JEREMIA 2:17 - BUKUIT NE TILIL

¹⁷ Tos kima icheng’jige nito, amu kiimete Jehovah Kamuktaindeng’ung’, ye kiimutin eng’ oret?

Bukuit Ne Tilil

¹⁷ Tos ki ma icheeng'jige niito, amu ki imete Kamuktaindet ne Toroor Kamuktaindeng'ung', ye ki imutin eng' ooreet?

BUKUIT NE TILIIL Sireet ne Dutero Kanon

¹⁷ Tos ki ma icheeng'jige niito, amu ki imete Kamuktaindet ne Toroor Kamuktaindeng'ung', ye ki imutin eng' ooreet?

JEREMIA 2:17 ပူးပေါင်းရင်းမြစ်များ

1 ATEPTAP PEETUUSYEK 28:9

Nai anyun inye Solomon werinnyu, Kamuktaindetab kwandang’ung’, ak iboisiechi inendet eng’ muguleldo ne igesunotgei, ak eng’ kabwatutik che tinyei chamet: amu isiachi Jehovah mugulelwek tugul, ak koguitos kabwatutik tugul che bo metit: ngot icheng’ inendet, inyoru: ago ngot imete inendet, kowirtoin koigeny.

2 ATEPTAP PEETUUSYEK 15:2

ak kiwa kotorokta Asa, kolenji, Ogasa okwek, inye Asa ak Juda tugul ak Benjamin: mi Jehovah kobotok, ye otebye ak inendet; ak ngot ocheng’ inendet, onyoru; ago ngot omete inendet, kometok.

Kitabuutap JOB 34:27

Amu kimasta, ma isub inendet, Ama ibwat age tugul eng’ ortinwekyik:

Kitabuutap JOB 4:8

Ko u ye kiageer, icheget che ibatisiei agobo tengekto, Ak kogolei nyalilda, kogesei anyun choto.

TIENWOGIKAL 107:7

Kiindochi agine eng’ oret ne litit, Si kobiit koba nganaset ne menyei.

TIENWOGIKAL 136:16

Inendet ne kiindochi bikyik kobun ong’atet: Amu tebyei rirenennyi koigeny.

TIENWOGIKAL 77:20

Kiimut biguk ko u akwetab kechirek, Eng’ eutab Musa ak Aron.

KALEWANAIK 15:10

Mi kotigonet ne ng’wan eng’ inendet ne metoi oret: Ak meei inendet ne wechei keretab kong’.

ISAIAH 1:4

Bwa, bororiet ne yaei tengekto, bik che laei yaitiet, iyotetab yaikab yaitiet, lagok che yaei ng’emisiet: kigometo Jehovah, kigosas Inendet ne Tilil ne bo Israel, kigotoiyegei kochuchuigei.

ISAIAH 59:13

kigiesie Jehovah eng’ bistoennyo, ak kigemaste ama kisub Kamuktaindennyo, keng’alali ng’alekab sastaet ak ngelelnatet, kichobe eng’ mugulelwekyok ng’alekab lembech, ak kemwae.

JEREMIA 13:22

Ak ngot imwa eng’ muguleldang’ung’ ile, Amu nee anyun si kobwanja tuguchuto? Kageng’any ngoroiguk amu oindab tengektang’ung’, ak kagonyor kwariniguk ng’wanindo.

JEREMIA 19:4

Amu kigometa ichek, kigoyai yuto koek ole maginaei, ak kigobeelji eng’ yuto, nyamdutik, kanamonik che ter, che kima kongen, icheget ak kwanisiekwak ak laitorinikab Juda; ak kigonyiit olito korotikab che matinyei tengek;

JEREMIA 2:13

Amu kigoyai bikyuk yaitwogik aeng’; kigometa ane ne a kondametutab beek che soptos, ak kobaljigei keringonik, keringonik che kigoundurogis, che maimuchi kotebe beek.

JEREMIA 2:19

Itigonin yaitieng’ung’: ak kogerin kong’ mastaeng’ung’; nai anyun ile kit ne ya ak ko ng’wan, amu kiimete Jehovah Kamuktaindeng’ung’, ametinye kaiyweisiet ne iywea, mwaei Kiptaiyat, Jehovah ne bo lugosiek.

JEREMIA 4:18

Kagoibun oreng’ung’ ak boisioniguk tuguchuto; nito ko yaitieng’ung’; amu ng’wan, amu itei muguleldang’ung’.

JEREMIA 44:3

amu yaitienywa ne kigoyai kotacha anerech, amu kiba kobeel nyamdutik, koot cheptalelisiek che kima kongen, icheget, anan okwek, anan kwanisiekwok.

JEREMIA 5:25

Kigowal tengekwogikwok tuguchuto, ak kigoetenak tengekwogikwok mieindo.

EZEKIEL 39:24

Kiayachi ichek ko u muruonindanywa ak ko u bistaosiekwak; ak kiaung’e ichek togennyu.

HOSEA 13:9

Ng’emisieng’ung’ nito, ee Israel, amu igirindaa, igirindoi toretindeng’ung’.

MIKAH 1:5

Biitu chuto amu bistoetab Jakobo, ak amu tengekwogikab gotab Israel. Nee bistoetab Jakobo? Tos ma Samaria? Ak nee komoswek che tororen che bo Juda? Tos ma Jerusalem?

KAITOSYEK 32:23

Ago ngot ko moyai ko u noto, ogeero, ko kaoyai tengekto eng’ taitab Jehovah: ak onai anyun ole ng’ang’dook tengektang’wong’.

NG'ATUTIK 32:10

Kinyorji inendet ong’atet, Eng’ surkwen ne imuisei ne mami kiy; Kiyiem korib, Kirib inendet ko u laptetab kondanyi:

NG'ATUTIK 32:19

Ak kigeer Jehovah, ak kowech, Amu tagetab ne kitach werikyik ak tibikyik.