JEREMIA 22:20 - BUKUIT NE TILIL

²⁰ Togoste Lebanon, ak irir; ak iwaach eng’ Basan: ak irir eng’ Abarim; amu kagobar chamaniguk tugul.

Bukuit Ne Tilil

²⁰ Togoste Lebanon, ak iriir; ak iwaach eng' Bashan: ak iriir eng' Abarim; amu kagobar chamaniguk tugul.

BUKUIT NE TILIIL Sireet ne Dutero Kanon

²⁰ Togoste Lebanon, ak iriir; ak iwaach eng' Bashan: ak iriir eng' Abarim; amu kagobar chamaniguk tugul.

JEREMIA 22:20 ပူးပေါင်းရင်းမြစ်များ

2 LAITORINIK 24:7

Ak ki mata konyo kogeny laitoriatab Misri komong’ eng’ emennyi: amu kiga konam laitoriatab Babulon, kong’eete ainetab Misri agoi ainetab Euprate, choto tugul che ki bo laitoriatab Misri.

ISAIAH 57:13

Ingosorun ye irire, ichek che kiiyum, ago ibei usonet ichek, ibei kabuset ichek tugul: ago namei emet kobunji, inendet ne imang’wa, ak koek tulwennyu ne tilil borotennyi.

JEREMIA 2:25

Amat kobetyi kweiyot keldang’ung’, anan koam melelda moktang’ung’: ago kiimwa ile, Matilei kiy kamang’unet: achicha; amu kiacham toek, ak asubi ichek.

JEREMIA 2:36

Amu nee si iombenote iwal bandang’ung’? Ililani agobo Misri kogeny, ko u ye kiililan agobo Asuria.

JEREMIA 2:37

Imandoe inendet agine, inamoti meting’ung’: amu kigoesio Jehovah kamang’unosiekwok, ak mebore choto.

JEREMIA 22:22

Baei usonet mestoweguk tugul, ak keluul chamaniguk: ililan iman anyun ak itoptoben agobo yaitieng’ung’ tugul.

JEREMIA 25:9

ogeero, ayoktoi kenam bikab ortinwek tugul che bo murot ne bo katam, mwaei Jehovah, koboto Nebukadresar, laitoriatab Babulon, otwogindennyu, ak amutu ichek kobokyi emoni, ak bik che menyei olito, ak bororiosiechu tugul che mi komoswechuto; ak ang’em ichek, agesu, ak ayai koek kwong’et, ak ne kirenyei, ak karotwek betusiek tugul.

JEREMIA 3:1

Mwaei ichek kole, Ngot koon chi osotiondennyi, ak kobagakta inendet ak koek osotiotab chito age, ko tos ta koweekyigei chichoto kwonyoto kogeny? Tos maimuruoni emonoto mising’? Ago kiiyai kugoinatet koboto chamanik che chang’; ago oweekyage kogeny, mwaei Jehovah.

JEREMIA 4:30

Ak inye, ye king’emin, iyae nee? Agot ngilaachi ngoroik che biriren, agot ngilelesane tuguk che bo tahabu, agot ngibaraae konyeguk saleiywek, ko buch kororonindo ne iyachinige; sasin chamaniguk, cheng’ei sobondang’ung’.

RIREKAB JEREMIA 1:19

Kiaguur chamanikyuk, ago kiiberbera: Kibekyi nganaset tisiikyuk ak boisiekyuk, Ye kicheng’jingei amitwogik kole kosoob sobonwekwak.

RIREKAB JEREMIA 1:2

Rirei mising’ kemoi, ak kotendeni beekab kong’ eng’ matang’wekyik; Mami agot agenge ne igoigoi inendet eng’ chamanikyik tugul: Kigoberber choronokyik tugul inendet, Kagoek bunikyik.

EZEKIEL 23:22

Ara anyun, ee Oholiba, mwaei Kiptaiyat Jehovah ko u ni kole: Keero, ang’eetyinin chamaniguk, che kigotoiyegei sobondang’ung’, ak amutu ichek kobwanjin eng’ komosta age tugul;

EZEKIEL 23:9

Kiande anyun inendet eunekab chamanikyik, kwo eunekab Asuriek, che kichamei mising’.

EZEKIEL 27:6

Kigoyai ichek mugangoguk che kiwase beek, ketikab Basan; kiyae seremusieguk kelekab belek, che kigiliige taragonik che ter che bunu ngegusiekab Kitim.

KAITOSYEK 27:12

Ak kilenji Jehovah Musa, Togosu tulwonito bo Abarim, si itoben emet ne kiagochi lagokab Israel.

NG'ATUTIK 32:49

Togoste tulwoni bo Abarim, agoi tulwetab Nebo, ne mi emetab Moab, ne tokyingei Jeriko; igeer emetab Kanan ne agochini lagokab Israel kobunji: