek inendet ne kitaunegei yetunet ne bo koigeny eng’ ichek tugul che kase it inendet;

KIRUOGIK 2:18

Ak kingong’eetyi Jehovah kiruogik, ko kimi Jehovah koboto kiruogindet, ak kosor ichek eng’ eunekab bunikwak eng’ betusiek tugul che bo kiruogindonoto: kirire Jehovah amu tigenenywa amu ichek che kiinyalili ichek ak koiimi.