JEREMIA 25:3 - BUKUIT NE TILIL

³ Kinyonja ng’olyotab Jehovah koboch kenyitab taman ak somok ne bo Josia weritab Amon, laitoriatab Juda, agoi ra, kenyisiechu tiptem ak somok, ak kiamwawok, ang’eete karon mising’ ak ang’alalwok; ago ma ogas.

Bukuit Ne Tilil

³ Ki nyoonjo ng'olyootap Kamuktaindet ne Toroor kobooch kenyiitap taman ak somok ne po Josiah weeriitap Ammon, laitoryatap Judah, agoi ra, kenyisyechu tiptem ak somok, ak ki amwaiwok, ang'eete karon miising' ak ang'alaalwok; ago ma ogas.

BUKUIT NE TILIIL Sireet ne Dutero Kanon

³ Ki nyoonjo ng'olyootap Kamuktaindet ne Toroor kobooch kenyiitap taman ak somok ne po Josiah weeriitap Ammon, laitoryatap Judah, agoi ra, kenyisyechu tiptem ak somok, ak ki amwaiwok, ang'eete karon miising' ak ang'alaalwok; ago ma ogas.

JEREMIA 25:3 ပူးပေါင်းရင်းမြစ်များ

TAUNET 22:3

Ak king’eet Abraham karon mising’ komusta, ak kiito kit ne kitebe eng’ sigiriennyi si kobiit kolany, ak kiimut murenik aeng’ eng’ che kitinyei, koba koboto inendet, ak Isak werinnyi; ak kibet kwenik che bo kagochinet ne kibeelei, yeityo koba ole kiga koarorji Kamuktaindet.

1 LAITORINIK 22:3

Ak kilenji laitoriatab Israel otwogikyik, Ongen ole nenyo Ramot-Gilead, kitebye, ama kibendi kerebe eng’ eunekab laitoriatab Suria?

2 LAITORINIK 17:13

Ago kibaorian Jehovah kora agobo Israel, ak agobo Juda, eng’ maotiot age tugul, ak keerindet age tugul kolenji, Oweege eng’ ortinwekwok che yaachen, ak orib ng’atutikyuk ak kayomisutikyuk, ko u Ng’atutiet tugul ne kiang’at kwanisiekwok, ak che kiayokwok eng’ eunekab otwogikyuk maotik.

2 ATEPTAP PEETUUSYEK 24:19

Agos kiiyokyi ichek maotik, komut ichek koweekyi Jehovah; ak kibaorian kogirinda ichek: ago ma cham kogas.

2 ATEPTAP PEETUUSYEK 34:1

Ki bo Josia kenyisiek sisiit ye kitau kolaitorani; ak kilaitoran kenyisiek sosom ak agenge eng’ Jerusalem.

2 ATEPTAP PEETUUSYEK 34:3

Amu eng’ kenyitab sisiit ne bo laitornatennyi, ye kita ko ming’in, kotoi kocheng’ Kamuktaindetab Daudi kwandanyi: ak eng’ kenyitab taman ak aeng’ kotoi kotilil Juda ak Jerusalem koisto komoswek che tororen, ak Aserik, ak kanamonik che kigiwai ak kanamonik che kigitany.

2 ATEPTAP PEETUUSYEK 34:8

Ak eng’ kenyitab taman ak sisiit ne bo laitornatennyi, ye kiga kotilil emet ak got, koyokto anyun Sapan weritab Asalia, ak Maaseia bounindetab nganaset, ak Joa weritab Joahas sirindetab tuguk che biitu, koteech ole kigobutok eng’ gotab Jehovah Kamuktaindennyi.

2 ATEPTAP PEETUUSYEK 36:15

Ak kiiyoktoi Jehovah, Kamuktaindetab kwanisiekwak, bikyik, komusta koba ole mi ichek; amu kirire bikyik, ak ole menyei inendet.

TIENWOGIKAL 81:13

Bwa, nda kiga epcha it bikyuk, Ee, nda kiga cham Israel kobendate ortinwekyuk!

KOMONG'U 8:20

Ak kilenji Jehovah Musa, Ng’eet karon, muste ak itonon eng’ taitab Parao; keero, wendi ainet; ak ilenji inendet, Kamwa Jehovah ko u ni kole, Unde biguk koba, koba koboisiewa.

ISAIAH 55:2

Amu nee si oboisie feda eng’ tuguk che ma amitwogik? Ak boisieng’wong’ agobo tuguk che mobiyonyi? Oepcha it mising’, si oam che miach, ak ingoboiboitu sobonwekwok eng’ che akwaen.

JEREMIA 1:2

ne kinyonji ng’olyotab Jehovah eng’ betusiekab Josia weritab Amon, laitoriatab Juda, eng’ kenyitab taman ak somok ne bo laitornatennyi.

