JEREMIA 24:5 - BUKUIT NE TILIL

⁵ Kamwa Jehovah Kamuktaindetab Israel, ko u ni kole: Aiti anyun bik che kigiluul che bo Juda, kogergeit ak logoechu kororon bo mogoonik, che kiayokte koba eng’ olito agoi emetab Kaldeik, si konyor mieindo.

Bukuit Ne Tilil

⁵ Kamwa Kamuktaindet ne Toroor, Kamuktaindetap Israel, kole: Aitii anyun piik che ki kiluul che po Judah, kogergeit ak logoechu korooron po mogoonik, che ki ayookte koba eng' olito agoi emetap Kaldeik, si konyoor myeeindo.

BUKUIT NE TILIIL Sireet ne Dutero Kanon

⁵ Kamwa Kamuktaindet ne Toroor, Kamuktaindetap Israel, kole: Aitii anyun piik che ki kiluul che po Judah, kogergeit ak logoechu korooron po mogoonik, che ki ayookte koba eng' olito agoi emetap Kaldeik, si konyoor myeeindo.

JEREMIA 24:5 ပူးပေါင်းရင်းမြစ်များ

TIENWOGIKAL 119:67

Kiabetote ye kitom kinyalila; Ago nguno asubi ng’olyondeng’ung’.

TIENWOGIKAL 119:71

Mie eng’ ane amu kiginyalila; Si kobiit anetge ng’atutiguk.

JEREMIA 24:4

Ak kinyonja ng’olyotab Jehovah kolenja,

JEREMIA 29:11

Amu angen kabwatutik che abwati agobo okwek, mwaei Jehovah, kabwatutikab kalyet, ma che bo yaitiet, si agonok kamang’unet eng’ betusiekwok che bo let.

JEREMIA 29:20

Ogas anyun ng’olyotab Jehovah, okwek tugul che kigiluul, che kiayokte eng’ Jerusalem koba Babulon.

JEREMIA 29:4

Mwaei Jehovah ne bo lugosiek, Kamuktaindetab Israel, komwachin bik tugul che kigiluul, che kiachamde keluul eng’ Jerusalem koba Babulon:

EZEKIEL 11:17

Mwa anyun ile, Mwaei Kiptaiyat Jehovah ko u ni kole: Ayumok omong’une bororiosiek, ak ayumok omong’une emotinwek ole kioyestochi, ak agonok emetab Israel.

EZEKIEL 11:20

si kobendate ng’atutikyuk, ak korib kayomisutikyuk, ak koyai: ak koek ichek bikyuk, ak aegu Kamuktaindenywa.

ATEPTAP LAWIK 26:44

Agot nganda u choto tugul, ye mi emetab bunikwak, ko maesioi ichek, amaweche, amang’eme awong’u, ak mabute kayomisennyu koboto ichek: amu a Jehovah Kamuktaindenywa:

NAHUM 1:7

Mie Jehovah, irimet eng’ betutab nyalilda; ak kongen icheget che imang’u inendet.

SEKARIA 13:9

Ak amut kebeberato bo somok kobun mat, ak atilil ichek ko u ye kitilili feda ak atiem ichek ko u ye kitiemei tahabu: kuurei ichek kainennyu, ak agas ichek: amwae ale, Icheget ko bikyuk; ak kole, Jehovah ko Kamuktaindennyu.

MATAYO 25:12

Ago kiwolji kolenji, Amwawok, iman, ale, Mangenok.

JOHANA 10:27

Kasei kutinnyu kechirekyuk, ak angen ichek, ak kosuba:

ROMANIK 8:28

Ak kingen kele, eng’ ichek che chamei Jehovah, kotuitos tuguk tugul si kobois koreu che miach eng’ ichek che kigeguur ko u magennyi.

1 KORINTOEK 8:3

ago ngo chamei chi age tugul Jehovah, ko naat chichoto eng’ inendet.

GALATYEK 4:9

ago nguno ko kaonai Jehovah, anan ko kagonaak okwek Jehovah, amu nee anyun si oweektege let kogeny oweekyige konetisiosiek che bo tai che nyalulyotin ak che bo bananda, eng’ choto omache oweekyige otwoknatenywa kogeny?

NG'ATUTIK 8:16

ne kibaenen mana eng’ ong’atet, che kima nai kwanisieguk; si koming’inin, ak kotiemin, si koyaun ne mie eng’ let:

2 TIMOTEO 2:19

Ago tononi lumeiywot ne kim ne bo Jehovah, kotinyei ng’oksoni kele, Ingen Kiptaiyat ichek che chechik; ak, Ingoistoegei yaitiet age tugul ne mwaei kainetab Kiptaiyat.

NG'ANG'UTYET 3:19

Agere kong’ tugul che achame ak atigoni: igiilge anyun, ak isigu.