JEREMIA 22:21 - BUKUIT NE TILIL

²¹ Kiang’alalun eng’ betusiekab boroteng’ung’; ago kiimwa ile, Magase. Kigoek biteeng’ung’ nito koboch ming’inateng’ung’, ile, megase it kutinnyu.

Bukuit Ne Tilil

²¹ Ki ang'alaalun eng' peetuusyegap poroteng'ung'; ago ki imwa ile, “Ma kase.” Ki koek piteeng'ung' niito kobooch ming'inateng'ung', ile, megase iit kutinnyu.

BUKUIT NE TILIIL Sireet ne Dutero Kanon

²¹ Ki ang'alaalun eng' peetuusyegap poroteng'ung'; ago ki imwa ile, “Ma kase.” Ki koek piteeng'ung' niito kobooch ming'inateng'ung', ile, megase iit kutinnyu.

JEREMIA 22:21 ပူးပေါင်းရင်းမြစ်များ

2 ATEPTAP PEETUUSYEK 33:10

Ak king’alalji Jehovah Manase ak bikyik; ago kima mage kiy.

TIENWOGIKAL 129:1

Kigonyalila ichek konyil che chang’ koboch ko a ming’in, Ingomwa Israel nguno kole,

KALEWANAIK 30:9

Si mabiye ak aesien, ak ale, Ng’o Jehovah? Anan si maegu kibanania, ak achorse, Si mamwa kainetab Kamuktaindennyu eng’ tangoi.

ISAIAH 48:8

Ee, kitom igas, ee kitom inai; ee kitom koyatak iting’ung’: amu kiangen ale iyae kaberberisiet ne o, ak kigiguurenen bistoindet koboch imi mo.

JEREMIA 13:10

Igeitu birenoni ma kotilei kiy, bichu yaachen, che esioi kogas ng’alekyuk, che bendote uuindab mugulelwekwak, ak kosuboti kanamonik che ter, si koot ichek, ak kolos.

JEREMIA 19:15

Mwaei Jehovah ne bo lugosiek, Kamuktaindetab Israel, ko u ni kole, Ogeero, aipchini nganasani ak nganasokyik tugul yaitiet tugul ne koamwa agobo nganasanito; amu koiuuiit kaatwekwak, si magas ng’alekyuk.

JEREMIA 2:25

Amat kobetyi kweiyot keldang’ung’, anan koam melelda moktang’ung’: ago kiimwa ile, Matilei kiy kamang’unet: achicha; amu kiacham toek, ak asubi ichek.

JEREMIA 2:31

Ee ibini, ogeer ng’olyotab Jehovah. Tos kiaegu emetab mesundeito ne o? Amu nee anyun si komwa bikyuk kole, Kigitiachech; ma kebwane kogeny ole imi?

JEREMIA 25:3

Kinyonja ng’olyotab Jehovah koboch kenyitab taman ak somok ne bo Josia weritab Amon, laitoriatab Juda, agoi ra, kenyisiechu tiptem ak somok, ak kiamwawok, ang’eete karon mising’ ak ang’alalwok; ago ma ogas.

JEREMIA 25:4

Ak kigoyokwok Jehovah otwogikyik tugul che maotik, kong’eetei karon mising’ ak koyogu ichek; ago ma ogas, anan oeb it, si kobiit ogas;

JEREMIA 25:7

Ago kima ogasa kora, mwaei Jehovah; si kobiit otacha eng’ boisionikab eunekwok, si oipchinege ng’wanindo.

JEREMIA 25:8

Kamwa anyun Jehovah ne bo lugosiek ko u ni kole: Amu ma ogas ng’alekyuk,

JEREMIA 3:24

Ago kigoam kit ne bo kalilanet boisionikab kwanisiekyok koboch ming’inatennyo; koboto kechirekwak ak akwotisiekwak, ak werikwak ak tibikwak.

JEREMIA 3:25

Ongeruiye eng’ kalilanennyo, ak ingotuchech tewernatennyo: amu kigeyachi tengekto Jehovah Kamuktaindennyo, achek ak kwanisiekyok, koboch ming’inatennyo agoi betuni: ama kigas it kutitab Jehovah Kamuktaindennyo.

