JEREMIA 22:3 - BUKUIT NE TILIL

³ Mwaei Jehovah ko u ni kole: Oyai okwek kiruoget ak imanda, ak osoru ne kigiluul komong’ eng’ eutab usindet: amat oyai ne ya, anan koromnatet, oyachi toondet, anan ne matinyei kwanda, anan mosoget, amotumde korotik che matinyei tengek, eng’ olito.

Bukuit Ne Tilil

³ Mwaei Kamuktaindet ne Toroor kole: Oyai okweek kirwooget ak imanda, ak osaru ne ki kiluul komong' eng' eutap usiindet: amat oyai ne ya, anan koroomnateet, oyachi toondet, anan ne ma tinyei sigiik, anan mosoget, amotumde korotiik che ma tinyei tengek, eng' olito.

BUKUIT NE TILIIL Sireet ne Dutero Kanon

³ Mwaei Kamuktaindet ne Toroor kole: Oyai okweek kirwooget ak imanda, ak osaru ne ki kiluul komong' eng' eutap usiindet: amat oyai ne ya, anan koroomnateet, oyachi toondet, anan ne ma tinyei sigiik, anan mosoget, amotumde korotiik che ma tinyei tengek, eng' olito.

JEREMIA 22:3 ပူးပေါင်းရင်းမြစ်များ

2 SAMUEL 23:3

Kile Kamuktaindetab Israel, King’alalwa Ruandetab Israel kole: Inendet ne bou bik eng’ imanda, Ne bou eng’ kaiyweisietab Kamuktaindet,

2 LAITORINIK 24:4

ak agobo korotik che matinyei tengek che kitumda; amu kiinyiit Jerusalem korotik che matinyei tengek: ak kiesio Jehovah konyochi kaat.

Kitabuutap JOB 22:9

Kiion mosogik koba ak eut buch, Ak kigeiri eunekab che matinyei kwanisiek.

Kitabuutap JOB 24:9

Mi che ng’use kinaik che matinyei kwanisiek, Ak konamei tugukab kibananok agobo besendo:

TIENWOGIKAL 68:5

Kwandab che matinyei kwanda, ak ne tononjin mosogik, Ko Kamuktaindet eng’ gonnyi ne tilil.

TIENWOGIKAL 82:4

Osoru kibananiat ak ne matinyei kiy: Osoru ichek eng’ eunekab kiptengeginik.

TIENWOGIKAL 94:21

Iyumigei agobo sobondab ne bo iman, Ak koruokyi korotik che matinyei tengek.

TIENWOGIKAL 94:6

Barei mosoget ak toondet, Ak rumei che matinyei kwanda.

KOMONG'U 22:21

Ameyachi ne ya too, anan inyalil: amu kio toek ak okwek eng’ emetab Misri.

KOMONG'U 22:22

Amous mosok age tugul, anan lakwet ne matinyei kwanda.

KALEWANAIK 23:10

Ameiste kiwotet ne bo keny; Amewe mbarenikab che matinyei kwanisiek;

KALEWANAIK 6:17

Choto ko, konyekab menotet, ng’elyepta ne mwaei lembech, Ak eunek che tumdoi korotik che matinyei tengek;

ISAIAH 1:23

Ngelelik bouniguk, ak ko choronokab chorik; chamei age tugul tugukab kagaigaet, ak kosuboti tuguk che kigeerjin: maibesiechin ne matinyei kwanda, ama kiipchin ichek ng’alekab mosoget.

ISAIAH 58:6

Tos ma karugutetab ge ni ne kialewen: ale kitiach ratutikab yaitet, kitiach anokab chogit, ak keunda che kigetiekyi ng’ony, ak oiri chogit age tugul?

ISAIAH 58:7

Tos ma kebae amitwogiguk che amei rubet, ak imutu kibananok che kigetimda, kobwa gong’ung’? Ye igeer ne mi ach ngor, ituch; ameung’ege bik che bo oreng’ung’?

JEREMIA 19:4

Amu kigometa ichek, kigoyai yuto koek ole maginaei, ak kigobeelji eng’ yuto, nyamdutik, kanamonik che ter, che kima kongen, icheget ak kwanisiekwak ak laitorinikab Juda; ak kigonyiit olito korotikab che matinyei tengek;

JEREMIA 21:12

Ee gotab Daudi, mwaei Jehovah ko u ni kole, Oyai kiruoget karon, osoru ne kigiluul komong’ eng’ eutab usindet, si mamong’ neregekyuk che koromen ko u mat, ak kolal kot ko mami ne imuchi komis, amu yaitietab boisionikwok.

JEREMIA 22:17

Ago matokyingei konyeguk ak muguleldang’ung’ kiy age kobate tugukab ng’wen, ak tumdaetab korotik che matinyei tengek, ak sastaet, ak koromnatet, koyai choto.

JEREMIA 26:16

Yeityo komwachi bounik ak bik tugul tisiik ak maotik kolenji: Manyoljin meet chichi; amu kagong’alalwech eng’ kainetab Jehovah Kamuktaindennyo.

JEREMIA 5:28

Kigonerio mising’, iluu: ee, siirtootin ichek eng’ boisionikab sogornatet: mairuochi, maibesiechin ne matinyei kwanda, si kobiit kiberur; ama iruoksechin komie che bonondos.

