JEREMIA 25:9 - BUKUIT NE TILIL

⁹ ogeero, ayoktoi kenam bikab ortinwek tugul che bo murot ne bo katam, mwaei Jehovah, koboto Nebukadresar, laitoriatab Babulon, otwogindennyu, ak amutu ichek kobokyi emoni, ak bik che menyei olito, ak bororiosiechu tugul che mi komoswechuto; ak ang’em ichek, agesu, ak ayai koek kwong’et, ak ne kirenyei, ak karotwek betusiek tugul.

Bukuit Ne Tilil

⁹ ogeero, ayooktoi kenam piigap ortinwek tugul che po murot kaataam, mwaei Kamuktaindet ne Toroor, kobooto Nebukadresar, laitoryatap Babilon, otwogindennyu, ak amutu icheek kobookyi emoni, ak piik che menyei olito, ak pororyosyechu tugul che mi komoswechuuto; ak ang'em icheek, ageesu, ak ayai koek kwong'eet, ak ne kireenyei, ak karotwek peetuusyek tugul.

BUKUIT NE TILIIL Sireet ne Dutero Kanon

⁹ ogeero, ayooktoi kenam piigap ortinwek tugul che po murot kaataam, mwaei Kamuktaindet ne Toroor, kobooto Nebukadresar, laitoryatap Babilon, otwogindennyu, ak amutu icheek kobookyi emoni, ak piik che menyei olito, ak pororyosyechu tugul che mi komoswechuuto; ak ang'em icheek, ageesu, ak ayai koek kwong'eet, ak ne kireenyei, ak karotwek peetuusyek tugul.

JEREMIA 25:9 ပူးပေါင်းရင်းမြစ်များ

2 LAITORINIK 24:2

Ak kiikyokyi Jehovah inendet lugosiekab Kaldeik, ak lugosiekab Suriek, ak lugosiekab Moabik, ak lugosiekab lagokab Amon, ak koyokto ichek koba Juda, kobar, ko u ng’olyotab Jehovah, ne kimwa eng’ otwogikyik maotik.

2 ATEPTAP PEETUUSYEK 29:8

Kinyonji anyun neregekab Jehovah Juda ak Jerusalem, ak kiigoito ichek ketoortaat koba komosi ak komosi, koek kwong’utiet, ak koek che kirenyei ko u ye ogeere eng’ konyekwok.

2 ATEPTAP PEETUUSYEK 36:21

si kosulda ng’olyotab Jehovah ne kimwa eng’ kutitab Jeremia, agoi kogasegei emet sabatosiekyik: amu kirib sabatosiekyik eng’ betusiechoto kima komenyei chi, kot kosulda kenyisiek tamanwogik tisab.

KALEWANAIK 21:1

U ainosiek muguleldab laitoriat eng’ eutab Jehovah: Imuti kotokyigei oldo tugul ole machei.

ISAIAH 10:5

Bwa Asuriaindet, kiroktab neregekyuk, siaritab inendet ne mi neregekyuk eunnyi!

ISAIAH 13:3

Koang’at bikyuk che itabanotin, ee, koaguur bikyuk che kimen agobo neregekyuk, chechuget che igasegei etunatennyu.

ISAIAH 39:7

Ak komuti alak eng’ weriguk che mong’unenen, che isiche; ak koba koek ichek kiptainik eng’ gotab laitoriatab Babulon.

ISAIAH 44:28

ne mwaei agobo Kirus kole, Inendet ko mestowondennyu, ak koyaei inendet tuguk tugul che achame: mwaei kogeny agobo Jerusalem kole, Tun kiteechei, ak komwachin hekalut kolenjin, Tun kilumei lumeiyweguk.

JEREMIA 1:14

Yeityo kolenja Jehovah, Mong’une yaitiet murot ne bo katam, konyonjin bik tugul che bo emet.

JEREMIA 1:15

Keero, aguure ortinwek tugul che bo bounatosiekab murot ne bo katam, mwaei Jehovah; ak kobwa, ak konde age tugul ng’echerennyi ne bo laitornatet ye kimandoe eng’ ormarichokab Jerusalem, ak kotokyigei irimoikyik tugul, ak kotokyigei nganasok tugul che bo Juda.

JEREMIA 10:22

Ogeero, kigasei ng’alek kobwanei, ak kirgirenet ne o komong’une emetab murot ne bo katam, si kobiit koyai nganasokab Juda koek karatia, ole menyei lelwek.

JEREMIA 12:14

Mwaei Jehovah ng’alechoto agobo bik tugul che yaach che bo kokwennyu, che twaei borotet ne kiagochi bikyuk Israel konam kobunji, ko u ni kole: Ogeero, atutu ichek eng’ emenywa, ak atutu gotab Juda komong’ eng’ kwenunywa.

JEREMIA 18:16

si koyai emenywa koek kwong’et, ak koek ne kirenyei kotugul; kwong’e age tugul ne siirtoi eng’ yoto, ak kolelechi metinnyi.

JEREMIA 2:15

Kigoborisenji barnotikab ng’etunyik, ak komoror mising’; ak kigong’em emennyi koek karatia; kigebeel nganasokyik, ma komenyei chi.

JEREMIA 20:4

Amu mwaei Jehovah ko u ni kole, Keero, ayain iegu kamuiset ne imuege, ak ne imue choronoguk tugul: ak kobar ichek bunikwak eng’ rotwetab chok, ak igeer noto: ak agoite Juda tugul koba eutab laitoriatab Babulon, ak koluul ichek koba Babulon, ak kobare rotwetab chok.

JEREMIA 24:9

agoitoi ichek koek che kiwirjin komosi ak komosi eng’ bounatosiek tugul che bo ng’ony si konyor taitiet; koek tewernatet, ak kalewenet, chotisiet ak sasisiet, eng’ komoswek tugul ole aonjini ichek.

