JEREMIA 21:10 - BUKUIT NE TILIL

¹⁰ Amu kaatokyi togennyu nganasani aipchi yaitiet, ma agobo mieindo, mwaei Jehovah; kindoi eutab laitoriatab Babulon si kobeel.

Bukuit Ne Tilil

¹⁰ Amu kaatokyi togeennyu nganasani aipchi yaityet, ma agobo myeeindo, mwaei Kamuktaindet ne Toroor; kindoi eutap laitoryatap Babilon si kobeel.

BUKUIT NE TILIIL Sireet ne Dutero Kanon

¹⁰ Amu kaatokyi togeennyu nganasani aipchi yaityet, ma agobo myeeindo, mwaei Kamuktaindet ne Toroor; kindoi eutap laitoryatap Babilon si kobeel.

JEREMIA 21:10 ပူးပေါင်းရင်းမြစ်များ

2 ATEPTAP PEETUUSYEK 36:19

Ak kibeel gotab Kamuktaindet, ak kobut irimetab Jerusalem, ak kobeel gorik tugul che bo laitoriat, ak kong’em tuguk tugul che kororon che kimi gorjoto.

TIENWOGIKAL 34:16

Kirindoi togetab Jehovah che yaei yaitio, Si koisto kabwatenywa eng’ ng’ony.

JEREMIA 17:27

Ago ngot ko mogasa it otaban betutab sabato, amoib laut age tugul ak obe orit obun ormarichokab Jerusalem eng’ betutab sabato; alaal anyun mat eng’ ormarichokyik, si kobeel gorikab laitoriat che bo Jerusalem, ama kimisi.

JEREMIA 26:6

ayae anyun goi koigei Silo, ak ayai nganasani koek ne sasei bororiosiek tugul che bo ng’ony.

JEREMIA 33:5

Bwanei kobaregei ak Kaldeik, ago kinyiiti muswek, che kiabar eng’ neregekyuk ak eng’ neregekyuk che ng’wonen, ak ichek tugul che kiaung’e togennyu tengekwogikwak eng’ nganasani.

JEREMIA 34:2

Mwaei Jehovah, Kamuktaindetab Israel, ko u ni kole, Ui ing’alalji Sedekia laitoriatab Juda ilenji, Mwaei Jehovah ko u ni kole, Keero, agochini nganasani eutab laitoriatab Babulon, ak kobeel eng’ mat:

JEREMIA 34:22

Ogeero, ang’ate, mwaei Jehovah, ak aweekyi ichek nganasani; ak kobargei ak nganasani, ak koluul, ak kobeel: ak ayai nganasokab Juda koek surkwen, ole ma komenyei chi.

JEREMIA 38:17

Kilenji anyun Jeremia Sedekia, Mwaei Jehovah, Kamuktaindet ne bo lugosiek, Kamuktaindet ne bo Israel, ko u ni kole: Ngot iwe oldab bounikab laitoriatab Babulon, isobe, ama kibeelei nganasani; ak isob koboto gong’ung’.

JEREMIA 38:18

Ago ngot ko mewe oldab bounikab laitoriatab Babulon, kindoi anyun nganasani eutab Kaldeik, ak kobeel, amechilili eng’ eunekwak.

JEREMIA 38:23

Ak komut osotiguk tugul komong’ ak lagoguk komutyi Kaldeik: amechilile eunekwak, ago namin laitoriatab Babulon: ak igoite nganasani kebeel.

JEREMIA 38:3

Mwaei Jehovah ko u ni kole, Kigoitoi iman nganasani kwo eutab luget ne bo laitoriatab Babulon, ak koluul.

JEREMIA 39:16

Ui, ak ing’alalji Ebed-melek Etiopindet, ilenji, Mwaei Jehovah ne bo lugosiek, Kamuktaindetab Israel, ko u ni kole: Keero, aipchini ng’alekyuk nganasani agobo yaitiet, ma agobo mieindo; ak isuldoi eng’ taing’ung’ eng’ betunoto.

JEREMIA 39:8

Ak kibeel Kaldeik gotab laitoriat, ak gorikab bik, ak kobut irimoikab Jerusalem.

JEREMIA 44:11

Mwaei anyun Jehovah ne bo lugosiek, Kamuktaindetab Israel, ko u ni kole: Ogeero, atokyinok togennyu aibwok yaitiet, agoi agesu Juda tugul.

JEREMIA 44:27

Ogeero, aribe ichek agobo yaitiet, ma agobo ne mie: ak kigesu murenik tugul che bo Juda che mi emetab Misri, eng’ rotwetab chok ak eng’ rubet, agoi kogesgei.

JEREMIA 52:13

ak kibeel gotab Jehovah, ak gotab laitoriat; ak gorik tugul che bo Jerusalem, got age tugul ne o, ko kibeel.

EZEKIEL 15:7

Ak auuiit togennyu aborie ichek; mandoe mat, ago beelei mat ichek; si onai ole a Jehovah, ye auuiit togennyu aborie ichek.

EZEKIEL 24:11

Yeityo igotkot teronoto ko mi buch, eng’ maata, si kolal, ak kolal sugunwennyi, si kochoot simdanyi ne mi orit, si kolal karuotitoennyi.

ATEPTAP LAWIK 17:10

Ago ngo am korotik alak tugul chi age tugul ne bo gotab Israel, anan ne bo bunotik che tebyei kobotok; wechei togennyu inendet ne amei korotik, ak ang’etoi inendet eng’ bikyik.

ATEPTAP LAWIK 26:17

Ak aboruok neregekyuk, ak kebarak eng’ taitab bunikwok; ak koboiywok che wechok; ak omwei ko maonok chi.

AMOS 2:5

ago ayokyini mat Juda, ak kobeel gorikab laitoriat eng’ Jerusalem.

AMOS 9:4

Agot ngo luul bunikwak, ang’ate rotwetab chok eng’ oloto, si kobar ichek: ak atokyige ichek aipchi yaitiet, maipchini kit ne mie.

SEKARIA 1:6

Ago tos kima ityi kwanisiekwok ng’alekyuk ak ng’atutikyuk che kiang’at otwogikyuk maotik? Ak kiweek ichek ak kole, Kigoyaiywech Jehovah ne bo lugosiek ko u ye kigaibwat kole yaiywech ko u ortinwekyok, ak ko u boisionikyok.