JEREMIA 2:11 - BUKUIT NE TILIL

¹¹ Tos kigowal bororiet kanamonikwak agot ngo ma cheptalelisiek? Ago kigowal bikyuk torornatenywa agobo kit ne magonu kelunet.

Bukuit Ne Tilil

¹¹ Tos ki kowal `pororyo kamuktaikyik, agot ngo ma kamuktain? Ago ki kowal piikyuk toroornatennywa agobo kiit ne ma koonu kelunet.

BUKUIT NE TILIIL Sireet ne Dutero Kanon

¹¹ Tos ki kowal `pororyo kamuktaikyik, agot ngo ma kamuktain? Ago ki kowal piikyuk toroornatennywa agobo kiit ne ma koonu kelunet.

JEREMIA 2:11 ပူးပေါင်းရင်းမြစ်များ

1 LAITORINIK 11:33

amu kigobagakta, ak kogutung’ji Astoret kanamwet ne kwondo ne bo Sidonik, ak Kemos kanamwetab Moab, ak Milkom kanamwetab lagokab Amon; ama bendote ortinwekyuk, koyai ne mie eng’ tainnyu, ak korib ng’atutikyuk ak kiruogutikyuk, ko u ye kiyai Daudi kwandanyi.

2 LAITORINIK 1:3

Ago kilenji malaikaiyatab Jehovah Elija Tisbindet, Ng’eet, ak iwe otuiye ak bik che kaiyokto laitoriatab Samaria, ak ilenji ichek, Si obe oteepse Baal-sebub kanamwetab Ekron, ko amu mami Kamuktaindet Israel?

2 ATEPTAP PEETUUSYEK 13:9

Ma oonu tisiikab Jehovah, werikab Aron, ak Lawik, ak olewenjige tisiik, osubi bitonwekab bikab emotinwek alak? Si age tugul ne nyonei koanyinyegei kirgit ak mengichik tisab, koegu noto tisiindetab tuguk che matilei kiy.

TIENWOGIKAL 106:20

Kiwal anyun telunatenywa Kogergeit ak eito ne ageti.

TIENWOGIKAL 115:4

Bo feda ak tahabu kanamonikwak, Boisietab eunekab bik.

TIENWOGIKAL 3:3

Ago inye, Jehovah, ko i long’et ne mi komoswek tugul eng’ ane; I teegistanyu, ak i tiindetab metinnyu.

ISAIAH 37:19

ak kigowirji ma kanamonikwak: amu kima ko cheptalelisiek, ago ki boisietab eunekab bik, ketit ak koik; king’em anyun ichek tuguchoto amu noto.

JEREMIA 16:20

Tos yachingei chito kanamonik, che ma cheptalelisiek?

JEREMIA 18:13

Mwaei anyun Jehovah ko u ni kole: Oteebate bororiosiek, olenji, ng’o ne kigogasei ng’alek che u chu; kiyai bergeiyatab Israel kit ne samis mising’.

JEREMIA 2:5

Mwaei Jehovah ko u ni kole, Nee kit ne ma bo iman ne kinyorja kwanisiekwok, kot kolooitena, ak kosubot tangoita, ak kagoek buch?

JEREMIA 2:8

Ma mwa tisiik kole, Mi ano Jehovah? Ama naa ichek che tinyei ng’atutik: kiingelelja kogeny bounik agichek, ak kimaotense maotik Baal, ak kobendate tuguk che maginyorune kelunet.

JEREMIA 5:7

Amuktoi ano anyoun kaat? Kigometa lagoguk, ak kigiyosio agobo kanamonik che ma cheptalelisiek: kingo kaabai kobiyong’so, koyai ibetab ge, ak koyumjinotgei gorikab chepkugonik.

EZEKIEL 14:5

si kobiit anam gotab Israel eng’ mugulelwekwak icheget, amu kigotoiyenagei ichek tugul amu kanamonikwak.

EZEKIEL 5:7

Mwaei anyun Kiptaiyat Jehovah ko u ni kole: Amu o bik che wasegei kosiir bororiosiek che mi komoswekwok, ama obendate ng’atutikyuk, ama orib kiruogutikyuk, ama osub ng’atutikab bororiosiek che mi komoswekwok;

MIKAH 4:5

Amu wendoti bororiet age tugul eng’ bororiosiek tugul eng’ kainetab cheptalelinnyi, ak kibendote achek kainetab Jehovah Kamuktaindennyo koigeny ak koigeny.

ROMANIK 1:23

ak kowal torornatetab Jehovah ne ma ng’emaksei kogergeit ak itondab chito ne ng’emaksei, ak ne bo taritik, ak tiong’ik che bo kelyek ang’wan, ak tuguk che ichuutegei.

1 KORINTOEK 8:4

Noto anyun eng’ amet ne bo tuguk che kieng’jin kanamonik, kingen kele mami kanamwet ne kiy eng’ ng’ony, ama mi Jehovah age kobate agenge.

GALATYEK 4:8

Ago eng’ betunoto, kima ongen Jehovah, ko kio otwogikab icheget che kima ko cheptalelisiek che ma bo iman:

NG'ATUTIK 32:16

Kiigochi koam ng’etkonda eng’ cheptalelisiek che ter, Kitach eng’ tuguk che kiwechei.

NG'ATUTIK 32:21

Kigona ng’etkonda eng’ noto ne ma Kamuktaindet; Kitacha eng’ tangoitanywa: Ak agochi ichek ng’etkonda eng’ che ma bororiet; Atache ichek eng’ bororiet ne abusat.

NG'ATUTIK 33:29

Ee Israel, igasige: O kerge ak ng’o, bororiet ne kisor Jehovah, Long’et ne toretin, Ak ko rotweng’ung’ bo chok, ne bo telunateng’ung’! Ak koyaigei buniguk koigei che kase it; Ak itiech oldinwekwak che sutotin.

1 PETERO 1:18

ongen ole kigitiachak omong’une atebeng’wong’ ne bo buch ne kionyoru eng’ kwanisiekwok, ma eng’ tuguk che ng’emaksei, ko u feda anan tahabu;

1 SAMUEL 4:21

Ak kiguure lakwanato Ikabod, kole, Kagoistogei torornatet eng’ Israel: amu kageib moingetab Kamuktaindet, ak amu kwandab manong’otiondennyi ak manong’otiondennyi.