JEREMIA 2:20 - BUKUIT NE TILIL

²⁰ Amu kiairi choging’ung’ eng’ betusiek che bo keny, ak ang’eti anoguk, ak kiimwa ile, Maotisiei, amu kiing’uruge eng’ tulwet age tugul ne koi ak eng’ ketit age tugul ne tuon, iyae kugoinatet.

Bukuit Ne Tilil

²⁰ Amu ki airii choging'ung' eng' peetuusyek che po keny, ak ang'etii anooguk ak ki imwa ile, “Maotin,” amu ki ing'uruuge eng' tulweet age tugul ne kooi ak eng' keetit age tugul ne tuon, iyae kugoinatet.

BUKUIT NE TILIIL Sireet ne Dutero Kanon

²⁰ Amu ki airii choging'ung' eng' peetuusyek che po keny, ak ang'etii anooguk ak ki imwa ile, “Maotin,” amu ki ing'uruuge eng' tulweet age tugul ne kooi ak eng' keetit age tugul ne tuon, iyae kugoinatet.

JEREMIA 2:20 ပူးပေါင်းရင်းမြစ်များ

1 LAITORINIK 12:32

Ak king’at Jeroboam keyai igorta eng’ arawetab sisiit eng’ betutab taman ak mut, ko u igorta ne kimi Juda, ak kitogosta ye mi kapkorosut; kiyai ko u noto eng’ Bet-el, koeng’ji moek che kiga kotany: ak kiinde Bet-el tisiik che bo komoswek che tororen che kiga yai.

1 LAITORINIK 14:23

Amu kiteekyigei agichek komoswek che tororen, ak tolochik, ak Aserik, eng’ tulwet age tugul ne koi, ak eng’ ketit kel eng’ ketit age tugul ne tuon;

TIENWOGIKAL 107:14

Kiimoong’une mesundeito ak uruetab meet, Ak kong’eti tugukwak che kigirate.

TIENWOGIKAL 2:3

Ongeng’eti tugukwak che ratisie, Ak kewirte boroonikwak eng’ oldanyo.

TIENWOGIKAL 78:58

Kitach inendet kot konerech eng’ oldinwekwak che sutotin, Ak kiigochi inendet ng’etkonda eng’ kanamonikwak che kigiwai.

KOMONG'U 19:8

Ak kiwol bik tugul kibagenge kole, Kiyae choto tugul kamwa Jehovah. Ak kiipchi Musa Jehovah ng’alekab bik.

KOMONG'U 24:3

Ak kinyo anyun Musa konyo komwachi bik ng’alek tugul che bo Jehovah, ak kiruogutik tugul: ak kiwol bik tugul eng’ kutit agenge kole, Kiyae ng’alechato tugul kamwa Jehovah.

KOMONG'U 3:8

kachoruge anyun si kobiit asor ichek eng’ eunekab Misrik, ak amutu ichek kotogos komong’ eng’ emonoto koba emet ne mie ne baraa, emet ne nyiitat chego ak kumik; oldab Kananik, Hitik, Amorik, Perisik, Hibik, ak Jebusik.

ISAIAH 1:21

Kaegundo ano chepkugoniot nganaset ne ko bo iman, ne kotinyei kiruoget ne bo iman! Komenyei imanda nganasanato, ago nguno komi rumik.

ISAIAH 10:27

Ak eng’ betunoto, koistoegei tigikyieng’ung’ lautiennyi, ak koistoegei kaating’ung’ choginnyi, ak keng’em chogit amu kaiilet.

ISAIAH 14:25

ale atonatoni Asuriek eng’ emennyu, ak atiech eng’ tulonokyuk: koistoegei eng’ ichek choginnyi, ak koistoegei lautiennyi tigikyienywa.

ISAIAH 9:4

Amu koiiri chogitab lautiennyi, ak siaritab tigikyiennyi, ak kiroktab usindennyi, ko u eng’ betusiekab Midian.

