JEREMIA 2:21 - BUKUIT NE TILIL

²¹ Ago kiga aminin inye ketitab sabibuk ne kararan, keswot ne bo iman: kilya anyun si iwalage iegu ketit ne ya ne mangen?

Bukuit Ne Tilil

²¹ Ago kiga amiinin inyee ko uu keetitap sabibuk ne lewenot, keswoot ne po iman. Kilya anyun si iwalage iegu keetit ne ya ne mangen?

BUKUIT NE TILIIL Sireet ne Dutero Kanon

²¹ Ago kiga amiinin inyee ko uu keetitap sabibuk ne lewenot, keswoot ne po iman. Kilya anyun si iwalage iegu keetit ne ya ne mangen?

JEREMIA 2:21 ပူးပေါင်းရင်းမြစ်များ

TAUNET 18:19

Amu kaalewen inendet si komuch koboi lagokyik ak gonnyi che biitu let eng’ inendet, si kobiit korib oretab Jehovah, koyai ne bo iman ak kiruoget; si kobiit kosuldochi Jehovah Abraham kit ne kimwa agobo inendet.

TAUNET 32:28

Ak kilenji, Ma keguurenen Jakobo agoi, ago kagiguurenen Israel: amu kaobelgei ak Kamuktaindet ak bik agichek, ak kaiterter.

TIENWOGIKAL 105:6

Ee okwek, keswekab Abraham kiboitiondennyi, Okwek lagokab Jakobo, chechik che kigelewen.

TIENWOGIKAL 44:2

Kole, Kiion bororiosiek eng’ eung’ung’, ak kiigochi komeny oloto; Ak kiinyalil inye bik, ak kiiyeste.

TIENWOGIKAL 80:8

Kiibu inye sabibuk eng’ Misri: Kiion bororiosiek, ak imin sabibunoto.

TIENWOGIKAL 80:9

Kisib ichopchi boroindo, Ak kiba ng’ony orit tigitikyik, ak koyom emet.

KOMONG'U 15:17

Imutu ichek komong’, ak inde ichek kominogis eng’ tulwetab boroteng’ung’, Komosta ne kiichopchige si imeny, ee Jehovah, Ole tilil, ne kigogimit eung’ung’, ee Kamuktaindet.

ISAIAH 1:21

Kaegundo ano chepkugoniot nganaset ne ko bo iman, ne kotinyei kiruoget ne bo iman! Komenyei imanda nganasanato, ago nguno komi rumik.

ISAIAH 27:2

Otienji eng’ betunoto, mbaretab sabibuk ne bo divaik.

ISAIAH 41:8

Ago inye Israel, otwogindennyu, Jakobo ne kialewen, iyotetab choruennyu Abraham;

ISAIAH 5:4

Nee ne kita ta keyaei ne siirei, eng’ mbarennyu ne bo sabibuk, ne ma ayai? Amu nee anyun, ye kingalen yiei sabibuk, koi sabibuk che yaachen?

ISAIAH 60:21

Ak koek che bo imanda kogeny biguk tugul, ak koek emet borotenywa koigeny; temet ne kiamin, boisietab eunekyuk, si kobiit kegonyita.

ISAIAH 61:3

si aarorji ichek che rirtos eng’ Sion, kigochi chepkulet ne kararan kogeere orek, ak mwaitab boiboiyet kogeere rirek, ak ngorietab kalosunet kogeere tamirmiriet ne kigonyigisit; si kobiit keguure ketik che bo imanda, che kimin Jehovah, si kegonyit.

JEREMIA 11:16

Kiguure Jehovah kaineng’ung’, Emdit ne tuon, ne kararan ak kotinyei logoek che miach: kiilaal mat eng’ yoto eng’ bolatetab wasetab ge ne o, ak kagoilyo temenikyik.

JEREMIA 11:17

Amu kagomwa Jehovah ne bo lugosiek, ne kiminin, yaitiet agobo inye, amu yaitietab gotab Israel ak ne bo gotab Juda, che kigoyachigei kotacha anerech amu kiigochi Baal nyamdutik.

JEREMIA 5:10

Otogoste irimoikyik, ak ong’em; ago mong’em ogesu: oiste temenikyik: amu ma bo choto Jehovah.

RIREKAB JEREMIA 4:1

Lyon si komuruonitu tahabu! Lyon si kowalaksei tahabu che tililen mising’! Kagirong’ koikab ole tilil eng’ tabandab oret age tugul.

EZEKIEL 15:2

Ee weritab chi, siirei eng’ nee ketitab sabibuk ketit age tugul, anan temetab ketitab sabibuk ne mi kwenutab ketikab osnet?

MATAYO 21:33

Ogas kalewenet age: Kimi chito age ne kitinyei got, ne kiminji sabibuk mbaret, ak kong’ot, ak kobal keringet ole kirurung’e logoek, ak koteech got ne koi, ak komanakyi meek ak kwo emet age.

MARIKO 12:1

Ak kitoi kong’alalji ichek eng’ kalewenaik kole, Kiminji chito age sabibuk mbaret, ak kong’ot, ak kobal keringet ole kirurung’e sabibuk, ak koteech got ne koi, ak komanakyi meek, ak kwo emet age.

LUKA 20:9

Ak kitoi komwachi bik kalewenoni, kole: Kimin chi sabibuk eng’ mbar, ak komanakyi meek, ak kwo emet age kotebi betusiek che chang’.

JOHANA 15:1

A ketit ne bo iman ne bo sabibuk, ak semberindet Baba.

NG'ATUTIK 32:32

Amu ketinywa ne bo sabibuk kobunu ketitab Sodom, Ne bunu mbarenikab Gomora: Murmure bich sabibukwak, Ng’wonen sabibukwak che kiirurugok:

NG'ATUTIK 4:37

Amu kichamei kwanisieguk, kolewen anyun inendet iyotenywa ne biitu let, ak komoong’un eng’ Misri ko mi koboten, eng’ kimnatennyi ne o;

JOSHUA 24:31

Ak kiboisiechi Israel Jehovah eng’ betusiek tugul che bo Josua, ak eng’ betusiek tugul che bo boisiek che kita komi ko kagome Josua, che kiingen boisiet tugul ne bo Jehovah, ne kiga koyai agobo Israel.