JEREMIA 20:6 - BUKUIT NE TILIL

⁶ Ak inye Pasur, keluulok koboto bik tugul che menyei gong’ung’; ak iit Babulon, ak imechi oloto, ak ketupchin oloto, inye ak choronoguk tugul, che kiimaotenji lembech.

Bukuit Ne Tilil

⁶ Ak inyee Pasur, keluulok kobooto piik tugul che menyei koong'ung'; ak iit Babilon, ak imechi olooto, ak ketupchin olooto, inyee ak choronoguk tugul, che ki imaotenji lembech.

BUKUIT NE TILIIL Sireet ne Dutero Kanon

⁶ Ak inyee Pasur, keluulok kobooto piik tugul che menyei koong'ung'; ak iit Babilon, ak imechi olooto, ak ketupchin olooto, inyee ak choronoguk tugul, che ki imaotenji lembech.

JEREMIA 20:6 ပူးပေါင်းရင်းမြစ်များ

ISAIAH 9:15

Metit ko boiyot ne konyitot; ak katutiet ko maotiot ne ineti lembechek.

JEREMIA 14:13

Kiamwa anyun ale, Bwa, Kiptaiyat Jehovah! Keero, mwachin maotik ichek, kolenji, Maityinok rotwetab chok, amonyoru rubet; ago agonok kalyet ne bo iman eng’ olito.

JEREMIA 14:16

Ak kewirji ortinwek che bo Jerusalem bik che kimaotenjin, amu rubet ak rotwetab chok; ama biitu chi ne tubei ichek, icheget ak osotikwak, ak werikwak ak tibikwak: amu arong’jini icheget yaitienywa.

JEREMIA 20:1

Kigas anyun Pasur weritab Imer tisiindet, ne ki bounindet ne o eng’ gotab Jehovah, komaoteni Jeremia agobo tuguchuto.

JEREMIA 20:4

Amu mwaei Jehovah ko u ni kole, Keero, ayain iegu kamuiset ne imuege, ak ne imue choronoguk tugul: ak kobar ichek bunikwak eng’ rotwetab chok, ak igeer noto: ak agoite Juda tugul koba eutab laitoriatab Babulon, ak koluul ichek koba Babulon, ak kobare rotwetab chok.

JEREMIA 23:32

Mwaei Jehovah kole, Ogeero, agirindoi ichek che maoteni karuotitaosiekab lembech, komwaita, ak kogochi bikyuk kolel amu lembechekwak, ak eng’ kachaunenywa bo ge ne bo buch: ago ma ayokte, anan ang’at ichek; ama toreti bichu agot kitigin, mwaei Jehovah.

JEREMIA 29:32

noto anyun, mwaei Jehovah ko u ni kole, Ogeero, abire Semaia Neelamindet, ak iyotennyi; masichei chi ne menyei koboto bichu, ama keerei mieindo ne ayachini bikyuk, mwaei Jehovah: amu kimwa ngelelnatet kongelelji Jehovah.

JEREMIA 5:31

Maoteni maotik lembeita, ak bou tisiik ko u magetab maotik; ak chamei bikyuk koteeb ko u noto: oyae nee anyun eng’ kagesunetab tuguchuto?

RIREKAB JEREMIA 2:14

Kigogeer maotiguk ng’ang’utik agobo inye che bo tangoita ak berberindo; Ak tom kong’any tengektang’ung’, kotook, si koweechin kogeny eng’ ole kigiluuljin: Ago kigogeer agobo inye lautik che bo buch ak ng’alek che bo onset.

EZEKIEL 22:28

Ak kigomalse maotikyik tartarik che ma miachen, komalsechi ichek, kogeerei tangoita, ak kong’orjin ichek lembechek, kolenjin, Mwaei ko u ni Kiptaiyat Jehovah, ye ma mwa kiy Jehovah.

ATEPTAP LAWIK 26:17

Ak aboruok neregekyuk, ak kebarak eng’ taitab bunikwok; ak koboiywok che wechok; ak omwei ko maonok chi.

MIKAH 2:11

Ngot komwa lembech chito ne wendoti eng’ usonet ak lembechek, kole, Amaotenun agobo divaik ak maiyek; koegu inendet maotiotab bichu.

SEKARIA 13:3

Ak ngot ko tun komaoten age tugul, kolenji anyun kwanda ak kamet che kisichei chichoto, Mesobe; amu imwae lembechek eng’ kainetab Jehovah: ak kotoor inendet kwanda ak kamet che kisichei inendet, ye kamaoten.

NG'ATUTIK 28:25

Igoitoin Jehovah koterterin buniguk: ibokyini eng’ oret agenge, ak imwee eng’ tainywa eng’ ortinwek tisab: ak koonatin bororiosiek tugul che bo ng’ony.