JEREMIA 7:23

Ago kiang’at ichek agobo ng’olyondoni, alenji, Ogas kutinnyu, si aek Kamuktaindeng’wong’, ak oegu bikyuk: ak obendate oret tugul ne ang’atok, si kobiit komieit eng’ okwek.

JEREMIA 9:24

ago ingolosgei eng’ ng’olyondoni inendet ne ilosugei, kole, ingena ak konaa, kole, a Jehovah ne boisie chamnyet ne tala, kiruoget, ak imanda eng’ ng’ony: amu aboiboitune tuguchuto, mwaei Jehovah.

RIREKAB JEREMIA 3:36

Anan kibeet chi eng’ ng’olyondennyi.

EZEKIEL 18:12

ne kigoyachi ne ya kibananiat ak ne matinyei kiy, ne kigorebis eng’ koromnatet, ne tom koweekta kit ne kiginame besendo, ak kigotokyi konyekyik kanamonik, ne kigoyai kit ne kiwechei,

EZEKIEL 18:7

ak tom koyachi chi kiy ne ya, ago kogoweekta kit ne kiginame besendo, koweekyi chito ne kiginame besendo, koweekyi chito ne kiyaachei, ama rebe chi kiy eng’ koromnatet, ak kigogochi amitwogik chito ne amei rubet, ak kolaaksechi ne mi ach ngor;

EZEKIEL 22:7

Kigosas ichek eng’ inye kwanda ak kamet; kigonyalil ichek toek eng’ kwenung’ung’: kigoyachi ne ya eng’ inye ne matinyei kwanda ak mosoget.

EZEKIEL 45:9

Mwaei Kiptaiyat Jehovah ko u ni kole: Ingoyamak noto, ee bounikab Israel: oiste koromnatet ak ng’emisiet, ak oyai kiruoget ak imanda; oiste yaakset ne oyaache bikyuk eng’ kimnatet, mwaei Kiptaiyat Jehovah.

JOEL 3:19

Kuberi Misri, ak koek Edom ong’atet ne kigoguber, amu koromnatet ne kigiyachi lagokab Juda, amu kigotumda korotik che matinyei tengek eng’ emenywa.

ATEPTAP LAWIK 19:15

Amat oyai ne ma bo iman eng’ kiruoget: ametiytii kibananok, anan igonyit che eechen: ago iruokyi chitab kokweng’ung’ eng’ imanda.

AMOS 5:15

Owech yaitiet, ocham che miach, ak ogimit kiruoget eng’ ormarichet: abere imuchi korire Jehovah, Kamuktaindet ne bo lugosiek, che king’et che bo Josep.

AMOS 5:24

Ago ingoroot kiruoget ko u beek, ak ingoroot imanda ko u ainet ne nyiitat beek.

MIKAH 3:11

Iruochi kandoik amu tuguk che kigoigoisie ak inetisiei tisiik amu melekto, ak kong’orsei maotikyik amu siling’isiek: nganda u noto kotiiegei Jehovah ak kolen, Tos mami Jehovah kwenunnyo? Mami yaitiet ne nyonjinech.

MIKAH 6:8

Ee inye chi, kagoborun inendet kit ne mie; ak nee ne magenen Jehovah, kobate iyai imanda, ak icham rirenet, ak iwendote eng’ kaming’inetab ge koboto Kamuktaindeng’ung’?

MALAKI 3:5

Ak arikyok eng’ kiruoget, ak aegu baoriat ne chepcheb agobo bonik, ak agobo che ibegei, ak agobo bik che iyostos eng’ lembechek; ak agobo ichek che sastoe otwogindet ne kisirei eng’ melektanyi, che sastoe mosok, ak ne matinyei kwanda, ak ne imaasi toondet, amaiywea, mwaei Jehovah ne bo lugosiek.

MATAYO 23:23

Bwa okwek, sirik ak Parisaik, chombilik! Amu ogoitoi kebebertab taman ne bo heduosmon ak bisalik ak kamon, amoyae ng’alek che eechen che bo Ng’atutik, choto ko kiruoget, ak rirenetab ge, ak kayanet; ago kanyoljinok oyai chuto, amobagach chun alak.

NG'ATUTIK 10:18

Inendet ne yachin imanda ne matinyei kwanda, ak ne mosok, ak kochamei toondet, igochin amitwogik ak ngoroik.

NG'ATUTIK 24:17

Amemaas kiruogetab toondet, anan ne matinyei kwanda; anan iname besendo ngorietab mosoget:

NG'ATUTIK 24:7

Ngenyor chi ne kachor tupchennyi age ne bo lagokab Israel, ak koyachi ko u otwogin, anan koalda, ingome anyun chorindonoto: iste ko u noto anyun yaitiet eng’ kwenung’ung’.

NG'ATUTIK 25:1

Ngo biit tiiyet eng’ bik, ak kobwa kapkiruok, ak koruokyi kiruogik; koiityi anyun ne bo imanda imanda, ak kogikyi ne ya;

NG'ATUTIK 27:19

Chubot chi ne imaasi kiruogetab ne toondet, ak ne matinyei kwanda, ak mosoget. Ak kole bik tugul, Amen.

JAKOBO 1:27

Kayanet ne tilil ne matinyei muruonindo eng’ taitab Jehovah Kwanda, ko ni: kowendi kogeerei che matinyei sigikwak ak mosogik eng’ nyalildanywa, ak koripgei inendet eng’ ng’ony koek ne matinyei tisia.