JEREMIA 13:27

Kiageer tuguguk che kiwechei, ibetab ge neng’ung’, ak kateeng’ung’ ne bo maget, tengektab kugoinateng’ung’, eng’ tulonok che mi kewanin. Bwa eng’ inye, ee Jerusalem! Memache itililitu; yaoksei nito kot kotianit?

JEREMIA 17:2

ko ta kobwati lagokwak kapkorosusiekwak ak Aserik che mi ole mi ketik che tuonen eng’ tulonok barak.

JEREMIA 2:31

Ee ibini, ogeer ng’olyotab Jehovah. Tos kiaegu emetab mesundeito ne o? Amu nee anyun si komwa bikyuk kole, Kigitiachech; ma kebwane kogeny ole imi?

JEREMIA 3:13

Ng’any tengektang’ung’ kityo, ile kiingelelji Jehovah Kamuktaindeng’ung’, ak kiiseerji toek ortinweguk eng’ kelutab ketit age tugul ne tuon, ak ma ogas it kutinnyu, mwaei Jehovah.

JEREMIA 30:8

Ak tun airie eng’ betunoto choginnyi ne mi kaating’ung’, mwaei Jehovah ne bo lugosiek, ak ang’eti anoguk; ama koyaei toek inendet koek otwogindenywa.

JEREMIA 5:5

awendi oldab bik che eechen, ak ang’alalji ichek; amu ingen icheget oretab Jehovah, ak kiruogetab Kamuktaindenywa. Ago kigoiri chu ka bo tai chogit kibagenge, ak kong’eti ratutik.

EZEKIEL 16:28

Kiiyai kogeny kugoinatet koboto Asurik, amu kima koyamin kiy; ee kiiyai kugoinatet koboto ichek, ago ma yamin kora.

EZEKIEL 16:31

amu iteeche oldang’ung’ ole toogunot, ak iyachige oldang’ung’ ole kitororit eng’ oret age tugul; ama iige chepkugoniot, amu isase alisiet.

EZEKIEL 16:41

Ak kobeel goriguk, ak koyaun kiruogutik eng’ taitab kwonyik che chang’; ak aetenen kugoinatet, ama ialisiei kogeny.

EZEKIEL 20:28

Amu ye kingamutu ichek kobwa emet, ne kiaiitochi eunnyu agochi, kogeer tulwet age tugul ne koi, ak ketit age tugul ne nyigis, ak kiigoito eng’ oloto korosekwak, ak kiigoito eng’ oloto kagochinoikwak che bo tagisiet, kibeelei kogeny nyamdutikwak, ak korong’ji oloto kagochinoikwak che kieei.

EZEKIEL 23:5

Ak kiyai Ohola kugoinatet ye kita ko nenyu; ak kicham mising’ chamanikyik, choto ko Asuriek, bikab kokwennyi,

HOSEA 1:2

Ye kingong’alale Jehovah Hosea eng’ tai, kolenji Jehovah Hosea, Ui imutyige chepkugoniot koek osotiondeng’ung’, ak lagokab kugoinatet: amu yaei emet kugoinatet ne o, kometoi Jehovah.

HOSEA 2:5

Amu kiyaei kamet kugoinatet: kiyai inendet ne kimanachi ichek, tewernatet: amu kimwa kole, Asuboti chamanikyuk, che kona amitwogikyuk ak beekyuk, koboto kororikyuk che bo kechirek, ak mabutekyuk, mwanikyuk ak tuguk che aee.

HOSEA 3:3

ak kialenji, Itebye ko i nenyu, eng’ betusiek che chang’; meyae kugoinatet, amat iegu osotiotab chi age tugul: si ayai ko u noto agane eng’ inye.

HOSEA 4:13

Enyei tiseiywek eng’ tulonok barak, ak kobeelei nyamdutik eng’ tulonok, eng’ kelutab ketik, ak ketik alak che u siliboik, ak ketik alak che ter, amu mie uruenywa: yaei anyun tibikwok kugoinatet, ak koyai murerenikwok ibetab ge.