JEREMIA 11:7

Amu kiabaorianji kwanisiekwok eng’ kagiiletab ge, koboch betut ne kiamutu ichek komong’ eng’ emetab Misri, agoi ra, ang’eete karon ak abaorianjini, alenjini, Ogas it kutinnyu.

JEREMIA 19:15

Mwaei Jehovah ne bo lugosiek, Kamuktaindetab Israel, ko u ni kole, Ogeero, aipchini nganasani ak nganasokyik tugul yaitiet tugul ne koamwa agobo nganasanito; amu koiuuiit kaatwekwak, si magas ng’alekyuk.

JEREMIA 22:21

Kiang’alalun eng’ betusiekab boroteng’ung’; ago kiimwa ile, Magase. Kigoek biteeng’ung’ nito koboch ming’inateng’ung’, ile, megase it kutinnyu.

JEREMIA 25:4

Ak kigoyokwok Jehovah otwogikyik tugul che maotik, kong’eetei karon mising’ ak koyogu ichek; ago ma ogas, anan oeb it, si kobiit ogas;

JEREMIA 26:5

ogas ng’alekab otwogikyuk maotik, che ayokwok, ang’eete karon mising’ ak ayokwok, ago kima ogas;

JEREMIA 29:19

amu ma kas ng’alekyuk, mwaei Jehovah, che kiayoktochine ichek otwogikyuk maotik, ang’eete karon mising’ ak ayokte ichek; ago ma ocham ogas, mwaei Jehovah.

JEREMIA 32:33

Ak kigotuktocha batai, ama keera: ak nganda kianet ichek, ang’eete karon mising’ ak aneti, ko ma epchi it si kotaach konetisiet.

JEREMIA 35:14

Kagosulda ng’alekab Jonadab weritab Rekab, che king’at werikyik, kolenji, Amoee divaik, ak tomo koee ichek agoi betuni, amu kase it ng’atutietab kwandanywa: ago kiang’alalwok, ang’eete karon mising’ ak ang’alali, ago ma oepcha it.

JEREMIA 35:15

Ak kiayokwok kogeny otwogikyuk tugul che maotik, ang’eete karon mising’ ak ayogu ichek, amwae ale, Oweege anyun chi age tugul eng’ orennyi ne ya, ak olitit boisionikwok, amosub cheptalelisiek che ter oot ichek, si omeny emet ne kiagonok koboto kwanisiekwok: ago ma oeb it, anan ogasa it.

JEREMIA 36:1

Kinyonji Jeremia ng’olyondoni ne kibunu Jehovah eng’ kenyit ne bo ang’wan ne bo Jeoiakim weritab Josia, laitoriatab Juda, kolenji,

JEREMIA 36:2

Nam bukuit ne mamanat, isirji ng’alek tugul che koamwaun agobo Israel, ak agobo Juda, ak agobo bororiosiek tugul, koboch betut ne kiang’alalun, koboch betusiekab Josia, agoi betuni.

JEREMIA 44:4

Ago kiayokwok otwogikyuk tugul, che maotik, ang’eete karon mising’ ak ayogu, alenjinok, Bwa, amat oyai kiito samis ne aweche.

JEREMIA 7:13

Ara anyun, amu kioyai boisionichuto tugul, mwaei Jehovah, ak kiang’alalwok, ang’eete karon mising’ ak ang’alali, ago ma ogas; ak kiaguurok, ago ma owolu:

JEREMIA 7:25

Koboch betut ne kimong’ kwanisiekwok eng’ emetab Misri agoi rani, ko kiayokwok otwogikyuk tugul che maotik ang’eete kotugul karon ak ayogu ichek:

EZEKIEL 33:4

age tugul anyun ne kasei iriaget, ama iit kateunet, ngot konyo rotwetab chok ak kobar inendet, kotebe korotikyik metinnyi.

SEKARIA 1:4

Amoige kwanisiekwok, che kiga ititenji maotik che bo tai, kolenji, Mwaei Jehovah ne bo lugosiek ko u ni kole, Oweege anyun nguno omete ortinwekwok che yaach, ak boisionikwok che yaach: ago kima kas ichek, anan koepcha it, mwaei Jehovah.

MARIKO 1:35

Ak karon mising’ kota koimen, kong’eet ak komanda sang’, kwo surkwen, kwo kosa eng’ oloto.

JOHANA 8:2

Ak kimus karon konyo hekalut, ak kibwa bik tugul ole mi inendet; ak kiteb ng’ony, konet ichek.

JOHANA 8:47

Inendet ne bo Jehovah kogasei ng’alekab Jehovah: noto anyun mogase okwek, amu mobo Jehovah.

2 TIMOTEO 4:2

amde ng’olyot; choboge eng’ betut ne nyolu, ak eng’ betut ne ma nyolu; itigon, ker kong’, igiil, eng’ muitaet tugul ak konetisiet.