JEREMIA 23:9 - BUKUIT NE TILIL

⁹ Kagomea mugulel agobo maotik, irigisistos kowekyuk; a u chi ne kabogit, ak a u chi ne kagoterter divaik; amu Jehovah, ak amu ng’alekyik che tililen.

Bukuit Ne Tilil

⁹ Kagomea mugulel agobo maotik, irigisistos kawekyuk; auu chii ne kabogit, ak auu chii ne kagoterteer divaik; amu Kamuktaindet ne Toroor, ak amu ng'aleekyik che tiliileen.

BUKUIT NE TILIIL Sireet ne Dutero Kanon

⁹ Kagomea mugulel agobo maotik, irigisistos kawekyuk; auu chii ne kabogit, ak auu chii ne kagoterteer divaik; amu Kamuktaindet ne Toroor, ak amu ng'aleekyik che tiliileen.

JEREMIA 23:9 ပူးပေါင်းရင်းမြစ်များ

TIENWOGIKAL 60:3

Kiiborji biguk tuguk che koromen: Kiigonech kee divaik che kibogiti.

TIENWOGIKAL 69:20

Kogoiri muguleldanyu rosyinet; ak a rumot: Ak kiagen che tinyei rirenet, ago kima biit; Ak che imuchi kogaigai chi, ago ma anyoru.

ISAIAH 28:1

Bwa eng’ chepkuletab menotet ne bo kibogitinikab Epraim, ak eng’ taptet ne resei ne bo kororonindab laitornatennyi, ne mi metitab atebwet ne akwai ne bo ichek che kigoterter divaik!

ISAIAH 29:9

Ogenisie ak okwong’ie; oyai ko u ye omache, ak ogorie: kabogityo, ago ma eng’ divaik; terterioti, ago ma eng’ maiyek.

ISAIAH 51:21

Kas anyun ni inye ne kinyalili, ak ko bogitot, ago ma eng’ divaik:

ISAIAH 6:5

Kiale anyun, Bwa ane! Amu kaabet; amu a chi ne tinyei kutit ne ng’wan, ak kimeng’isiei ak bik che ng’wonen kutuswek: amu kaageer Laitoriat, Jehovah ne bo lugosiek.

JEREMIA 20:9

Ak ngot amwa ale, Mamwae kiy agobo inendet, anan ang’alal eng’ kainennyi, kobiit anyun eng’ muguleldanyu ko u mat ne lalei eng’ kowekyuk, ak ang’et eng’ muitaet, ak mamuchi asis.

JEREMIA 36:16

Kingo kagogas ng’alechato tugul anyun, kogeerotgei eng’ kaiyweisiet, ak kolenji Baruk, Kimwachini iman laitoriat ng’alechuto tugul.

JEREMIA 5:31

Maoteni maotik lembeita, ak bou tisiik ko u magetab maotik; ak chamei bikyuk koteeb ko u noto: oyae nee anyun eng’ kagesunetab tuguchuto?

JEREMIA 8:18

Kata mie agaigaige si magase arogenet, tanui muguleldanyu.

JEREMIA 9:1

Kata mie nda ka beek kityo metinnyu, kondametutab beekab kong’ konyekyuk, si kobiit arir bet ak kemoi agobo che kigibar che bo cheptab bikyuk!

RIREKAB JEREMIA 3:15

Kigonyiita ng’wanindo, kigogona abiyo ng’wonet.

EZEKIEL 13:3

Mwaei Kiptaiyat Jehovah ko u ni kole: Bwa maotik che berber, che isubi tamirmirikwak ichegei, ak ko tom kogeer kiy!

EZEKIEL 9:4

Ak kilenji Jehovah inendet, Ui bun kwenutab nganaset, kwenutab Jerusalem, ak ing’och turiosiekab togochikab bik che tigendos ak korirtos agobo tuguk tugul che kiwechei che kiyai eng’ kwenunnyi.

EZEKIEL 9:6

obar ogesu boiyo, muren, chepto, ak lagok che mengechen, ak kwonyik: ago amat orikyi chi age tugul ne kiging’och; ak otaune oldanyu ne tilil. Kitaune anyun boisiek che kimi taitab got.

DANIEL 8:27

Ak kiatanui ane Daniel, amian betusiek alak; ye ibata, ang’eet, ak ayai boisietab laitoriat: ak kiakwong’e ng’ang’utionoto, ago ma biit chi ne kiiguiyo.

HABAKUK 3:16

Kiagas, ak kitilgei moennyu, Kibotan kutinnyu eng’ cheonoto; Kinunio kowekyuk ak kiabotan eng’ ole kiami: Si kobiit amuuny eng’ betutab nyalilda, Ye togosyi noto bik, che ibokyin inendet eng’ kweanaik.

ROMANIK 7:9

Ak kiasobe eng’ tai ye kima komi Ng’atutiet: ago ye kingonyo ng’atutiet, kosob kogeny tengekto, amee anyun;