JEREMIA 23:6 - BUKUIT NE TILIL

⁶ Kisoru Juda eng’ betusiekyik, ak komeng’is Israel eng’ chametab ge: ak ni kainennyi ne kemwaitoe, Jehovah ko imandanyo.

Bukuit Ne Tilil

⁶ Kisaru Judah eng' peetuusyekyik, ak komeng'iis Israel eng' chametapkei: ak ni kainennyi ne kemwaitoe, Kamuktaindet ne Toroor ko imandanyo.

BUKUIT NE TILIIL Sireet ne Dutero Kanon

⁶ Kisaru Judah eng' peetuusyekyik, ak komeng'iis Israel eng' chametapkei: ak ni kainennyi ne kemwaitoe, Kamuktaindet ne Toroor ko imandanyo.

JEREMIA 23:6 ပူးပေါင်းရင်းမြစ်များ

1 LAITORINIK 4:25

Ak kimeng’is Juda ak Israel eng’ chametab ge, kitebe chi tugul kelutab ketinnyi ne bo sabibuk, ak mogoiywennyi, koboch Dan agoi Beer-seba, eng’ betusiek tugul che bo Solomon.

TIENWOGIKAL 45:5

Ng’atiben kipchaboniguk; Ak kobutyin bik kelyeguk Eng’ mugulelwekab bunikab laitoriat;

KOMONG'U 9:26

Emetab Gosen inegei, ole kimi lagokab Israel, ne ma it koikab ropta.

ISAIAH 2:4

Ak koruoksechin inendet bororiosiek, ak koger kong’ bik che chang’: ak kotany rotokwak bo chok koek mogomboik che bo tuga, ak kotany ng’otwekwak koek chepkesok: si ma kobargei bororiosiek, ama konetegei luget kogeny.

ISAIAH 32:1

Ogeero, laitorani laitoriat eng’ imanda, ak kobounis bounik eng’ kiruoget.

ISAIAH 32:18

Ak kotebe bikyuk meng’otetab kalyet, ak eng’ meng’otosiek che ribotin, ak eng’ komoswek che kimuung’e ole sisat.

ISAIAH 33:22

Amu Jehovah ko kiruogindennyo, Jehovah ko ne konech ng’atutik, Jehovah ko laitoriandennyo; inendet ne soruech.

ISAIAH 33:5

Toror Jehovah; amu menyei barak; kigonyiit Sion kiruoget ak imanda.

ISAIAH 35:9

Mabiitu ng’etundo eng’ oloto, ama bunei oranato tiondo age tugul ne korom, maginyorjin oloto; ago bunei oloto che kigitiach:

ISAIAH 42:6

Kiaguurin, ane Jehovah, eng’ imanda, ak anam eung’ung’, ak aribin, ak agonin iegu arorutietab bik, iegu lapkeiyetab Bororiosiek;

ISAIAH 45:17

Ago soru Jehovah Israel eng’ yetunet ne bo koigeny: molilandosi anan otoptobense koigeny ak koigeny.

ISAIAH 54:17

Magiberuri karnet age tugul ne kiyaei si kogirinden; ak igikyini ng’elyepta age tugul ne kirindoin eng’ kiruoget. Nito borotetab otwogikab Jehovah, ak imandanywa ne bunwa, mwaei Jehovah.

ISAIAH 7:14

Konok anyun Kiptaiyat inendet kaborunet; ogeero, manachi bergeiyat, ak kosich werit, ak koguure kainennyi Imanuel.

ISAIAH 9:6

Amu kagisikwech lakwet, kagigonech werit; ak ting’e inendet bounatet tigikyiennyi: ak kiguure kainennyi Kwong’utiet, Kiruogindet, Kamuktaindet ne bo Kamuktaet, Kwanda ne bo Koigeny, Bounindetab Kalyet.

JEREMIA 29:11

Amu angen kabwatutik che abwati agobo okwek, mwaei Jehovah, kabwatutikab kalyet, ma che bo yaitiet, si agonok kamang’unet eng’ betusiekwok che bo let.

JEREMIA 30:10

Ameiywei anyun, ee Jakobo otwogindennyu, mwaei Jehovah; ametoptoben, ee Israel: amu asorun eng’ ole loo, koboto iyoteng’ung’, komong’ eng’ emet ne kiga kiluulji; ak koweek Jakobo, ak kosis, ak komuuny, ama komi chi ne imui inendet.

JEREMIA 31:23

Mwaei Jehovah ne bo lugosiek, Kamuktaindetab Israel, ko u ni kole: Ta komwaei kogeny ichek ng’alechu eng’ emetab Juda ak eng’ nganasokyik, ye tun aweech kogeny eng’ ole kigimut kole: Ingoberurin Jehovah, ee meng’otetab imanda, ee tulwetab tililindo.

JEREMIA 32:37

Ogeero, ayumi ichek komong’ eng’ emotinwek tugul che kigaonji ichek amu neregekyuk, ak eng’ neregekyuk che ng’wonen, ak eng’ neregek che eechen, ak amutu ichek kogeny kobwa olito, ak agochi komeny eng’ chametab ge.

JEREMIA 33:15

Agochini kobityi Daudi Temetab imanda eng’ betusiechoto ak eng’ betunoto; ak koruoch kiruoget ak imanda eng’ emet.

JEREMIA 33:16

Kisoru Juda eng’ betusiechoto; ak komeng’is Jerusalem eng’ chametab ge; ak ni kainet ne kimwaitoe, Jehovah ko imandanyo.

EZEKIEL 21:27

Agabui, agabui, agabui; ma kobiitu noto kogeny, kot konyo ne nyoljin kobunji; si agochi inendet.

EZEKIEL 28:26

Ak komeny oloto eng’ chametab ge; ee teechei gorik, ak komin sabibuk, ak komeng’is eng’ chametab ge; ye tun kaaruokyi ichek tugul che sasei ichek che mi komoswekwak tugul; si konai kole a Jehovah Kamuktaindenywa.

EZEKIEL 38:14

Maoten anyun, ee, weritab chi, ak ilenji Gog, Mwaei Kiptaiyat Jehovah ko u ni kole: Eng’ betut ye tun kameng’is bikyuk Israel eng’ chametab ge, ko tos menae?

EZEKIEL 48:35

Egu tegat elfusiek taman ak sisiit komoswek tugul: ak keguure kainetab nganasanato koboch betunoto, Mi Jehovah oloto.

DANIEL 9:24

Kaging’atyi biguk wigisiek tamanwogik tisab koboto nganaseng’ung’ ne tilil, si kiges bistoet, ak kiges tengekwogik, ak keyai katuiyet agobo tengekto, ak keib imanda ne bo koigeny, ak keng’och ng’ang’utiet ak maoinatet, ak kiil, kitaban ole tilil mising’.

DANIEL 9:7

Ee Kiptaiyat, neng’ung’ imanda, ago nenyo kalilanet, ko u ra; koboto bikab Juda, ak bik che menyei Jerusalem ak Israel tugul, che negit ak che mi ole loo, eng’ emotinwek tugul ole kiionji, amu chalwoktanywa ne kigoyaun.

HOSEA 1:11

Ak kiyum lagokab Juda ak lagokab Israel, ak kolewenjigei kandoindet agenge, ak kotogosta eng’ emonoto: amu egu betut ne o betutab Jesreel.

HOSEA 1:7

Ago arire gotab Juda, ak asorune ichek eutab Jehovah Kamuktaindenywa, amasoru eng’ kwanget, anan eng’ rotwetab chok, anan eng’ luget, anan eng’ mbartanyisiek, anan eng’ bik che lanyei mbartanyisiek.

HOSEA 2:18

Ak ayai arorutiet eng’ betunoto agobo ichek koboto tiong’ikab timin ak taritikab barak, ak tuguk che ichuutegei ng’ony: ak airi kwanget ak rotwetab chok, ak aiste luget eng’ emet, ak agochi koruiyo eng’ chametab ge.

OBADIA 1:17

Ago biitu che chilildos eng’ tulwetab Sion, ak kotililit; ak konam gotab Jakobo tugukab bichoto, kobunji.

OBADIA 1:21

Ak togosu sorunik tulwetab Sion koruokyi tulwetab Esau; ak kobunji bounatet Jehovah.

SEPANIA 3:13

Ma koyaei tengekto bik che king’et che bo Israel, ama komwaei lembechek; ama kinyorjin ng’olyot ne bo ng’alset kutuswekwak: amu tun amisiei ak koruiyo, ama biitu chi ne imui ichek.

SEKARIA 10:6

Ak agimit gotab Juda, ak asoru gotab Josep, ak amutu ichek kogeny, amu arire ichek; ak koigei ye kima amete ichek: amu a Jehovah Kamuktaindenywa, ak agas ichek.

SEKARIA 3:10

Mwaei Jehovah ne bo lugosiek, kole, Tun kuurei chi age tugul eng’ okwek chitab kokwennyi, eng’ betunoto, konyo kelutab ketitab sabibuk, ak ne bo mogoiywet.

ROMANIK 3:22

agot imandab Jehovah ne mi eng’ kayanet eng’ Jesu Kristo eng’ icheget tugul che iyani; amu mami kabesiet;

1 KORINTOEK 1:30

Ago o bo inendet okwek eng’ Kristo Jesu, ne kigiyai eng’ Kristo Jesu, ne kigiyai eng’ achek koek ng’omnatet ne bunu Jehovah, ak imanda, ak tililindo, ak katiaget:

2 KORINTOEK 5:21

Inendet ne kima kongen tengek, ko kiyai inendet koek tengek amu achek; si kobiit keegu imanda ne bo Jehovah eng’ inendet.

PILIPIK 3:9

ak kenyorua eng’ inendet, ko matinye imandanyu, noto ne bo Ng’atutiet, ago noto ne bunu kayanet eng’ Kristo, imanda ne bo Jehovah eng’ kayanet: