JEREMIA 24:10 - BUKUIT NE TILIL

¹⁰ Ak ayokyi ichek rotwetab chok, rubet, ak koroito, agoi kogesgei eng’ emet ne kiagochi ichek ak kwanisiekwak.

Bukuit Ne Tilil

¹⁰ Ak ayookyi icheek rotwetap chok, rubeet, ak koroito, agoi kogeskei eng' emet ne ki agoochi icheek ak kwanisyekwak.

BUKUIT NE TILIIL Sireet ne Dutero Kanon

¹⁰ Ak ayookyi icheek rotwetap chok, rubeet, ak koroito, agoi kogeskei eng' emet ne ki agoochi icheek ak kwanisyekwak.

JEREMIA 24:10 ပူးပေါင်းရင်းမြစ်များ

1 LAITORINIK 14:15

Kong’eete nguno kobarei Jehovah Israel, ko u ye kitumdumi morong’iot eng’ beek; ak kotut Israel eng’ emoni kararan, ne kiigochi kwanisiekwak, ak koseer kosiir Ainet bitonin; amu kiyachigei Aserik, kotach Jehovah.

ISAIAH 51:19

Kagobutyin tuguchuto aeng’u; ng’o anyun ne rirjinin? Kubernatet ak ng’emisiet, ak rubet koboto rotwetab chok; agoigoitoin ano anyun?

JEREMIA 14:12

Ye irugutgei ichek, ko magase rirekwak; ak ye igoito kagochinet ne kibeelei, koboto kagochinetab busiek, ko mataache: ago agesu ichek eng’ rotwetab chok, ak rubet, ak koroito.

JEREMIA 15:2

Ak ye tun teebenen kolenjin, Kibendi ano? Imwachi anyun ilenji, Mwaei Jehovah ko u ni kole, Che bo meet, kobendi meet; ak che bo rotwetab chok, kobendi rotwetab chok, ak che bo rubet, kobendi rubet, ak che bo luulet, kobendi luulet.

JEREMIA 16:4

Begu ichek eng’ meet ne ng’wan; magirirjin, ama kitubei; igeitu ng’atatek eng’ ng’ony: ak kibare rotwetab chok, ak rubet; ak koek muswekwak amitwogikab taritikab barak ak tiong’ikab ng’ony.

JEREMIA 19:7

Ak ayai koek buch kiruogutikab Juda ak Jerusalem eng’ olito; ak agochini kebare rotwetab chok eng’ taitab bunikwak, ak eng’ eunekab icheget che cheng’ei sobonwekwak: ak agoite muswekwak koek amitwogikab taritik che bo barak, ak che bo tiong’ikab ng’ony.

JEREMIA 21:9

Inendet ne tebe nganasani, kebarei eng’ rotwetab chok ak eng’ rubet, ak eng’ koroito: ago sobei inendet ne mandoi, ak komut inendet Kaldeik che yiemok, ak koek sobennyi ne kiluulei.

JEREMIA 27:8

Ak tun abire bororiet ak bounatet ne maotei Nebukadnesar nito laitoriatab Babulon, ak ne esioi konde kaatinywa chogitab laitoriatab Babulon, abire bororionoto rotwetab chok, ak rubet, ak koroito, agoi agesu ichek eng’ eunnyi, mwaei Jehovah.

JEREMIA 29:17

mwaei Jehovah ne bo lugosiek ko u ni kole: Ogeero, ayokyini ichek rotwetab chok, ak rubet, ak koroito, ak ayai ichek koigei logoekab mogoonik che samis, che magimuchi keam, amu yaachen mising’.

JEREMIA 29:18

Ak asube ichek rotwetab chok, ak rubet, ak koroito, ak agoite ichek kewirji komosi ak komosi eng’ bounatosiek tugul che bo ng’ony, si koek che chubotin, ak che kikwong’e, ak che kirenyei, ak che kiteweri, eng’ bororiosiek tugul che kiaonji;

JEREMIA 32:24

Ogeero karurugutikab ng’ung’unyek ole bunu bik kobwanei koluulei nganasani; ak kagigochi nganasani eutab Kaldeik che baregei ak nganasanato, amu rotwetab chok, ak rubet, ak koroito: ak kagosulda noto kiimwa; ak keero, igeere noto.

JEREMIA 32:25

Ee Kiptaiyat Jehovah, kiimwawa ilenja, Aljige mbaret eng’ feda, ak iguur baorinik; nganda kigigochi nganasani eutab Kaldeik.

JEREMIA 34:17

Mwaei anyun Jehovah ko u ni kole: Ma oepcha it, si omwaite katiaget, eng’ chi age tugul eng’ tupchennyi, ak eng’ chi age tugul eng’ chitab kokwennyi: ogeero, amwawok katiaget, mwaei Jehovah, ne bo rotwetab chok, ne bo koroito, ak ne bo rubet; ak agoitook kewirjok komosi ak komosi eng’ bounatosiek tugul che bo ng’ony.

JEREMIA 42:17

Igeitu noto eng’ bik tugul che tokyingei Misri kobendi kotebe oloto; begu eng’ rotwetab chok ak eng’ rubet, ak eng’ koroito: ak mami agot agenge eng’ ichek ne ng’etu anan ne chilili eng’ yaitiet ne aipchini.

JEREMIA 42:22

Onai anyun komie ole, obegu eng’ rotwetab chok, ak eng’ rubet, ak eng’ koroito, eng’ ole omache obe otebe.

JEREMIA 5:12

Kigotiiyo bichoto Jehovah, ak kole, Ma inendet; ama ityinech yaitiet; ama kigeere rotwetab chok anan rubet:

JEREMIA 9:15

mwaei anyun Jehovah ne bo lugosiek, Kamuktaindetab Israel, ko u ni kole, Ogeero, abae bichuto ng’wonet, ak anage ichek beek che bo kipsegetetiet koee.

JEREMIA 9:16

Ak ayestochi ichek bororiosiek, che kima nai ichek anan kwanisiekwak: ak ayokte rotwetab chok kosub ichek, kot agesu.

EZEKIEL 33:27

Mwachi anyun bichoto ko u ni ilenji, Mwaei Kiptaiyat Jehovah ko u ni kole: Ko u ye asobe, kibare iman rotwetab chok ichek che mi komoswek che karatwek, ak agochini koam tiong’ik inendet ne mi kewanin, ak kobar koroito ichek che mi irimoik ak che mi kebenonik.

EZEKIEL 6:11

Mwaei Kiptaiyat Jehovah ko u ni kole: Irabach eng’ eung’ung’ ak itiech eng’ keldang’ung’, ak ile, Bwa! Amu tuguk tugul che kiwechei che yaachen che bo gotab Israel: amu barei ichek rotwetab chok, ak rubet, ak koroito.

EZEKIEL 7:15

Mi sang’ rotwetab chok, komi orit koroito, ak rubet: inendet ne mi mbar komeei eng’ rotwetab chok; ak inendet ne mi nganaset, koamei rubet inendet ak koroito.

NG'ATUTIK 28:21

Konin Jehovah koroito konamin agoi kowong’un eng’ emet ne iwendi iname kobunjin.

NG'ANG'UTYET 6:8

Ak kiageer, ogeero, mbartanyit ne talelyo: ak kainetab inendet ne kitebe ko ki Meet; ak kiisub inendet oldab che kigobek. Ak kigigochi ichek kimnatet koboi kebeberta agenge eng’ ang’wan ne bo ng’ony, kobare rotwetab chok, ak rubet, ak meet, ak tiong’ikab timin che bo ng’ony.