JEREMIA 20:2 - BUKUIT NE TILIL

² Kibir anyun Pasur maotiot Jeremia, ak koratyi inendet ketik kelyekyik, eng’ ormarichet ne bo meto ne bo Benjamin, ne kimi gotab Jehovah.

Bukuit Ne Tilil

² Ki pir anyun Pasur maotyot Jeremiah, ak koratyi ineendet keetiik keelyekyik, eng' ormariichet ne po meto ne po Benjamin, ne ki mi kootap Kamuktaindet ne Toroor.

BUKUIT NE TILIIL Sireet ne Dutero Kanon

² Ki pir anyun Pasur maotyot Jeremiah, ak koratyi ineendet keetiik keelyekyik, eng' ormariichet ne po meto ne po Benjamin, ne ki mi kootap Kamuktaindet ne Toroor.

JEREMIA 20:2 ပူးပေါင်းရင်းမြစ်များ

1 LAITORINIK 13:4

Ak kingogas laitoriat ng’alekab chitab Kamuktaindet, ne kiwaage kapkorosut eng’ Bet-el, kochuul anyun Jeroboam eunnyi eng’ kapkorosut kong’werer kole, Onam inendet. Ak kiyaam eunoto kiga chuul, ne mata komuch koaruny kogeny.

1 LAITORINIK 22:27

ak kolenji, Kamwa laitoriat ko u ni, kole, Onde chichi korgoret, ak obae amitwogikab nyalilda, ak beekab nyalilda, agoi aweeige eng’ kalyet.

2 ATEPTAP PEETUUSYEK 16:10

Konerekyi anyun Asa keerindet, ak konde inendet korgoret; amu kinerekyi inendet mising’ agobo kiito. Ak kius Asa bik alak eng’ betusiechoto.

2 ATEPTAP PEETUUSYEK 18:23

Korik anyun Sedekia weritab Kenaana, ak korabach Mikaia matanda, ak kolenji, Kabun ano tamirmirietab Jehovah ak konyo kong’alalun?

2 ATEPTAP PEETUUSYEK 24:21

Ak kichaam inendet, ak kolage koik eng’ ng’atutietab laitoriat eng’ seremutab gotab Jehovah.

Kitabuutap JOB 13:27

Iratyini kelyekyuk temeleiywek, ak igeer ortinwekyuk tugul: Isire kiwotet ole bochin kelyekyuk:

Kitabuutap JOB 33:11

Indoi kelyekyuk temeleiywek, Keerei ortinwekyuk tugul.

JEREMIA 1:19

Ak obarge, ago maiterterin: amu ami koboten, si asorun, mwaei Jehovah.

JEREMIA 26:10

Ak kingogas bounikab Juda tuguchuto, kotogos eng’ gotab laitoriat kobwa gotab Jehovah; ak kiteb ng’ony eng’ ole kibunei eng’ ormarichet ne leel ne bo gotab Jehovah.

JEREMIA 26:8

Ak kingo kagoges Jeremia ng’alalet tugul ne kiga ng’at Jehovah komwachi bik tugul, konam anyun tisiik ak maotik ak bik tugul inendet, kolenji, Imee iman.

JEREMIA 29:26

Kaindein Jehovah iegu tisiindet igeer tisiindet Jeoiada, si kobiit oegu bounik eng’ gotab Jehovah, amu chi age tugul ne kibiywet, ak koyaegei koek maotio, iratyi ketik kelyekyik, ak iratyi mugurek kaatinnyi.

JEREMIA 36:26

Ak king’at laitoriat Jerameel weritab laitoriat, koboto Seraia weritab Asriel, ak Selemia weritab Abdeel, konam Baruk sirindet ak maotiot Jeremia: ago kiuny Jehovah ichek.

JEREMIA 37:13

Ak ye kimi ormarichetab Benjamin, ko kimi agine yoto kiptaiyatab ribik, ne kigiguure Irija, weritab Selemia, weritab Hanania; ak kinam maotiot Jeremia, kolenji, Iwendi onamege ak Kaldeik.

JEREMIA 37:21

King’at anyun Sedekia laitoriat, ak kigimut Jeremia kwo seremutab ribik, ak kigigochin makatiat eng’ betut age tugul kobunu oretab bik che beelei makatinik, agoi kogesgei makatinik tugul eng’ nganaset. Kitebi anyun Jeremia ko u noto eng’ seremutab ribik.

SEKARIA 14:10

Kiwalei emet tugul koigei Araba, koboch Geba agoi Rimon murot ne bo tai ne bo Jerusalem; ak kieeti, ak komeny oldanyi, koboch ormarichetab Benjamin, agoi komostab ormarichet ne bo tai, agoi ormarichetab luita, koboch teekset ne koi ne bo Hananel, agoi komoswekab laitoriat ole kitue sabibuk.

MATAYO 21:35

Ak kinam meek otwogikyik, ak kibir age, ak kibar age, ak kilach age eng’ koik.

POISYONIGAP CHE KIYOKTOI 4:3

Ak kinam icheget, ak kotoorji korgoret agoi mutai: amu kiga koimen.

POISYONIGAP CHE KIYOKTOI 5:18

ak kinam che kiyoktoi, ak kotoorji korgoret ne bo bik tugul.

POISYONIGAP CHE KIYOKTOI 5:40

Kocham anyun ng’alekyik: ak kingo kagoguur che kiyoktoi kobwa ole mi ichek, kobir ak kong’at kolenji, amatata ong’alale kainetab Jesu, ak kiunda koba.

POISYONIGAP CHE KIYOKTOI 7:52

Ng’o eng’ maotik ne ma us kwanisiekwok? Ak kibar che kisib kobor nyonunetab Chito ne bo Imanda; ne kaoegu okwek nguno ng’wektoik ak rumik.

NG'ANG'UTYET 17:6

Ak kiageer kwonyoto ko kagobogit eng’ korotikab bik che tililen, ak eng’ korotikab baorinikab Jesu. Ak ye kingageer inendet, akwong’ eng’ kwong’et ne o.

NG'ANG'UTYET 2:10

Ameiywei nyalilwogik che negit inyoru: ogeero, machei oindet kotoorji korgoret alak eng’ okwek, si kobiit ketiemak; ak osich nyalilda eng’ betusiek taman. Egu ne kiyani agoi meet, si agonin kutwet ne bo sobondo.