JEREMIA 32:30

Amu kigoyai lagokab Israel ak lagokab Juda ne ya eng’ tainnyu koboch ming’inatenywa: amu kigotacha lagokab Israel anerech eng’ boisionikab eunekwak, mwaei Jehovah.

JEREMIA 35:15

Ak kiayokwok kogeny otwogikyuk tugul che maotik, ang’eete karon mising’ ak ayogu ichek, amwae ale, Oweege anyun chi age tugul eng’ orennyi ne ya, ak olitit boisionikwok, amosub cheptalelisiek che ter oot ichek, si omeny emet ne kiagonok koboto kwanisiekwok: ago ma oeb it, anan ogasa it.

JEREMIA 48:11

Kigotebe Moab kalyet koboch ming’inagtennyi, kigotepto kimnatennyi ko u divaik che mi ak misigikyik, che tom kerong’ eng’ teret age koba teret age: ak tomo keluul: ta kotinyei anyun amu noto anyinyindanyi, ak tom kowalak ng’uunennyi.

JEREMIA 6:16

Mwaei Jehovah ko u ni kole, Otononie eng’ ortinwek ak ogeer, ak oteeb ortinwek che bo keny, ole mi oret ne mie, ak obendate noto, si osich kamuung’et eng’ sobonwekwok: ago kile, Magibendote ortinwechoto.

EZEKIEL 20:13

Ago kiingelelja gotab Israel eng’ ong’atet: ma bendate ng’atutikyuk, ak kiesio kiruogutikyuk, che ngo yai chi kosobei eng’ choto; kiimuruon ichek mising’ sabatosiekyuk: kiamwa anyun ale, arong’jini ichek eng’ ong’atet neregekyuk che ng’wonen si ages ichek.

EZEKIEL 20:21

Ago kiingelelja agichek lagok; ma bendate ng’atutikyuk anan korib kiruogutikyuk, koyai, che ngo yai chi kosobei eng’ choto; kiimuruon ichek sabatosiekyuk: amwa anyun ale arong’jini ichek neregekyuk che ng’wonen si kobiit ayai neregekyuk kosulda eng’ ichek eng’ ong’atet.

EZEKIEL 20:28

Amu ye kingamutu ichek kobwa emet, ne kiaiitochi eunnyu agochi, kogeer tulwet age tugul ne koi, ak ketit age tugul ne nyigis, ak kiigoito eng’ oloto korosekwak, ak kiigoito eng’ oloto kagochinoikwak che bo tagisiet, kibeelei kogeny nyamdutikwak, ak korong’ji oloto kagochinoikwak che kieei.

EZEKIEL 20:8

Ago kiingelelja, ma cham kogasa it; ma meto chi age tugul eng’ ichek tuguk che kiwechei che kichamei konyekwak, ama meto kanamonikab Misri: amwa anyun ale, Arong’jini ichek neregekyuk che ng’wonen, si kobiit ayai neregekyuk kosulda eng’ ichek eng’ emetab Misri.

SEPANIA 3:2

Kima kas it mwaet; kima taach kotigonet; kima imang’ Jehovah; kima rikyi Kamuktaindennyi.

SEKARIA 7:7

Tos manyoljok ogas ng’alek che kimwa Jehovah eng’ maotik che bo tai, ye kigimenyei Jerusalem, ak komi berurto, ak nganasokyik che mi komoswekyik tugul, ak ye kigimenyei Murot ne bo Tai ak soito?

NG'ATUTIK 31:27

Amu angen ngelelnateng’ung’, ak uuindab kaating’ung’: ogeero, kaongelelji Jehovah, kota asobe ami kobotok betuni; oyae anyun ne tia ye kaamei?

NG'ATUTIK 9:24

Kiongelelji Jehovah koboch betut ne kianaenak.

NG'ATUTIK 9:7

Ibwat, ameutie, chang’indab tagisiet ne kiitach Jehovah Kamuktaindeng’ung’ eng’ ong’atet: koboch betut ne kiimong’une emetab Misri, agoi oitu yu, ko kiongelelji Jehovah.