JEREMIA 22:5 - BUKUIT NE TILIL

⁵ Ago ngot ko mogas it ng’alechuto, ayosiechinige anyun, mwaei Jehovah, ale, egu goi karatia.

Bukuit Ne Tilil

⁵ Ago ngot ko mogas iit ng'aleechuuto, ayosyechinigei anyun, mwaei Kamuktaindet ne Toroor, ale, egu kooi karaatya.

BUKUIT NE TILIIL Sireet ne Dutero Kanon

⁵ Ago ngot ko mogas iit ng'aleechuuto, ayosyechinigei anyun, mwaei Kamuktaindet ne Toroor, ale, egu kooi karaatya.

JEREMIA 22:5 ပူးပေါင်းရင်းမြစ်များ

TAUNET 22:16

kolenji, Kayosiechige anege, mwaei Jehovah, amu keyai kii, ma ietena wering’ung’ ne inegei.

2 ATEPTAP PEETUUSYEK 7:19

Ago ngot omaste, ak olakte konetisiosiekyuk ak ng’atutikyuk che kiande taing’wong’, ak obe oot kanamonik, ak ogutung’ji:

2 ATEPTAP PEETUUSYEK 7:21

Ak kwong’ei age tugul ne siirei yuto, agobo goi o te ni, ak kole, Amu nee si koyachi Jehovah ko u ni emoni ak goi?

2 ATEPTAP PEETUUSYEK 7:22

Ak kowol kole, Amu kimeto ichek Jehovah, Kamuktaindetab kwanisiekwak, ne kiimut ichek komong’ eng’ emetab Misri, ak konamgei ak kanamonik, ak kogutung’ji, ak koot: noto anyun kiipchi inendet ichek yaitioni tugul.

TIENWOGIKAL 95:11

Kiayosie anyun eng’ neregekyuk, Ale, Maitei ichek kamuung’ennyu.

ISAIAH 1:20

ago ngot oesie ak ongelelse, kebarenok rotwetab chok: amu kagomwa nito kutitab Jehovah.

JEREMIA 12:7

Kiabagakte gonnyu, kiamete borotennyu; kiagochi chamanetab sobondanyu kwo eunekab bunikyik.

JEREMIA 17:27

Ago ngot ko mogasa it otaban betutab sabato, amoib laut age tugul ak obe orit obun ormarichokab Jerusalem eng’ betutab sabato; alaal anyun mat eng’ ormarichokyik, si kobeel gorikab laitoriat che bo Jerusalem, ama kimisi.

JEREMIA 26:4

Ak ilenji ichek, Kamwa Jehovah ko u ni kole: Ngot ko mocham ogasa, obendate ng’atutikyuk, che kiande taing’wong’,

JEREMIA 39:8

Ak kibeel Kaldeik gotab laitoriat, ak gorikab bik, ak kobut irimoikab Jerusalem.

JEREMIA 44:26

Ogas anyun ng’olyotab Jehovah, okwek bikab Juda tugul che omenye emetab Misri: Ogeero, koayosie eng’ kainennyu ne o, mwaei Jehovah, ale, ma komwaei kainennyu chi age tugul ne bo Juda eng’ emet tugul ne bo Misri, kole, Ko u ye sobei Kiptaiyat Jehovah.

AMOS 6:8

Kigoyosiechigei Kiptaiyat Jehovah, mwaei Jehovah, inendet Kamuktaindet ne bo lugosiek, kole: Aweche menotetab Jakobo, ak aweche gorikyik che bo laitoriat: asoru anyun nganaset koboto tugul che mi orit.

MIKAH 3:12

Kibati anyun Sion agobo okwek ko u ye kibati mbaret, ak koek Jerusalem karurugutik, ak koigei tulwetab got komoswek che tororen che bo osnet.

MATAYO 23:38

Ogeero, kagebagakwok gong’wong’ koek kipkubere.

HEBRANIK 3:18

Ak ng’o che kiiyosiechi inendet kole magoi it kamuung’ennyi, tos ma ichek che kiingelelso?

HEBRANIK 6:13

Amu ye kingoyachi Jehovah Abraham arorutiet, ko amu kima komi age ne o kosiir inendet ne kiimuchi koyosiechi koyosio agobo ge,

HEBRANIK 6:17

Eng’ ng’olyondonoto ye kingomach Jehovah mising’ koborji ichek che nyoru arorutiet ole u rarennyi ne ma walaksei, konde kayosiet kwenut: