JEREMIA 21:12 - BUKUIT NE TILIL

¹² Ee gotab Daudi, mwaei Jehovah ko u ni kole, Oyai kiruoget karon, osoru ne kigiluul komong’ eng’ eutab usindet, si mamong’ neregekyuk che koromen ko u mat, ak kolal kot ko mami ne imuchi komis, amu yaitietab boisionikwok.

Bukuit Ne Tilil

¹² Ee kootap Daudi, mwaei Kamuktaindet ne Toroor kole, oyai kirwooget karon, osaru ne ki kiluul komong' eng' eutap usiindet, si ma mong' nereegekyuk che koroomen ko uu maat, ak kolal kot koma mi ne imuuchi komis, amu yaityetap poisyonikwok.

BUKUIT NE TILIIL Sireet ne Dutero Kanon

¹² Ee kootap Daudi, mwaei Kamuktaindet ne Toroor kole, oyai kirwooget karon, osaru ne ki kiluul komong' eng' eutap usiindet, si ma mong' nereegekyuk che koroomen ko uu maat, ak kolal kot koma mi ne imuuchi komis, amu yaityetap poisyonikwok.

JEREMIA 21:12 ပူးပေါင်းရင်းမြစ်များ

2 SAMUEL 8:15

Ak kilaitoran Daudi eng’ Israel tugul; ak kiiruokyi Daudi bikyik tugul eng’ lititindo ak iman.

Kitabuutap JOB 29:17

Ak kiairi tagilgilikab bik che ma bo iman, Ak ang’usu eng’ kelyekyik kit ne kimachei kobar.

TIENWOGIKAL 101:8

Ang’eme karonet age tugul kiptengeginik tugul che bo emet; Si kobiit aisto yaik tugul che bo tengekto eng’ nganasetab Jehovah.

KOMONG'U 18:13

Ak eng’ karonet ne bo aeng’, koteb ng’ony Musa koruoksechi bik: ak kitononso bik eng’ ole mi Musa kong’eete karon agoi koimen.

ISAIAH 1:17

onetge oyai ne mie; ocheng’ kiruoget, otoret che kisastoe, obesiechi ng’alek ne matinyei kwanda, ong’alaldochi mosoget.

ISAIAH 1:31

Ak koigei che kimen katanisiek che arurendos, ak koigei boisiennyi mat ne iteri; ak kolalyo tuwai, ama biitu ne imisi.

ISAIAH 7:13

Ak kimwa kole, Ogas anyun, ee gotab Daudi; tos kit ne ming’in eng’ okwek ogochi bik kong’etyo, kot ogochi Kamuktaindennyu kong’et agine?

ISAIAH 7:2

Ak kigimwachi gotab Daudi, kelenji, Kanamgei Suria ak Epraim. Ak kibotan muguleldanyi, ak mugulelwekab bikyik, ko u ye itumdumi usonet ketikab osnet.

JEREMIA 17:4

Ak ibagaktoi aginye boroteng’ung’ ne kiagonin; ak agonin iot buniguk eng’ emet ne mengen: amu kiolaal mat eng’ neregekyuk, ne lalei koigeny.

JEREMIA 21:5

Ak kebarege ak okwek eng’ eut ne chuulat, eut ne kim, eng’ neregek, ak eng’ neregek che ng’wonen, ak eng’ neregek che eechen.

JEREMIA 23:19

Ogeero, kagomong’ kipchurjurietab Jehovah, noto neregekyik che koromen, ee, kipchurjuriet ne usei kot: kwerei metowekab kiptengeginik.

JEREMIA 23:2

Mwaei anyun Jehovah, Kamuktaindetab Israel, ko u ni, agobo mestowek che baei bikyuk, kole, Kioiyeste akwennyu, ak oon, ama obe ogeer; ogeero, aitwok biret ne bo yaitietab boisionikwok, mwaei Jehovah.

JEREMIA 23:5

Ogeero, bwanei betusiek, mwaei Jehovah, che ang’eetyini Daudi Temet ne bo iman, ak kolaitoran ko laitoriat, ak kobois eng’ ng’omnatet, ak koyai kiruoget ak imanda eng’ emet.

JEREMIA 36:7

Tamangab komwaita somutikwak eng’ taitab Jehovah, ak koweek chi age tugul kometo orennyi ne ya: amu eechen neregek koboto neregek che ng’wonen che kigomwa Jehovah agobo bichu.

JEREMIA 4:4

Omuratange obunji Jehovah, oiste irirenikab mugulelwekwok, okwek bikab Juda ak che omenye Jerusalem: si mamong’ neregekyuk che koromen ko u mat, ak kolalyo kot ko maimuchi chi komis, amu yaitietab boisionikwok.

JEREMIA 44:22

kot ko mata komuch Jehovah komuita, amu yaitietab boisionikwok, ak amu tuguk che kiwechei che kioyai? Kiek anyun emeng’wong’ ne kuberot, ak ne kikwong’e, ak ne kisasei, ama menyei chi, ko u ye u rani.

JEREMIA 5:14

Mwaei anyun Jehovah, Kamuktaindet ne bo lugosiek, ko u ni, kole, Amu omwae ng’olyondoni, ogeero, ayae ng’alekyuk eng’ kuting’ung’ koek mat, ak koek bichu kwenik, si kobeel maata ichek.

JEREMIA 5:28

Kigonerio mising’, iluu: ee, siirtootin ichek eng’ boisionikab sogornatet: mairuochi, maibesiechin ne matinyei kwanda, si kobiit kiberur; ama iruoksechin komie che bonondos.

JEREMIA 7:20

Mwaei anyun Kiptaiyat Jehovah ko u ni kole: Ogeero, kirong’jin olito neregekyuk ak neregekyuk che ng’wonen, kirong’jin bik ak tuga, ak ketikab timin, ak eng’ logoekab mbar; ak laldos, ama kimisi.

JEREMIA 7:5

Amu ngot olitit komie ortinwekwok ak boisionikwok; ak ngot oruoksechi komie chi ak chitab kokwennyi;

RIREKAB JEREMIA 4:11

Kigoyai Jehovah neregekyik che ng’wonen kosulda, kigorong’ neregekyik che koromen; Ak kigonaam mat eng’ Sion, ne kigobeel lumeiywekyik.

EZEKIEL 22:31

Kaarong’ji anyun neregekyuk ichek amu noto; kaagesu eng’ matab neregekyuk: kiande ortinwekwak metowekwak, mwaei Kiptaiyat Jehovah.

ATEPTAP LAWIK 26:28

atilok let anyun eng’ bandanyu eng’ neregek che bichien, ak abirok agane konyil tisab amu tengekwogikwok.

NAHUM 1:6

Ng’o ne imuchi kotonon eng’ taitab neregekyik? Ak ng’o ne imuchi komuita eng’ koromnatetab neregekyik? Kirong’u neregekyik che ng’wonen ko u mat, ak tonatoni inendet ruandosiek.

SEPANIA 1:18

Ama imuchi fedaisiekwak anan tahabusiekwak kosor ichek eng’ betutab neregekab Jehovah; ago kibeelei emet komugul eng’ matab ng’etkondanyi: igesu, ee, igesu eng’ kamuiset, ichek tugul che menyei emet.

SEPANIA 3:5

Bo iman Jehovah ne mi kwenunnyi; mayaei tengekto; ibortoi kiruogennyi karonet age tugul, yaei kosulda; ago maililandos bik che ma bo iman.

LUKA 1:69

Kagong’eetwech kuinetab yetunet Eng’ gotab Daudi kiboitiondennyi

ROMANIK 13:4

amu inendet ko kiboitiotab Jehovah eng’ inye, ne yaei ne mie. Ago ngiyai ne ya, iywei; amu maiboti rotwetab chok buch: amu inendet ko kiboitiotab Jehovah, yaaktaindetab mugetut agobo neregek eng’ inendet ne yaei yaitio.

NG'ATUTIK 32:22

Amu kalal mat ne bo neregekyuk, Ak lalei agoi keringet ne loo mising’, Ak kobeel ng’ony koboto ruratennyi, Ak kobeel ole tonone tulonok.