JEREMIA 21:7 - BUKUIT NE TILIL

⁷ Ak ye ibata, mwaei Jehovah, asoru Sedekia laitoriatab Juda, ak otwogikyik, ak bik, bik che ng’etu eng’ nganasanito, asoru eng’ koroito, ak eng’ rotwetab chok, ak eng’ rubet, agoite koba eutab Nebukadresar laitoriatab Babulon, ak koba eunekab bunikwak, ak eunekab icheget che cheng’ei sobonwekwak: ak kobar ichek eng’ rotwetab chok; mabagaktoi, ama rire, ama riregei.

Bukuit Ne Tilil

⁷ Ak ye ibata, mwaei Kamuktaindet ne Toroor, asaru Zedekiah laitoryatap Judah, ak otwogikyik, ak piik, piik che ng'etu eng' nganasaniito, asaru eng' koroito, ak eng' rotwetap chok, ak eng' rubeet, agoite koba eutap Nebukadresar laitoryatap Babilon, ak koba eunegap puunikwak, ak eunegap icheeget che cheeng'ei saboonwekwak: ak kobar icheek eng' rotwetap chok; ma pagaaktoi, ama riiree, ama rireegei.

BUKUIT NE TILIIL Sireet ne Dutero Kanon

⁷ Ak ye ibata, mwaei Kamuktaindet ne Toroor, asaru Zedekiah laitoryatap Judah, ak otwogikyik, ak piik, piik che ng'etu eng' nganasaniito, asaru eng' koroito, ak eng' rotwetap chok, ak eng' rubeet, agoite koba eutap Nebukadresar laitoryatap Babilon, ak koba eunegap puunikwak, ak eunegap icheeget che cheeng'ei saboonwekwak: ak kobar icheek eng' rotwetap chok; ma pagaaktoi, ama riiree, ama rireegei.

JEREMIA 21:7 ပူးပေါင်းရင်းမြစ်များ

ISAIAH 27:11

Ye kagoresyo temenikyik, koilyo; bwanei kwonyik ak kobeel: amu bororiot ne matinyei naet; noto anyun marire ichek inendet ne kiyai, ama tiytii ichek inendet ne kimimii.

ISAIAH 47:6

Kianerekyi bikyuk, kiamuruon bortannyu, ak kiande ichek eung’ung’: ma irire agot kitigin; kiigesenji che kigoosegitu choging’ung’ ne nyigis mising’.

JEREMIA 13:14

Ak atue chito age age, kwanisiek ak werik, mwaei Jehovah: marire, anan abagakte, anan korira mo, kot ko magesu ichek.

JEREMIA 14:12

Ye irugutgei ichek, ko magase rirekwak; ak ye igoito kagochinet ne kibeelei, koboto kagochinetab busiek, ko mataache: ago agesu ichek eng’ rotwetab chok, ak rubet, ak koroito.

JEREMIA 15:5

Amu ng’o ne tos rirenen, ee Jerusalem? Anan ng’o ne rirjinin? Anan ng’o ne mosu koteebenen agobo chametab ge?

JEREMIA 15:9

Nyaluli inendet ne kigosich lagok tisab; meei; kagororokto asistanyi kota ko bet; kigolilan ak kotoptoben: ak agoite che ng’etu eng’ ichek kobar rotwetab chok eng’ taitab bunikwak, mwaei Jehovah.

JEREMIA 19:7

Ak ayai koek buch kiruogutikab Juda ak Jerusalem eng’ olito; ak agochini kebare rotwetab chok eng’ taitab bunikwak, ak eng’ eunekab icheget che cheng’ei sobonwekwak: ak agoite muswekwak koek amitwogikab taritik che bo barak, ak che bo tiong’ikab ng’ony.

JEREMIA 20:4

Amu mwaei Jehovah ko u ni kole, Keero, ayain iegu kamuiset ne imuege, ak ne imue choronoguk tugul: ak kobar ichek bunikwak eng’ rotwetab chok, ak igeer noto: ak agoite Juda tugul koba eutab laitoriatab Babulon, ak koluul ichek koba Babulon, ak kobare rotwetab chok.

JEREMIA 22:25

ak andein eunekab icheget che cheng’ei sobondang’ung’, ak eunekab ichek che iywei, eutab Nebukadresar laitoriatab Babulon, ak eutab Kaldeik.

JEREMIA 27:6

Kaagochi anyun emotinwechuto tugul Nebukadnesar laitoriatab Babulon, otwogindennyu, kaagochi inendet tiong’ikab timin koot inendet.

JEREMIA 32:4

ama chilili Sedekia laitoriatab Juda eng’ eutab Kaldeik, ago kindoi iman eutab laitoriatab Babulon, ak kong’alal tuwai kimni, ak kogeergei togoch;

JEREMIA 34:3

amechilile eunnyi, ago kiluulin iman, ak kindein eunnyi, ak igeer laitoriatab Babulon togoch, ak ong’alal tuwai kimni, ak iwe Babulon.

JEREMIA 36:29

Ak imwa agobo Jeoiakim laitoriatab Juda ile, Mwaei Jehovah ko u ni kole: Kiibeel bukuinoto, ile, Amu nee si isir, ile, Nyonei laitoriatab Babulon iman kong’emei emoni, ak kowong’ eng’ olito chi ak tiony?

JEREMIA 37:17

koyokto anyun Sedekia laitoriat kimut inendet konyo: ak kiteepse laitoriat inendet eng’ ung’ot eng’ gonnyi, kolenji, Tos mi ng’olyot age tugul ne bunu Jehovah? Ak kile Jeremia, Mitei. Kimwa kogeny kole, Kindein eutab laitoriatab Babulon.

JEREMIA 50:17

U Israel kechirek che kigoiyesta; kigoon ng’etunyik inendet: kisib koam inendet laitoriatab Asuria; ak eng’ let koiri kowekyik Nebukadresar, nito laitoriatab Babulon.

RIREKAB JEREMIA 2:20

Keero, ee Jehovah, ak ibwat ile ng’o ne kiiyachi ko u noto! Tos amei kwonyik iyotenywa, lagok che namei eng’ eunekwak? Tos kibarjin tisiindet ak maotiot oldab Kiptaiyat ole tilil?

RIREKAB JEREMIA 2:22

Kiiguur kamuisosiekyuk eng’ komosta age tugul, ko u eng’ betutab tuiyet ne kiging’at. Ama biit chi ne kichilil anan ne king’et eng’ betutab neregekab Jehovah: Kigoges bunyondennyu icheget che kianame ak aribe koboch ko mengech.

EZEKIEL 23:28

Amu mwaei Kiptaiyat Jehovah ko u ni kole: Keero, andein eutab ichek che iweche, andein eutab ichek che kigotoiyegei sobondang’ung’:

EZEKIEL 7:9

Amarirenen kondanyu, ama rira mo: aibun ko u ortinweguk, ak kotebe kwenung’ung’ tuguguk che bo wechet; si onai ole a Jehovah ne abirisiei.

EZEKIEL 8:18

Ayae anyun agane eng’ neregek che ng’wonen: marirenen kondanyu, ama rira mo: agot nganda rirja eng’ waagat ne o, ko magasyini.

EZEKIEL 9:10

Ago ne u ane, ko marire kondanyu, ama rira mo, ago aipchini orenywa metowekwak.

NG'ATUTIK 28:50

bororiet ne korom igeere, ne meiiti chi ne os, ama rire lakwa: