JEREMIA 23:2 - BUKUIT NE TILIL

² Mwaei anyun Jehovah, Kamuktaindetab Israel, ko u ni, agobo mestowek che baei bikyuk, kole, Kioiyeste akwennyu, ak oon, ama obe ogeer; ogeero, aitwok biret ne bo yaitietab boisionikwok, mwaei Jehovah.

Bukuit Ne Tilil

² Mwaei anyun Kamuktaindet ne Toroor, Kamuktaindetap Israel, ko uu ni, agobo mestoweek che paei piikyuk, kole, ki oiyeste akweennyu, ak oon, ama obe ogeer; ogeero, aitwok pireet ne po yaityetap poisyonikwok, mwaei Kamuktaindet ne Toroor.

BUKUIT NE TILIIL Sireet ne Dutero Kanon

² Mwaei anyun Kamuktaindet ne Toroor, Kamuktaindetap Israel, ko uu ni, agobo mestoweek che paei piikyuk, kole, ki oiyeste akweennyu, ak oon, ama obe ogeer; ogeero, aitwok pireet ne po yaityetap poisyonikwok, mwaei Kamuktaindet ne Toroor.

JEREMIA 23:2 ပူးပေါင်းရင်းမြစ်များ

KOMONG'U 32:34

Ui anyun, nguno, indochi bik koba kot koit ole kiamwaun: keero, indoun malaikaiyandennyu: agot nganda u noto, ko eng’ betut ne aruokyini, aruokyini amu tengektanywa.

JEREMIA 10:21

Amu kigoigei mestowek tiong’ik, amata koteepse Jehovah: mata konyor anyun kaberuret, ak kagiyesta kechirekwak tugul.

JEREMIA 11:22

mwaei anyun Jehovah ne bo lugosiek ko u ni kole, Ogeero, abire ichek: begu neranik eng’ rotwetab chok; barei rubet werikwak ak tibikwak;

JEREMIA 13:17

Ago ngot ko mogas ng’olyondonito, korirei sobondanyu eng’ ung’ot agobo menoteng’wong’; ak arir mising’, kot koba beekab kong’, amu kageluul kechirekab Jehovah.

JEREMIA 13:20

Oyot met, ak ogeer ichek che bunu murot ne bo katam: mi ano kechirek che kigigonin, kechireguk che kororon?

JEREMIA 13:21

Imwae nee ye tun inde inendet choronoguk koboun, amu inye ne kiinet koboun? Tos manamin ng’woninwek, ko u kwondo ne machei kosigis?

JEREMIA 17:10

Ane Jehovah ne asiachi muguleldo, atieme kabwatutik, si agochi chi age tugul ko u ortinwekyik, ko u logoekab boisionikyik.

JEREMIA 21:12

Ee gotab Daudi, mwaei Jehovah ko u ni kole, Oyai kiruoget karon, osoru ne kigiluul komong’ eng’ eutab usindet, si mamong’ neregekyuk che koromen ko u mat, ak kolal kot ko mami ne imuchi komis, amu yaitietab boisionikwok.

JEREMIA 23:34

Ak abire maotiot, ak tisindet, ak bik, che mwaei kole, Lautietab Jehovah, abire chichoto ak gonnyi.

JEREMIA 44:22

kot ko mata komuch Jehovah komuita, amu yaitietab boisionikwok, ak amu tuguk che kiwechei che kioyai? Kiek anyun emeng’wong’ ne kuberot, ak ne kikwong’e, ak ne kisasei, ama menyei chi, ko u ye u rani.

JEREMIA 5:29

Tos manyone abire agobo tuguchuto? Mwaei Jehovah; tos mayaaktochinige mugetut eng’ bororiet ne u ni?

JEREMIA 5:9

Tos manyone abire agobo tuguchuto? Mwaei Jehovah; ak tos mayaaktochinige mugetut eng’ bororiet ne u ni?

JEREMIA 8:12

Tos kiililanso ye kingoyai tuguk che kiwechei? Achicha, ma ililanso agot kitigin, ama walogis togochikwak: ibutos anyun koboto icheget chek ibutos: tun kiwirtoi ichek eng’ betut ne kibirei, mwaei Jehovah.

EZEKIEL 34:5

Kiyesta amu kima komi mestowot: ak kiek amitwogikab tugul che bo timin, ak kiyesta.

HOSEA 2:13

Ak aipchi inendet biret agobo betusiekab Baalik, che kobeeljin nyamdutik; ye kilelesanjinegei munaokyik koboto tugukyik che bo lelesta, ak kwo kosubot chamanikyik, ak koutiena, mwaei Jehovah.

MIKAH 7:4

Ne mie eng’ ichek ko u katableliat: ne litit mising’ eng’ ichek ko ya kosiir ng’otwetab katok: kagoit betutab ribiguk, betut ne kiityinin biret; egu anyun kaiimenywa bo ge.

SEKARIA 10:3

Anerekyini mestowek, ak abire kwesik: amu karutochi Jehovah ne bo lugosiek akwennyi ne bo kechirek, gotab Juda, ak koyai ichek koigei mbartanyinnyi ne mie eng’ boriet.

SEKARIA 11:16

Amu, keero, ang’eeti mestowot eng’ emoni, ne marutochin che kigeon, ama cheng’ei che kiyesta, anan konya ne kigoil; ama baei ne chamegei, ago amei banyekab che neriotin, ak kobetabet siokwak.

MATAYO 25:36

kiami ach ngor, ak kiolaaksewa: kiamiani, ak kiobwa ogeera: kiami korgoret, ak kiobwanja.

MATAYO 25:43

kia too, ak kima otaacha: kiami ach ngor, ak kima olaaksewa; kiamiani, ak eng’ korgoret, ak kima obwa ogeera.

JAKOBO 1:27

Kayanet ne tilil ne matinyei muruonindo eng’ taitab Jehovah Kwanda, ko ni: kowendi kogeerei che matinyei sigikwak ak mosogik eng’ nyalildanywa, ak koripgei inendet eng’ ng’ony koek ne matinyei tisia.