JEREMIA 20:16 - BUKUIT NE TILIL

¹⁶ Ak ingoigei chichoto nganasok che kigogabui Jehovah, ama sik: ak ingogas rirek karon, ak waagat bet kwen;

Bukuit Ne Tilil

¹⁶ Ak ingoigei chiichooto nganasook che ki kogabui Kamuktaindet ne Toroor, ama sik: ak ingogas riirek karon, ak waagaat peet kween;

BUKUIT NE TILIIL Sireet ne Dutero Kanon

¹⁶ Ak ingoigei chiichooto nganasook che ki kogabui Kamuktaindet ne Toroor, ama sik: ak ingogas riirek karon, ak waagaat peet kween;

JEREMIA 20:16 ပူးပေါင်းရင်းမြစ်များ

JEREMIA 18:22

Ingogasak rirek eng’ gorikwak, ye ichee ichek imutyine luget: amu kigobal keringet kole konamena, ak kouny mestonok kole konam kelyekyuk.

JEREMIA 18:8

ngot kosik eng’ yaitienywa bororionoto kaamwa, awale kabwatutukyuk eng’ yaitiet ne kitayachini ichek.

JEREMIA 23:14

Kiageerji maotikab Jerusalem agichek kit ne samis mising’; yaei ibetab ge, ak kobendote lembechek, ak kogimit eunekab yaikab yaitiet, kot ko mami chi ne weeksei eng’ yaitiennyi: kaigei ichek tugul Sodom eng’ ane, ak kaigei che menyei yoto, Gomora.

JEREMIA 26:13

Noto anyun, olitit ortinwekwok ak boisionikwok, ak ogas it kutitab Jehovah Kamuktaindeng’wong’; si kowal Jehovah kabwatutikyik eng’ yaitiet ne kogomwa agobo okwek.

JEREMIA 4:19

Moennyu, moennyu! Atinye ng’wanindo eng’ muguleldanyu orit: rukrugeni muguleldanyu; mamuchi asis; amu kaigas, ee sobondanyu, cheetab iriaget, waagatab luget.

RIREKAB JEREMIA 4:6

Amu o tengektab cheptab bikyuk kosiir tengektab Sodom, Ne kiging’em kigabui eng’ sait ne matia, ama twa chi.

EZEKIEL 21:22

Kimi eunnyi ne bo tai ng’orset agobo Jerusalem, si konde injinisiek che kibutisie, si koseng’eng’ji barisiet, ak kowaach mising’, konde injinisiek taitab ormarichok, kowasyi ng’ung’unyek, koteech irimoik.

HOSEA 10:14

Biitu anyun wasetab ge eng’ biguk, ak keng’em irimoiguk tugul, ko u ye king’em Salmon Betarbel eng’ betutab boriet: kigitonaton kamet koboto lagokyik.

HOSEA 11:8

Amuktoi ano ameten, inye Epraim? Amuktoi ano asorun, inye Israel? Amuktoi ano ayain iige Adma? Amuktoi ano ayain iige Seboim? Kagowalak muguleldanyu, kagorira mo.

HOSEA 13:14

Atiachi ichek komong’ eng’ kimnatet ne bo kererit; asoru ichek eng’ meet. Ee meet, mi ano korotweguk? Ee kererit, mi ano ng’emisieng’ung’? Ma awale kabwatutikyuk.

AMOS 1:14

ago anaami mat eng’ irimetab Raba, ak kobeel gorikyik che bo laitoriat, koboto waagat eng’ betutab boriet, koboto usonet ne o eng’ betutab kipchurjuriet:

AMOS 2:2

ago ayokyini mat Moab, ak kobeel gorikab laitoriat eng’ Keriot; ak kome Moab eng’ wasetab ge, ak waagat ak cheetab iriaget:

AMOS 4:11

Kiang’em agesu alak eng’ okwek, ko u ye king’em Kamuktaindet Sodom ak Gomora koges, ak kio u mecheita ne kaginemune mat: ago tom oweekyage, mwaei Jehovah.

JONAH 3:4

Ak kitoi Jona kochut nganaset eng’ bandab betut agenge, ak kiititen kole, Tomo betusiek artamu si keng’em Ninebe.

JONAH 4:2

Ak kisa Jehovah kole, Asain, ee Jehovah, tos ma ng’olyondonito ne kigamwa ye kingota ami emennyu? Kiamwei anyun achakte awe Tarsis: amu kiangen ale i Kamuktaindet ne bo mieindo, ak ne nyiitat rirenet, ne ma sib konerechi, ak kotinyei chang’indab rirenet, ak iwale kabwatutiguk agobo yaitiet.

SEPANIA 1:16

Betutab iriaget ak waagat, agobo nganasok che ng’ototin, ak irimoik che tororen.

SEPANIA 2:9

Mwaei anyun Jehovah ne bo lugosiek, Kamuktaindetab Israel kole, Ko u ye asobe, koigeitu Moab Sodom, ak koigei lagokab Amon Gomora, bunjin siwek, ak keringonikab munyuk, ak koguber agoi: luulei bikyuk che ng’etu ichek, ak konam bororiennyu ne king’et ichek koek borotenywa.

LUKA 17:29

ago eng’ betut ne kimanda Lot eng’ Sodom korobon mat ak koik che laldos che kibunu kipsengwet, ak kobar tugul:

NG'ATUTIK 29:22

Ak kole ibinda ne biitu, lagokwok che biitu let eng’ okwek, ak toondet ne bunu emet ne loo, ye keer korotwek che bo emonoto, ak mainwek che kiigochi Jehovah komianso:

NG'ATUTIK 29:23

ak kowalak emet komugul koek tuguk che laldos, ak munyuk, ak lalet, kot ko ma kegolei, ama koiyei, ama kobite suswo oloto, kergeitu ak ng’emisietab Sodom ak Gomora, Adma ak Seboim, che king’em Jehovah kowong’ eng’ neregekyik, ak eng’ nyitatennyi:

2 PETERO 2:6

ak koruokyi nganasokab Sodom ak Gomora, kogabui, kowal koek orek, koyai koek kaborunet eng’ ichek che ta kotebyei ko maiywei Jehovah;

JUDA 1:7

Ko u noto, agot Sodom ak Gomora, ak nganasok che kiga yiem, kingo kagogochigei sokset, ko u chuto, koba kosub borwek che ma kergei ak chechuak, ko kiginde koek kaborunet, konyalilso eng’ kiruogetab mat ne bo koigeny.