JEREMIA 2:34 - BUKUIT NE TILIL

³⁴ Mitei kogeny ngoroiguk korotikab kibananok che matinyei tengek: ma anyorji ole kigobutok, ago kianyorji chuto tugul.

Bukuit Ne Tilil

³⁴ Kogeny, ko miitei ngoroiguk, korotiigap kibananook che ma tinyei tengek. Ma inyoorchi icheek ole ki kobutok. Ago eng' chuuto tugul,

BUKUIT NE TILIIL Sireet ne Dutero Kanon

³⁴ Kogeny, ko miitei ngoroiguk, korotiigap kibananook che ma tinyei tengek. Ma inyoorchi icheek ole ki kobutok. Ago eng' chuuto tugul,

JEREMIA 2:34 ပူးပေါင်းရင်းမြစ်များ

2 LAITORINIK 21:16

Ak kitumda kogeny Manase korotik che chang’ kot, che matinyei tengek, kot konyiit Jerusalem kong’eete komosta age agoi komosta age; koboto tengektanyi ne kiibeete Juda si koyai tengekto, eng’ yaitiet ne kiyai eng’ taitab Jehovah.

2 LAITORINIK 24:4

ak agobo korotik che matinyei tengek che kitumda; amu kiinyiit Jerusalem korotik che matinyei tengek: ak kiesio Jehovah konyochi kaat.

KOMONG'U 22:1

Ngo chor chi tany, anan kechir, ak koeny, anan koalda; kogonu tuga mut kogeere tanyato, ak kechirek ang’wan kogeere kechirionoto.

KOMONG'U 22:2

Ak ngenam chorindet kobutei oldo age, ak kebar, ko mami tengektab korotik.

ISAIAH 57:5

che olaali mageng’wong’ eng’ ketik kel, eng’ kelutab ketit age tugul ne tuon; okwek che obare lagok eng’ atebwosiek, eng’ ole kibetak eng’ ruandosiek?

ISAIAH 59:3

Amu muruonen eunekwok eng’ korotik, ak ko muruonen morikwok eng’ tengekto; kogomwa kutuswekwok lembechek, ng’alali ng’elyebwekwok yaitiet.

ISAIAH 59:7

Ruachin kelyekwak yaitiet, ak kochoktoi kotumda korotik che matinyei tengek: kabwatutikwak ko kabwatutikab tengekto; mi ortinwekwak kubernatet ak ng’emisiet.

JEREMIA 19:4

Amu kigometa ichek, kigoyai yuto koek ole maginaei, ak kigobeelji eng’ yuto, nyamdutik, kanamonik che ter, che kima kongen, icheget ak kwanisiekwak ak laitorinikab Juda; ak kigonyiit olito korotikab che matinyei tengek;

JEREMIA 2:33

Ichoptoi ano oreng’ung’ si icheng’ chamnyet! Kiinet anyun kwonyik che yaachen ortinweguk.

JEREMIA 6:15

Tos kiililanso ye kingoyai tuguk che kiwechei? Achicha, ma ililanso agot kitigin, ama walogis togochikwak: ibutos anyun koboto icheget che ibutos: tun kiwirtoi eng’ betut ne anyonjini ichek abire, mwaei Jehovah.

JEREMIA 7:31

Ak kigoteech komoswek che tororen che bo Topet, ne mi atebwetab weritab Hinom, si kobeel werikwak ak tibikwak eng’ mat; ne kima ang’at, ne ma kuura met.

JEREMIA 7:6

ngot ko mosastoe toondet, ak ne matinyei kwanda, ak mosoget, ak amotumde korotik che matinyei tengek eng’ olito, anan osubote chjeptalelisiek che ter ogochinege nyalilda:

JEREMIA 8:12

Tos kiililanso ye kingoyai tuguk che kiwechei? Achicha, ma ililanso agot kitigin, ama walogis togochikwak: ibutos anyun koboto icheget chek ibutos: tun kiwirtoi ichek eng’ betut ne kibirei, mwaei Jehovah.

RIREKAB JEREMIA 1:9

Kimi simdanyi ngoroikyik; ma ibwat kagesunennyi ne bo let; Katururgei anyun eng’ kwong’et; matinyei kagaigaindet: Keero, ee Jehovah, nyalildanyu; amu kogotororgei bunyot.

RIREKAB JEREMIA 4:14

Ombenioti eng’ ortinwek ko u kipkoratinik, kigong’wonegitu amu korotik, Kot ko ma komuchi bik kotwa ngoroikwak.

EZEKIEL 20:31

Ak ye ogoitoi kagochinoikwok, ye ogoitoi werikwok kobun mat, ko tos ma omuruonege kanamonikwok agoi rani? Ko tos oteepsena, okwek gotab Israel? Mwaei Kiptaiyat Jehovah kole, Ko u ye asobe, ko ma achame oteepsena:

EZEKIEL 22:25

Mitei kwenunnyi chaamset ne bo maotikyik, ne u ng’etundo ne boriseni kobarisiei: kigobar sobonwek; ibei konoraik ak tuguk che bo kamanutiet ne o; kigotes mosogik eng’ kwenunnyi.

EZEKIEL 23:45

Tun iruokyin bikab iman ichek, eng’ kiruogetab chepkugonik, ak eng’ kiruogetab kwonyik che tumdoi korotik; amu icheget ko chepkugonik, ak komi korotik eunekwak.

EZEKIEL 24:7

Amu mi korotikyik kwenunnyi; kiinde ruandet ne mami kiy; ma tumji ng’ony, si ketuge temburiek;

EZEKIEL 9:9

Kolenja anyun, O kot tengektab gotab Israel ak ne bo Juda, kanyi emoni korotik, ak kanyi nganasani kamaaset ne bo kiruogutik: amu mwaei kole, Kigometo Jehovah emoni, ama keerei Jehovah.