JEREMIA 25:8

Kamwa anyun Jehovah ne bo lugosiek ko u ni kole: Amu ma ogas ng’alekyuk,

JEREMIA 29:18

Ak asube ichek rotwetab chok, ak rubet, ak koroito, ak agoite ichek kewirji komosi ak komosi eng’ bounatosiek tugul che bo ng’ony, si koek che chubotin, ak che kikwong’e, ak che kirenyei, ak che kiteweri, eng’ bororiosiek tugul che kiaonji;

JEREMIA 35:11

Ago ye kinyo Nebukadresar laitoriatab Babulon emoni, ko kigile, Obwa kebe Jerusalem amu kiywei lugetab Kaldeik, ak kiywei lugetab Suriek; kemeny anyun Jerusalem.

JEREMIA 36:2

Nam bukuit ne mamanat, isirji ng’alek tugul che koamwaun agobo Israel, ak agobo Juda, ak agobo bororiosiek tugul, koboch betut ne kiang’alalun, koboch betusiekab Josia, agoi betuni.

JEREMIA 36:29

Ak imwa agobo Jeoiakim laitoriatab Juda ile, Mwaei Jehovah ko u ni kole: Kiibeel bukuinoto, ile, Amu nee si isir, ile, Nyonei laitoriatab Babulon iman kong’emei emoni, ak kowong’ eng’ olito chi ak tiony?

JEREMIA 4:7

Kamong’ ng’etundo eng’ sondinnyi, ne ng’emindetab bororiosiek, mi oret, kagomong’ eng’ oldanyi; si kobiit koyai emeng’ung’ koguber, ak koek nganasoguk karatia, ama komenyei chi.

JEREMIA 40:2

Kinam anyun kiptaiyatab ribik Jeremia, ak kolenji, Kimwa Jehovah Kamuktaindeng’ung’ yaitioni agobo olito;

JEREMIA 43:10

ak ilenji ichek, Mwaei Jehovah ne bo lugosiek, Kamuktaindetab Israel, ko u ni kole: Ogeero, ayoktoi kimut Nebukadresar laitoriatab Babulon, otwogindennyu, ak ande ng’echerennyi ne bo laitornatet baragutab koichu kaauny; ak koiitae baragutab koichato emainnyi ne bo laitornatet.

JEREMIA 46:20

Roriat ne kararan mising’ Misri; ago kagonyo ng’emisiet ne bunu murot ne bo katam, kagonyo.

JEREMIA 49:19

Ogeero, togosu inendet ko u ng’etundo kobunu Jordan ko kanyi beek mising’ kobargei ak meng’otet ne kim: ago achee, aone komwei inendet; ak age tugul ne kileweni, agochini koboi inendet: amu ng’o ne kegerge? Ak ng’o ne ng’atwa betut? Ak ng’o mestowot ne tononi eng’ tainnyu?

JEREMIA 6:1

Omwei osoruge, okwek lagokab Benjamin, omong’u eng’ Jerusalem, ak oguut iriaget eng’ Tekoa, ak onamji barak kitab kaborunet eng’ Bet-hakerem: amu itu yaitiet eng’ murot ne bo katam, ak ng’emisiet ne o.

JEREMIA 8:16

Kigasei eng’ Dan waagatab serunekab mbartanyisiekyik: botani emet komugul amu cheetab kateetab chechik che kimen; amu kagobwa, ak kagoam emet koboto tuguk tugul che kami; nganaset koboto che menyei orit.

EZEKIEL 12:20

Ak king’emei nganasok che kimenyei, ak koguber emet; si onai ole a Jehovah.

EZEKIEL 16:40

Ak komutun kogeny tuiyet kobokyin, ak kolagenen koik, ak kotoorin eng’ rotokwak bo chok.

EZEKIEL 21:11

Ak kigigon si kobiit kesit, si kimuch kenam: kilitei rotwetab chok, ee, kisitei, si kobiit kinde eutab barindet.

EZEKIEL 26:7

Amu mwaei anyun Kiptaiyat Jehovah ko u ni kole: Ogeero, amuti Nebukadresar laitoriatab Babulon, inendet laitoriatab laitorinik, kobokyi Turo, kobunu murot ne bo katam, koboto mbartanyisiek, ak karisiekyik che bo luget, ak bik che lanyei mbartanyisiek, ak kweanet, ak bik che chang’.

EZEKIEL 36:5

mwaei anyun Kiptaiyat Jehovah ko u ni kole: Kiamwa iman eng’ matab ng’etkondanyu agobo bororiosiek che ng’etunotin, ak agobo Edom tugul, che kiityigei emennyu kole kobunji eng’ boiboiyetab mugulelwekwak tugul, eng’ koromnatetab sobondo, si kogoito keluul:

DANIEL 5:18

Ee laitoriandani, kiigochi Kamuktaindet ne Toror Mising’ Nebukadnesar kwandang’ung’ bounatet, ak oindo, ak torornatet, ak etunatet:

HABAKUK 1:12

Tos, mebo koigeny, inye, ee Jehovah Kamuktaindennyu, Inendet ne Tilil ne nenyu? Magibegu. Ee Jehovah, kiichopchi inendet kiruoget; ak ee inye Ruandet, kiigimit inendet si kobiit kitigon.

HABAKUK 1:17

Tos tumdoi anyun tuguk che mi regereiywondennyi, ama bagaktoi inendet kobar bororiosiek kotugul?

NG'ATUTIK 28:37

Ak iegu kwong’utiet, ak kalewenet, ak atindiot, eng’ kwenutab bik tugul ole imutyinin Jehovah.