JEREMIA 23:11 - BUKUIT NE TILIL

¹¹ Amu muruon maotiot ak tisiindet; ee, kianyorji gonnyu yaitienywa, mwaei Jehovah.

Bukuit Ne Tilil

¹¹ Amu murwoon maotyot ak tisiindet; ee, ki anyoorchi koonnyu yaityennywa, mwaei Kamuktaindet ne Toroor.

BUKUIT NE TILIIL Sireet ne Dutero Kanon

¹¹ Amu murwoon maotyot ak tisiindet; ee, ki anyoorchi koonnyu yaityennywa, mwaei Kamuktaindet ne Toroor.

JEREMIA 23:11 ပူးပေါင်းရင်းမြစ်များ

2 ATEPTAP PEETUUSYEK 33:5

Ak kiteekyi kapkorosusiek tuguk tugul che bo kipsengwet, eng’ seremusiechoto aeng’ che bo gotab Jehovah.

2 ATEPTAP PEETUUSYEK 33:7

Ak kiinde kit ne kigiwai ne bo kanamwet ne kiyai inendet, gotab Kamuktaindet, ne kimwachi Kamuktindet Daudi ak Solomon werinnyi, agobo goyoto, kolenji, Andoi kainennyu koigeny goi, ak Jerusalem, ne kialewen eng’ ortinwek tugul che bo Israel:

2 ATEPTAP PEETUUSYEK 36:14

Kiingelelso kogeny mising’ tisiik tugul che eechen, ak bik, kosub tuguk tugul che kiwechei che bo bororiosiek; ak kiimuruon gotab Jehovah ne kiga kotaban eng’ Jerusalem.

EZRAH 10:18

Ak kibiit eng’ werikab tisiik che kiga kotun tibik che toek: eng’ werikab Jesua, weritab Josedak, ak tupchosiekyik, ko ki Maaseia, Elieser, Jarib, ak Gedalia.

JEREMIA 11:15

Yaei nee chamanennyu eng’ gonnyu, amu kigoyai tengekwogik koboto bik che chang’, ak kigoistoenengei banyek che itabanotin? Ye iyae tengek ibaibaitu.

JEREMIA 23:15

Mwaei anyun Jehovah ne bo lugosiek agobo maotik ko u ni kole: Ogeero, abae ichek ng’wonet, ak agochi beek koee: amu kigoyom emet tugul muruonindab maotikab Jerusalem.

JEREMIA 32:34

Ago kiinde tugukwak che kiwechei, got ne kimwaitoe kainennyu, kong’wanit.

JEREMIA 5:31

Maoteni maotik lembeita, ak bou tisiik ko u magetab maotik; ak chamei bikyuk koteeb ko u noto: oyae nee anyun eng’ kagesunetab tuguchuto?

JEREMIA 50:6

U bikyuk kechirek che betyotin: kiibeet mestowekwak ichek, kiimaas eng’ tulonok: kigoombeniot kong’eete tulwet ne o agoi ne ming’in, kigoutie oldanywa ole imuung’e.

JEREMIA 6:13

Amu koboch ne ming’in agoi ne o eng’ ichek, kotinyei age tugul kasetab miat; ak yaei age tugul kaberberisiet koboch maotiot agoi tisiindet.

JEREMIA 7:30

Amu kigoyai lagokab Juda kit ne ya eng’ tainnyu, mwaei Jehovah: kigonde tugukwak che kiwechei got ne kimwaitoe kainennyu, komuruon.

JEREMIA 8:10

Agochini anyun bik alak osotikwak, ak agochi mbarenikwak bik che namei kobunji: amu koboch ne ming’in agoi ne o, kotinyei age tugul kasetab miat, ak yaei age tugul kaberberisiet koboch maotiot agoi tisiindet.

RIREKAB JEREMIA 2:20

Keero, ee Jehovah, ak ibwat ile ng’o ne kiiyachi ko u noto! Tos amei kwonyik iyotenywa, lagok che namei eng’ eunekwak? Tos kibarjin tisiindet ak maotiot oldab Kiptaiyat ole tilil?

EZEKIEL 23:39

Amu ye kingobarji lagokwak kanamonikwak, kobwa betunoto oldanyu ne tilil komuruon; ak ogeero, kiyai noto eng’ gonnyu.

EZEKIEL 44:10

Ago ibei tengektanywa Lawik che kigoistoenagei kolooegitu, ye kingobetyo Israel, che kigoba kometa kosub kanamonikwak.

EZEKIEL 7:20

Kigainde etunatet kororonindab lelestanyi: ago kiyai kanamonikab tugukwak che kiwechei koboto tugukwak che samis eng’ oloto: koayai anyun kioto koek kit ne muruon eng’ ichek.

EZEKIEL 8:11

Ak kitononie taitab kanamonichoto bik tamanwogik tisab che bo boisiekab Israel, ak kitonone kwenunywa Jaasania weritab Sapan, kotinyei chi age tugul terennyi eng’ eunnyi, ne kibeelse; ak kitogosta iyeto ne bo ng’uunetab nyamdutik.

EZEKIEL 8:16

Ak kiimutwa seremut ne bo orit ne bo gotab Jehovah, ak ogeero, kimi bik che negit tiptem ak mut eng’ kurgetab hekalutab Jehovah, eng’ kwenutab keterut ak kaptisisiet, che kaituktochi batai hekalutab Jehovah, ak kotokyigei kong’asis; ak kisa asista kotokyingei kong’asis.

SEPANIA 3:3

Ng’etunyik che borisendos bounikyik che mi kwenunnyi; suikab koskoleny kiruogikyik; maituuchi kiy agoi koeech.

SEPANIA 3:4

Bik che tangusen ak koberberisiei maotikyik: kigomuruon tisiikyik ole tilil, kigong’em ng’atutik.