JEREMIA 21:6 - BUKUIT NE TILIL

⁶ Ak abir bik che menyei nganasani, chi ak tiony: begu eng’ koroito ne o.

Bukuit Ne Tilil

⁶ Ak abir piik che menyei nganasani, chii ak tyony: pegu eng' koroito ne oo.

BUKUIT NE TILIIL Sireet ne Dutero Kanon

⁶ Ak abir piik che menyei nganasani, chii ak tyony: pegu eng' koroito ne oo.

JEREMIA 21:6 ပူးပေါင်းရင်းမြစ်များ

TAUNET 6:7

Ak kimwa Jehovah kole, Abere awong’u bik che kiatau ayai eng’ ng’ony komugul; kong’eete chi, ak tiony, ak ne ichuutegei, agoi tarit age tugul ne bo barak; kima ko ta mie ayai ichek.

ISAIAH 6:11

Kiateebe anyun, ale, Ee Kiptaiyat, tianitu? Ak kiwol kole, Agoi tun koguber nganasok, ak koguber gorik, ak koek emet kipkubere mising’.

JEREMIA 14:12

Ye irugutgei ichek, ko magase rirekwak; ak ye igoito kagochinet ne kibeelei, koboto kagochinetab busiek, ko mataache: ago agesu ichek eng’ rotwetab chok, ak rubet, ak koroito.

JEREMIA 16:4

Begu ichek eng’ meet ne ng’wan; magirirjin, ama kitubei; igeitu ng’atatek eng’ ng’ony: ak kibare rotwetab chok, ak rubet; ak koek muswekwak amitwogikab taritikab barak ak tiong’ikab ng’ony.

JEREMIA 20:4

Amu mwaei Jehovah ko u ni kole, Keero, ayain iegu kamuiset ne imuege, ak ne imue choronoguk tugul: ak kobar ichek bunikwak eng’ rotwetab chok, ak igeer noto: ak agoite Juda tugul koba eutab laitoriatab Babulon, ak koluul ichek koba Babulon, ak kobare rotwetab chok.

JEREMIA 32:24

Ogeero karurugutikab ng’ung’unyek ole bunu bik kobwanei koluulei nganasani; ak kagigochi nganasani eutab Kaldeik che baregei ak nganasanato, amu rotwetab chok, ak rubet, ak koroito: ak kagosulda noto kiimwa; ak keero, igeere noto.

JEREMIA 33:12

Mwaei Jehovah ne bo lugosiek ko u ni kole: Ta kobiitu kogeny eng’ olito ole karatia, ama mi chi, ama mi tiony, ak eng’ nganasokyik tugul, meng’otetab mestowek ak ole kerjin akwotisiek che bo kechirek.

JEREMIA 34:17

Mwaei anyun Jehovah ko u ni kole: Ma oepcha it, si omwaite katiaget, eng’ chi age tugul eng’ tupchennyi, ak eng’ chi age tugul eng’ chitab kokwennyi: ogeero, amwawok katiaget, mwaei Jehovah, ne bo rotwetab chok, ne bo koroito, ak ne bo rubet; ak agoitook kewirjok komosi ak komosi eng’ bounatosiek tugul che bo ng’ony.

JEREMIA 36:29

Ak imwa agobo Jeoiakim laitoriatab Juda ile, Mwaei Jehovah ko u ni kole: Kiibeel bukuinoto, ile, Amu nee si isir, ile, Nyonei laitoriatab Babulon iman kong’emei emoni, ak kowong’ eng’ olito chi ak tiony?

JEREMIA 42:22

Onai anyun komie ole, obegu eng’ rotwetab chok, ak eng’ rubet, ak eng’ koroito, eng’ ole omache obe otebe.

JEREMIA 7:20

Mwaei anyun Kiptaiyat Jehovah ko u ni kole: Ogeero, kirong’jin olito neregekyuk ak neregekyuk che ng’wonen, kirong’jin bik ak tuga, ak ketikab timin, ak eng’ logoekab mbar; ak laldos, ama kimisi.

EZEKIEL 12:16

Ago atuuchi bik che ng’ering’ eng’ ichek kochilile rotwetab chok, ak rubet, ak koroito; si kobiit kobarta tugukwak tugul che kiwechei eng’ bororiosiek ole tun bendi; si konai kole a Jehovah.

EZEKIEL 14:13

Ee weritab chi, ye yaiywa emet tengekto eng’ bistoet, ak atokyi eunnyu emonoto, ak atil amitwogikyik, ak ayokyi rubet, ak abar chi ak tiony;

EZEKIEL 14:17

Anan ngot aipchi rotwetab chok emonoto, ak ale, Ee rotwoni bo chok, ui bun emet; si abar chi ak tiony;

EZEKIEL 14:19

Anan ngot ayokyi koroito emonoto, ak arong’ji neregekyuk che ng’wonen atumde korotik, aiste chi ak tiony:

EZEKIEL 14:21

Amu mwaei Kiptaiyat Jehovah ko u ni kole: Kotam nee anyun ye ayokyi Jerusalem kiruogutikyuk ang’wan che ng’wonen; rotwetab chok, ak rubet, ak tiong’ik che yaachen, ak koroito, si kobar chi ak tiony?

EZEKIEL 33:27

Mwachi anyun bichoto ko u ni ilenji, Mwaei Kiptaiyat Jehovah ko u ni kole: Ko u ye asobe, kibare iman rotwetab chok ichek che mi komoswek che karatwek, ak agochini koam tiong’ik inendet ne mi kewanin, ak kobar koroito ichek che mi irimoik ak che mi kebenonik.

EZEKIEL 33:29

Yeityo konai ichek kole a Jehovah, ye kaayai emet koguber ak koek ne kikwong’e, amu tugukwak tugul che kiwechei che kigoyai.

EZEKIEL 7:15

Mi sang’ rotwetab chok, komi orit koroito, ak rubet: inendet ne mi mbar komeei eng’ rotwetab chok; ak inendet ne mi nganaset, koamei rubet inendet ak koroito.

HOSEA 4:3

Rirei anyun emet, ak nyaluli age tugul ne menyei oloto, koboto tiong’ikab timin ak taritikab barak; ee, kiistoi agichek njirenikab nyanjet.

MIKAH 3:12

Kibati anyun Sion agobo okwek ko u ye kibati mbaret, ak koek Jerusalem karurugutik, ak koigei tulwetab got komoswek che tororen che bo osnet.

SEPANIA 1:3

Agesu chi ak tiony; agesu taritikab barak, ak njirenikab nyanjet, koboto kanagutik ak kiptengeginik; ak abar bik eng’ ng’ony, mwaei Jehovah.

LUKA 21:24

Ak kobutyo ichek eng’ ng’atibindab rotwetab chok, ak kimut luulenik koba bororiosiek tugul: ak kotiech Bororiosiek Jerusalem, agoi kosulda betusiekab Bororiosiek.