JEREMIA 2:36 - BUKUIT NE TILIL

³⁶ Amu nee si iombenote iwal bandang’ung’? Ililani agobo Misri kogeny, ko u ye kiililan agobo Asuria.

Bukuit Ne Tilil

³⁶ Amu nee si iombenote, iwalawali pandang'ung'? Kigoonin ililan agobo Misiri, ko uu ye ki kigoonin ililan agobo Assyria.

BUKUIT NE TILIIL Sireet ne Dutero Kanon

³⁶ Amu nee si iombenote, iwalawali pandang'ung'? Kigoonin ililan agobo Misiri, ko uu ye ki kigoonin ililan agobo Assyria.

JEREMIA 2:36 ပူးပေါင်းရင်းမြစ်များ

2 ATEPTAP PEETUUSYEK 28:16

Kiiyokto eng’ betusiechoto laitoriat Ahas bik koba oldab laitorinikab Asuria kotoret inendet.

ISAIAH 20:5

Ak koarogenso, ak kolilanso, amu kamang’unenywa Etiopia, ak ko torornatenywa Misri.

JEREMIA 2:18

Tos image nee anyun oret ne wendi Misri, iee beekab Sihor? Anan image nee oret ne wendi Asuria, iee beekab Ainet?

JEREMIA 2:23

Imuktoi ano anyun ile, Ma a muruon, ma asub Baalik? Keer oreng’ung’ eng’ atebwet, nai kit ne kaiyai: i moitab tambesiet ne chepcheb ne isubi ortinwekyik;

JEREMIA 2:33

Ichoptoi ano oreng’ung’ si icheng’ chamnyet! Kiinet anyun kwonyik che yaachen ortinweguk.

JEREMIA 22:20

Togoste Lebanon, ak irir; ak iwaach eng’ Basan: ak irir eng’ Abarim; amu kagobar chamaniguk tugul.

JEREMIA 22:22

Baei usonet mestoweguk tugul, ak keluul chamaniguk: ililan iman anyun ak itoptoben agobo yaitieng’ung’ tugul.

JEREMIA 31:22

Iombenoti kot kotianit, ee inye chepto ne iweechige let? Amu kigotoi Jehovah koyai kit ne leel eng’ ng’ony: Yiemei kwondo muren.

JEREMIA 37:7

Mwaei Jehovah, Kamuktaindetab Israel, ko u ni kole: Omwachi ko u ni laitoriatab Juda, ne kaiyokwok obwa oteepsena, olenji: Keero, lugetab Parao, ne kanyo kotoretin, koweeksei kobendi Misri emenywa.

JEREMIA 46:12

Kigogas bororiosiek agobo tewernateng’ung’, ak kigonyi emoni rireguk: amu kagonach chito ne nyigan ne nyigan, kagobutyo tuwai.

RIREKAB JEREMIA 4:17

Kagong’etyo konyekyok kigeni toretet ne matilei kiy: Kigigen eng’ kagenisiennyo bororiet ne maimuchi kosor chi.

RIREKAB JEREMIA 5:6

Kigenamge eunek ak Misrik eng’ kayosiet, Koboto Asurik, si kobiit kebiye.

EZEKIEL 16:28

Kiiyai kogeny kugoinatet koboto Asurik, amu kima koyamin kiy; ee kiiyai kugoinatet koboto ichek, ago ma yamin kora.

EZEKIEL 29:7

Kingonamin ichek eut, iiri, ak ibet tigigoikwak tugul: ye kingotiienengei, iil inyendet, ak kiitumdum suenutikwak tugul.

HOSEA 10:6

Kiibei moato kwo Asuria koek kagochinet ne kiipchin laitoriat Jareb: nyoru Epraim tewernatet, ak ililanjin Israel kiruogennyi inegei.

HOSEA 12:1

Baegei Epraim usonet, ak kosuboti usonetab kong’asis: tesei kotugul lembechek ak ng’emisiet; ak koyomisegei koboto Asuria, ak keib mwanik koba Misri.

HOSEA 14:3

Masoruech Asur; magilanye mbartanyisiek: ama kelenjini kogeny boisionikab eunekyok, O cheptalelisiekyok: amu nyorunenen rirenet ichek che matinyei kwanisiek.

HOSEA 5:13

Kigogeer Epraim miandanyi, ak kogeer Juda ng’otobosiekyik, kwo anyun Epraim Asuria, ak koyokto keguur laitoriat Jareb: ago maimuchi kosoobok, amainyaiywok ng’otobosiekwok.

HOSEA 7:11

U Epraim cheptuget ne berber, ne matinyei kaguiyet: kuurei Misri, bendi Asuria.