JEREMIA 22:23 - BUKUIT NE TILIL

²³ Ee inye ne imenye Lebanon, ne iteeche kesweng’ung’ eng’ taragonik, iegu chi ne kirirjin mising’ ye kabwanjin ng’woninwek, ng’wanindo ne u ne bo kwondo ne machei kosigis!

Bukuit Ne Tilil

²³ Ee inyee ne imenye Lebanon, ne iteeche kesweng'ung' eng' taragonik, iegu chii ne kiriirchin miising' ye kabwonjin ng'waninwek, ng'wanindo ne uu ne po kwondo ne machei kosigiis!

BUKUIT NE TILIIL Sireet ne Dutero Kanon

²³ Ee inyee ne imenye Lebanon, ne iteeche kesweng'ung' eng' taragonik, iegu chii ne kiriirchin miising' ye kabwonjin ng'waninwek, ng'wanindo ne uu ne po kwondo ne machei kosigiis!

JEREMIA 22:23 ပူးပေါင်းရင်းမြစ်များ

JEREMIA 21:13

Keero, aborienen, ee inye ne imenye atebwet, ak ne menyei ruandet ne bo warenget, mwaei Jehovah; okwek che omwae ole, Ng’o ne chorugei kebarge? Anan ng’o ne nyonei ole kimenye?

JEREMIA 22:6

Amu mwaei ko u ni Jehovah agobo gotab laitoriat ne bo Juda kole, I Gilead eng’ ane, ak ko i metitab Lebanon; ago ayain iman iegu ong’atet, ak nganasok che magimenyei.

JEREMIA 3:21

Kigasei waagat eng’ tulonok che churiotin, rirek, ak somutikab lagokab Israel; amu kigomaas orenywa, kigoutie Jehovah Kamuktaindenywa.

JEREMIA 48:28

Ee okwek che omenye kebenonik; ak oige cheptuget ne teechei keswennyi eng’ tabanwekab kurgetab kebenet.

JEREMIA 49:16

Ago kigoberberin menotetab muguleldang’ung’, amu kamuiseng’ung’, ee inye ne imenye ole kibetak eng’ ruandet, ne iname walitab tulwet: nganda iteeche kesweng’ung’ eng’ barak ko u kipsichit, arorogun eng’ oloto, mwaei Jehovah.

JEREMIA 6:24

Kigegas kalosunenywa; kanyalulso eunekyok: kanamech bichiindo, ak ng’woninwek, che u che bo kwondo ne machei kosigis.

EZEKIEL 17:3

ilenji, Mwaei Kiptaiyat Jehovah ko u ni kole; Kinyonji Lebanon kipsichit ne no ne tinyei kebebaik che eechen ak ko koen, che nyiitat kororik che kitinyei saleiywek che ter, ak koib walitab tarakwet:

HOSEA 5:15

Aweekyinige anyun oldanyu, agoi kong’any chalwoktanywa, ak kocheng’a: cheng’a eng’ kagiiletab ge eng’ nyalildanywa.

HOSEA 7:14

Ama rirja eng’ mugulelwekwak, ago iteitos eng’ itogusiekwak: iyumegei agobo bek ak divaik; ingeleljina.

AMOS 9:2

Agot ngo bal agoi oldab che kigobek, konemu eunnyu eng’ oloto; agot ngo togosta kipsengwet, achooru eng’ oloto.

OBADIA 1:4

Agot ngitiriren iwe barak mising’ ko u kipsichit, agot ngiteech kesweng’ung’ ole mi kecheik, atururun eng’ oloto, mwaei Jehovah.

HABAKUK 2:9

Bwa inendet ne taachei kelunet ne ya agobo gonnyi, si kobiit koteech keswennyi eng’ ole toror, si kobiit kesor eng’ eutab yaitiet!

KAITOSYEK 24:21

Yeityo kogeer Kenindet ak komwa kalewenennyi, kole, Kim ole imenye, Ak mi kesweng’ung’ ruandet.