JEREMIA 22:22 - BUKUIT NE TILIL

²² Baei usonet mestoweguk tugul, ak keluul chamaniguk: ililan iman anyun ak itoptoben agobo yaitieng’ung’ tugul.

Bukuit Ne Tilil

²² Paei usoonet mestoweguk tugul, ak keluul chamaniguk: ililan iman anyun ak itoptoben agobo yaityeng'ung' tugul.

BUKUIT NE TILIIL Sireet ne Dutero Kanon

²² Paei usoonet mestoweguk tugul, ak keluul chamaniguk: ililan iman anyun ak itoptoben agobo yaityeng'ung' tugul.

JEREMIA 22:22 ပူးပေါင်းရင်းမြစ်များ

ISAIAH 64:6

Amu kigiige tugul chi ne bo simdo, ak u imandanyo tugul ngoriet ne muruon: ak kirestosi achek tugul ko u sogot; ak onech yaitwogikyok ko u ye onsei usonet.

ISAIAH 65:13

Mwaei anyun Kiptaiyat Jehovah ko u ni kole, Ogeero, tun amisiei otwogikyuk, ago amok rubet: ogeero, tun eeisei otwogikyuk, ago amok melel: ogeero, tun baibaitu otwogikyuk, ago olilandosi:

JEREMIA 10:21

Amu kigoigei mestowek tiong’ik, amata koteepse Jehovah: mata konyor anyun kaberuret, ak kagiyesta kechirekwak tugul.

JEREMIA 12:10

Kigong’em mbarennyu ne bo sabibuk mestowek che chang’, kigotiegat kebebertanyu, kigoyai kebebertanyu ne kararan koek ong’atet ne mami kiy.

JEREMIA 2:36

Amu nee si iombenote iwal bandang’ung’? Ililani agobo Misri kogeny, ko u ye kiililan agobo Asuria.

JEREMIA 2:37

Imandoe inendet agine, inamoti meting’ung’: amu kigoesio Jehovah kamang’unosiekwok, ak mebore choto.

JEREMIA 2:8

Ma mwa tisiik kole, Mi ano Jehovah? Ama naa ichek che tinyei ng’atutik: kiingelelja kogeny bounik agichek, ak kimaotense maotik Baal, ak kobendate tuguk che maginyorune kelunet.

JEREMIA 20:11

Ago mi Jehovah kobota ko u inendet ne kim ak komuisei: kinachi anyun usikyuk, ama iterterisiei: ililandos kot, amu ma yai eng’ ng’omnatet, ak magoi kiutie tewernatenywa ne bo koigeny.

JEREMIA 30:14

Kigoutienen chamaniguk tugul: macheng’in: amu kaaguotenin eng’ kaguotenetab bunyot eng’ kotigonetab inendet ne korom; amu oindab yaitieng’ung’, amu kitesogis tengekwogiguk.

JEREMIA 4:30

Ak inye, ye king’emin, iyae nee? Agot ngilaachi ngoroik che biriren, agot ngilelesane tuguk che bo tahabu, agot ngibaraae konyeguk saleiywek, ko buch kororonindo ne iyachinige; sasin chamaniguk, cheng’ei sobondang’ung’.

JEREMIA 5:13

ak koek maotik usonet, ama mi ng’olyot eng’ orinywa: kiyachin ko u noto.

JEREMIA 7:19

Tos tacha bichoto anerech? Mwaei Jehovah. Tos matachegei ichegei, si kogochigei kalilanet eng’ togochikwak?

HOSEA 12:1

Baegei Epraim usonet, ak kosuboti usonetab kong’asis: tesei kotugul lembechek ak ng’emisiet; ak koyomisegei koboto Asuria, ak keib mwanik koba Misri.

HOSEA 13:15

Agot ngo nyor berurto inendet eng’ kwenutab tupchosiekyik, konyonei usonetab kong’asis, togosu kabusetab Jehovah eng’ ong’atet, ak koteny kondanyi ne bo beek, ak koteny kondametunnyi: luulei konoruetab tugukyik tugul.

HOSEA 4:19

Kagotuch usonet inendet eng’ kebebaikyik; ak ililandos amu tisieywekwak.

SEKARIA 11:17

Bwa mestowot ne matilei kiy ne bagaktoi akwet! Ing’ururi rotwetab chok eunnyi ak kondanyi ne bo tai: yaamei eunnyi, ak kogor kondanyi ne bo tai.

SEKARIA 11:8

Ak kiang’em mestowek somok eng’ arawet agenge; amu kigong’et sobondanyu agobo ichek, ak kowecha kogeny sobonwekwak.