JEREMIA 21:2 - BUKUIT NE TILIL

² Asomin ale, teebwech eng’ Jehovah; amu ibokyinech Nebukadresar laitoriatab Babulon: tamangab koyaiywech Jehovah ko u boisionikyik tugul che kikwong’e, si kobiit kwo koistoeneigei.

Bukuit Ne Tilil

² asoomin ale, teebwech eng' Kamuktaindet ne Toroor; amu ibookyinech Nebukadresar laitoryatap Babilon: tamangap koyaiywech Kamuktaindet ne Toroor ko uu poisyonikyik tugul che kikwong'ee, si kobiit kwo koistoeneigei.

BUKUIT NE TILIIL Sireet ne Dutero Kanon

² asoomin ale, teebwech eng' Kamuktaindet ne Toroor; amu ibookyinech Nebukadresar laitoryatap Babilon: tamangap koyaiywech Kamuktaindet ne Toroor ko uu poisyonikyik tugul che kikwong'ee, si kobiit kwo koistoeneigei.

JEREMIA 21:2 ပူးပေါင်းရင်းမြစ်များ

TAUNET 10:10

Taunetab bounatennyi ko ki Babel, ak Erek, Akat, ak Kalne, eng’ emetab Sinar.

2 LAITORINIK 1:3

Ago kilenji malaikaiyatab Jehovah Elija Tisbindet, Ng’eet, ak iwe otuiye ak bik che kaiyokto laitoriatab Samaria, ak ilenji ichek, Si obe oteepse Baal-sebub kanamwetab Ekron, ko amu mami Kamuktaindet Israel?

2 LAITORINIK 17:24

Ak kiimut laitoriatab Asuria bik eng’ Babulon, ak Kuta, ak Aba, ak Hamat, ak Separbaim, ak konde ichek nganasokab Samaria kogeer lagokab Israel: ak kibunji ichek Samaria, ak komeny nganasokyik.

2 ATEPTAP PEETUUSYEK 32:21

Ak kiiyokto Jehovah malaikaiyat, ne kibar murenik tugul che kimen che nyigonen, koboto kandoik ak kiptainik, eng’ nganaset ne bo laitoriatab Asuria. Koweek anyun eng’ kalilanet kwo emennyi. Ak kingoit gotab kanamwennyi, kobar lagokyik inendet eng’ yoto eng’ rotwetab chok.

KOMONG'U 9:28

Osa Jehovah; amu kagoyam tulosiechu kimen ak koik; si agonok obe, amata ogage.

ISAIAH 48:2

Amu mwaei kole ki bo nganaset ne tilil, ak kotiiegei Kamuktaindetab Israel: kainennyi ko Jehovah ne bo lugosiek.

JEREMIA 15:11

Kimwa Jehovah kole, Agimitin iman agobo kit ne mie; iman agochini bunyot kogaigain eng’ betutab yaitiet ak eng’ betutab usisiet.

JEREMIA 21:3

Kimwachi anyun Jeremia kolenji, Omwachi Sedekia ko u ni olenji:

JEREMIA 32:17

Ee Kiptaiyat Jehovah! Keero, kiiyai kipsengwet ak ng’ony eng’ kimnateng’ung’ ne o ak eng’ eung’ung’ ne chuulat; mami kiy age tugul ne temenen,

JEREMIA 32:24

Ogeero karurugutikab ng’ung’unyek ole bunu bik kobwanei koluulei nganasani; ak kagigochi nganasani eutab Kaldeik che baregei ak nganasanato, amu rotwetab chok, ak rubet, ak koroito: ak kagosulda noto kiimwa; ak keero, igeere noto.

JEREMIA 34:1

Kinyonji Jeremia ng’olyot ne kibunu Jehovah, ye kibargei Nebukadnesar laitoriatab Babulon, ak lugennyi tugul, ak bounatosiek tugul che bo ng’ony che kimi bounatennyi, ak bororiosiek tugul kobaregei ak Jerusalem, ak nganasokyik tugul, kolenji:

JEREMIA 37:17

koyokto anyun Sedekia laitoriat kimut inendet konyo: ak kiteepse laitoriat inendet eng’ ung’ot eng’ gonnyi, kolenji, Tos mi ng’olyot age tugul ne bunu Jehovah? Ak kile Jeremia, Mitei. Kimwa kogeny kole, Kindein eutab laitoriatab Babulon.

JEREMIA 37:3

Ak kiiyokto Sedekia laitoriat Jeukal weritab Selemia, ak Sepania weritab Maaseia tisiindet, koba oldab maotiot Jeremia, kolenji, Saiywech anyun Jehovah Kamuktaindennyo.

JEREMIA 37:7

Mwaei Jehovah, Kamuktaindetab Israel, ko u ni kole: Omwachi ko u ni laitoriatab Juda, ne kaiyokwok obwa oteepsena, olenji: Keero, lugetab Parao, ne kanyo kotoretin, koweeksei kobendi Misri emenywa.

EZEKIEL 7:26

Nyonei bichiindo kosubu bichiindo, ak bwanei ng’alekab bik kosub ng’alekab bik; ak kocheng’ ng’ang’utietab maotiot; ago betei ng’atutiet eng’ tisiindet, ak kobet kiruoget eng’ boisiek.

KIRUOGIK 20:27

Ak kiteebe lagokab Israel Jehovah, (amu kimi oloto moingetab arorutietab Kamuktaindet eng’ betusiechoto,

1 SAMUEL 10:22

Kota koteebe Jehovah anyun kogeny, kolenji, Ta komi chi ne ta konyonei yu? Ak kiwol Jehovah kole, Kaung’egei tuguk.

1 SAMUEL 28:15

Ak kimwachi Samuel Saul kolenji, Amu nee si iima, imutwa atogos? Ak kiwolji Saul kolenji, Atinye nyalilda ne ng’wan; amu kabwa Pilistik kebarge, ak kogometa Kamuktaindet, ama kowolwa kiy, eng’ maotik, anan eng’ karuotitaosiek: noto anyun kaguurin, si kobiit iborua kit ne ayae.

1 SAMUEL 28:6

Ak ye kingolen koteebe Saul Jehovah, ko ma kowolji Jehovah, eng’ karuotitaosiek, anan eng’ Urim, anan eng’ maotik.