JEREMIA 2:19 - BUKUIT NE TILIL

¹⁹ Itigonin yaitieng’ung’: ak kogerin kong’ mastaeng’ung’; nai anyun ile kit ne ya ak ko ng’wan, amu kiimete Jehovah Kamuktaindeng’ung’, ametinye kaiyweisiet ne iywea, mwaei Kiptaiyat, Jehovah ne bo lugosiek.

Bukuit Ne Tilil

¹⁹ Pirin yaityeng'ung', ak kogerin kong' mastaeng'ung'. Nai ak iguiye ile kiit ne ya ak ko ng'waan, eng' imete Kamuktaindet ne Toroor Kamuktaindeng'ung', ametinye kaiyweisyet ne iywea, mwaei Kiptaiyat, Kamuktaindet ne Toroor ne po lugoosyek.

BUKUIT NE TILIIL Sireet ne Dutero Kanon

¹⁹ Pirin yaityeng'ung', ak kogerin kong' mastaeng'ung'. Nai ak iguiye ile kiit ne ya ak ko ng'waan, eng' imete Kamuktaindet ne Toroor Kamuktaindeng'ung', ametinye kaiyweisyet ne iywea, mwaei Kiptaiyat, Kamuktaindet ne Toroor ne po lugoosyek.

JEREMIA 2:19 ပူးပေါင်းရင်းမြစ်များ

1 LAITORINIK 18:18

Ak kiwol kole, Ma anyalil Israel; inye ne kiinyalil, ak gotab kwandang’ung’, amu kiomete ng’atutikab Jehovah, ak kiisub Baal.

2 ATEPTAP PEETUUSYEK 12:5

Konyo maotiot Semaia oldab Reoboam, ak bounikab Juda, che kiga koyumjigei Jerusalem, komwee Sisak, ak kolenji ichek, Kamwa Jehovah ko u ni, kole, Kiometa, eng’ noto ko kabagakyok anyun agane eutab Sisak.

2 ATEPTAP PEETUUSYEK 21:10

Kiingelel anyun Edomik kobagakta bounatetab Juda, agoi rani: kiingelel agine Libna eng’ betusiechoto: amu kiga kometo Jehovah, Kamuktaindetab kwanisiekyik.

2 ATEPTAP PEETUUSYEK 25:16

Ak ye kita kong’alaldos ak inendet, kolenji laitoriat, Tos kogindein iegu kiruogindetab laitoriat? Muite; amu nee si imache kebarin? Kimuita anyun maotiot, ak kile, Angen ale, kagotil Kamuktaindet kole kong’emin, amu kaiyai ni, ama igas ng’alekyuk.

TIENWOGIKAL 36:1

Mwaei yaitietab bistoindet eng’ muguleldanyu, kole, Mami kaiyweisietab Kamuktaindet eng’ konyekyik.

KOMONG'U 33:6

Ak kiireek lagokab Israel tugukwak tugul che bo lele kong’eete tulwetab Horeb ak kwo tai.

KALEWANAIK 1:31

Amei anyun logoekab ortinwekwak, Ak konyi ichek ng’alekwak che yaachen.

KALEWANAIK 1:32

Amu barei ichek kachuchugetab ge ne bo abusanik, Ak ng’emei ichek borotetab che berber.

KALEWANAIK 5:22

Namei kiptengekyot yaitwogikyik, Ak kerate inendet boroonikab tengektanyi.

ISAIAH 3:9

Baorianjin ichek togochikwak; ak komwaitoi tengekwogikwak ko u Sodom, maunyei. Bwa eng’ sobonwekwak! Amu kagoyaakyigei yaitiet.

ISAIAH 5:5

Ui anyun nguno; amwawok kit ne aitoi mbarennyu ne bo sabibuk: aistoi ng’otwennyi, si keam; abute irimennyi, si ketiech:

ISAIAH 50:1

Mwaei Jehovah ko u ni kole, Mi ano baruetab besietab komet, ne kiaone inendet? Anan kiaaldachok ng’o ne yaacha? Kigialdak amu yaitwogikwok, ak kigion komet amu bistaosiekwok.

JEREMIA 1:16

Ak amwa kiruogutikyuk agirindae yaitienywa tugul; amu kigometa, ak kigobeelji nyamdutik kanamonik che ter, ak kolos boisionikab eunekwak.

JEREMIA 13:22

Ak ngot imwa eng’ muguleldang’ung’ ile, Amu nee anyun si kobwanja tuguchuto? Kageng’any ngoroiguk amu oindab tengektang’ung’, ak kagonyor kwariniguk ng’wanindo.

JEREMIA 2:17

Tos kima icheng’jige nito, amu kiimete Jehovah Kamuktaindeng’ung’, ye kiimutin eng’ oret?

JEREMIA 3:22

Oweege, okwek lagok che kiogetyigei let, si asoob kachuchugeng’wong’ bo ge. Keero, kagibwanjin; amu i Jehovah Kamuktaindennyo.

JEREMIA 4:18

Kagoibun oreng’ung’ ak boisioniguk tuguchuto; nito ko yaitieng’ung’; amu ng’wan, amu itei muguleldang’ung’.

JEREMIA 5:22

Tos moiywea? Mwaei Jehovah: tos mobotandosi eng’ tainnyu, ane ne kiande ng’aniek koek kiwotetab nyanjet, eng’ ng’atutiet ne tebyei agoi, ne maimuchi nyanjet kosiir? Ak agot ngo mildoegei beek mising’, ko maimuchi kotil kiy; agot ngo moror, ko maimuchi kosiir.

JEREMIA 5:24

Ama mwaei eng’ mugulelwekwak kole, Ongiywei anyun Jehovah Kamuktaindennyo, ne konu ropta, ne bo tai ak ne bo let, eng’ betusiekyik; ne ribwech wigisiek che kiging’at che bo kesisiet.

JEREMIA 5:6

Barei anyun ichek ng’etundo ne mong’une osnet, barei ichek suiyot ne bo ong’atet, sapchin cheblanget nganasokwak, kitonatoni age tugul ne mong’u eng’ oloto: amu chang’ bistaosiekwak, ak kigotesak kachuchugenywa bo ge.

JEREMIA 7:19

Tos tacha bichoto anerech? Mwaei Jehovah. Tos matachegei ichegei, si kogochigei kalilanet eng’ togochikwak?

JEREMIA 8:5

Amu nee anyun si kochuchuigei bichu bo Jerusalem eng’ kachuchuget ne bo agoi? Namei mising’ ng’alset, esioi koweek.

EZEKIEL 23:30

Kiyaun tuguchuto, amu kiiyai kugoinatet isuboti bororiosiek, ak amu kiimuruonegei kanamonikwak.

EZEKIEL 39:24

Kiayachi ichek ko u muruonindanywa ak ko u bistaosiekwak; ak kiaung’e ichek togennyu.

HOSEA 11:7

Kagobegechi bikyuk kochuchuigei kometa: agot ngo kuurso ichek koguurji ichek inendet ne mi barak, ko mabiitu ne itorori inendet.

HOSEA 13:9

Ng’emisieng’ung’ nito, ee Israel, amu igirindaa, igirindoi toretindeng’ung’.

HOSEA 14:1

Ee Israel, weekyige Jehovah Kamuktaindeng’ung’; amu kiibut eng’ tengektang’ung’.

HOSEA 4:16

Amu kigongelel Israel, ko u roriat ne uui met; baei Jehovah anyun ichek ko u aruetab kechir eng’ ole baraa.

HOSEA 5:5

Ak baoriani menotetab Israel eng’ tainnyi: ibutos anyun Israel ak Epraim eng’ tengektanywa; ibuti Juda agine koboto ichek.

HOSEA 7:2

Ama ibwati eng’ mugulelwekwak kole abwati yaitienywa tugul: yiemei ichek anyun boisionikwak; mi tainnyu choto.

HOSEA 9:1

Amat ibaibaitu, ee Israel, ko u ye boiboitu bororiosiek; amu kiiyaate kugoinatet imete Kamuktaindeng’ung’, ak kiicham tuguk che kigoigoisie eng’ ruanyut age tugul.

AMOS 8:10

Ak awal igorwekwok koek rirek, ak awal tienwogikwok tugul koek kateiyet; ak agochi bik tugul kogermenegei kuniok, ak koam bosta chi tugul; ak ayae noto koek che kirirjin werit ne kigii inegei, ak ayae kagesunennyi koek betut ne ng’wan.

MIKAH 1:5

Biitu chuto amu bistoetab Jakobo, ak amu tengekwogikab gotab Israel. Nee bistoetab Jakobo? Tos ma Samaria? Ak nee komoswek che tororen che bo Juda? Tos ma Jerusalem?

SEKARIA 7:11

Ago kiesio kogas it, ak kililich tigigoikwak, ak kotim itikwak, si magas.

ROMANIK 3:18

Mami kaiyweisiet ne iywei Jehovah taitab konyekwak.

KIRUOGIK 10:13

Ago kiometa, ak oot kanamonik: noto anyun, ma asoruok kogeny.