HOSEA 9:1

Amat ibaibaitu, ee Israel, ko u ye boiboitu bororiosiek; amu kiiyaate kugoinatet imete Kamuktaindeng’ung’, ak kiicham tuguk che kigoigoisie eng’ ruanyut age tugul.

ATEPTAP LAWIK 26:13

A Jehovah Kamuktaindeng’wong’, ne kiamutwak omong’u eng’ emetab Misri, si mata oegu otwogikwak; ak kiairi ketikab choging’wong’, ak ang’eetak obe komie.

NAHUM 1:13

Ak airi choginnyi eng’ kaating’ung’, ak ang’eeti ratutiguk.

NG'ATUTIK 12:2

Ong’em anyun iman oldinwek tugul, ole kioote kanamonikwak bororiosiek che oluule, che mi tulonok che koen, ak che mi legemosiek, ak che mi ketik che tuonen kel:

NG'ATUTIK 15:15

Ak ibwat ile ki i otwogin eng’ emetab Misri, ak kiitiachin Jehovah Kamuktaindeng’ung’: kang’atin anyun agobo ng’olyondoni rani amu noto.

NG'ATUTIK 26:17

Keng’any rani Jehovah, ile, inendet ko Kamuktaindeng’ung’ ak ile kanyol iwendote ortinwekyik, ak irib konetisiosiekyik, ak ng’atutikyik, ak kiruogutikyik, ak igas it kutinnyi:

NG'ATUTIK 4:20

Ago konamak Jehovah, ak komutwak omong’une matab karnet, eng’ Misri, oegu bikab borotennyi, ko u rani.

NG'ATUTIK 4:34

Anan kitiem Kamuktaindet au komutyigei bororiet eng’ bororiet age, eng’ tiemisiosiek, eng’ kaborunoik, ak eng’ kwong’utik, ak eng’ boriet, ak eng’ eut ne kim, eng’ eut ne chuulat, eng’ kamuisosiek che eechen, ko u tugul che kiyaiywok Jehovah Kamuktaindeng’wong’ eng’ Misri eng’ taitab konyekwok?

NG'ATUTIK 5:27

Rikte inye, si igas tugul che mwaei Jehovah Kamuktaindennyo: ak inyo imwawech tugul che mwaun Jehovah Kamuktaindennyo; si kegas, ak keyai.

JOSHUA 1:16

Kowolji ichek Josua kolenji, Kiyae choto tugul keng’atech, kibendi olda tugul ole keyoktech kebe.

JOSHUA 24:24

Ak kilenji bik Josua, Kiboisiechini Jehovah Kamuktaindennyo, ak kegas it kutinnyi.

JOSHUA 24:26

Ak kisir ng’alechuto Josua eng’ bukuitab Ng’atutikab Kamuktaindet; ak kiinem koita ne o, ak konde kotonon eng’ ketit kel ne kimi ye bo ole tilil ne bo Jehovah.

NG'ANG'UTYET 17:1

Ak kinyo age eng’ malaikaisiechato tisab che kitinyei tabok tisab, ak konyo kong’alalwa, kole, Nyo yu, si aborun kiruogetab chepkugoniot ne o ne tebe beek che chang’;

KIRUOGIK 10:6

Ak kiyai lagokab Israel yaitiet kogeny eng’ taitab Jehovah, ak kiot Baalik, ak Astarot, ak kanamonikab Suria, ak kanamonikab Sidon, ak kanamonikab Moab, ak kanamonikab lagokab Amon, ak kanamonikab Pilistik; ak kimeto Jehovah, mata koot inendet.

KIRUOGIK 2:11

Ak kiyai lagokab Israel yaitiet eng’ taitab Jehovah, koot Baalik:

KIRUOGIK 2:13

Ak kimeto Jehovah, ak koot Baal ak Astarot.

1 SAMUEL 12:10

Ak kirirji Jehovah kolenji, Kigeyai tengekto, amu kigebagakte Jehovah, ak keot Baalik ak Astarot: ago soruech nguno eng’ eutab bunikyok, si keotin.