JEREMIA 19:7 - BUKUIT NE TILIL

⁷ Ak ayai koek buch kiruogutikab Juda ak Jerusalem eng’ olito; ak agochini kebare rotwetab chok eng’ taitab bunikwak, ak eng’ eunekab icheget che cheng’ei sobonwekwak: ak agoite muswekwak koek amitwogikab taritik che bo barak, ak che bo tiong’ikab ng’ony.

Bukuit Ne Tilil

⁷ Ak ayai koek puch kirwoogutigap Judah ak Jerusalem eng' olito; ak agoochini kebare rotwetap chok eng' taitap puunikwak, ak eng' eunegap icheeget che cheeng'ei saboonwekwak: ak agoite muuswekwak koek amitwogigap toriitik che po parak, ak che po tyong'igap ng'wony.

BUKUIT NE TILIIL Sireet ne Dutero Kanon

⁷ Ak ayai koek puch kirwoogutigap Judah ak Jerusalem eng' olito; ak agoochini kebare rotwetap chok eng' taitap puunikwak, ak eng' eunegap icheeget che cheeng'ei saboonwekwak: ak agoite muuswekwak koek amitwogigap toriitik che po parak, ak che po tyong'igap ng'wony.

JEREMIA 19:7 ပူးပေါင်းရင်းမြစ်များ

2 LAITORINIK 21:14

Ak atoortoi che kang’et che bo borotennyu, ak ande ichek eunekab bunikwak; ak koek luulenik che luulei bunikwak tugul;

KALEWANAIK 21:30

Mami ng’omnatet anan kaguiyet Anan kiruoget ne kirindoi Jehovah.

ISAIAH 29:14

ogeer anyun-o, ayae boisiet ne kitang’ang’jin eng’ kwenutab bichu, boisiet ne kitang’ang’jin ak kekwong’e; ak kobet ng’omnatetab bikwak che ng’omen, ak keuny kaguiyetab bikwak che ng’omen.

ISAIAH 8:10

Oruoch tugul, si koek buch; omwa ng’olyot, ama tononi: amu mi Kamuktaindet kobotech.

JEREMIA 15:2

Ak ye tun teebenen kolenjin, Kibendi ano? Imwachi anyun ilenji, Mwaei Jehovah ko u ni kole, Che bo meet, kobendi meet; ak che bo rotwetab chok, kobendi rotwetab chok, ak che bo rubet, kobendi rubet, ak che bo luulet, kobendi luulet.

JEREMIA 15:9

Nyaluli inendet ne kigosich lagok tisab; meei; kagororokto asistanyi kota ko bet; kigolilan ak kotoptoben: ak agoite che ng’etu eng’ ichek kobar rotwetab chok eng’ taitab bunikwak, mwaei Jehovah.

JEREMIA 16:4

Begu ichek eng’ meet ne ng’wan; magirirjin, ama kitubei; igeitu ng’atatek eng’ ng’ony: ak kibare rotwetab chok, ak rubet; ak koek muswekwak amitwogikab taritikab barak ak tiong’ikab ng’ony.

JEREMIA 18:21

Igoite anyun lagokwak, kobar rubet, ak igoite ichek kobar rotwetab chok; ak ingobetyi lagok osotikwak, ak koek mosogik; ak ingobar meet murenikwak, ak ingobar rotwetab chok neranikwak eng’ luget.

JEREMIA 21:7

Ak ye ibata, mwaei Jehovah, asoru Sedekia laitoriatab Juda, ak otwogikyik, ak bik, bik che ng’etu eng’ nganasanito, asoru eng’ koroito, ak eng’ rotwetab chok, ak eng’ rubet, agoite koba eutab Nebukadresar laitoriatab Babulon, ak koba eunekab bunikwak, ak eunekab icheget che cheng’ei sobonwekwak: ak kobar ichek eng’ rotwetab chok; mabagaktoi, ama rire, ama riregei.

JEREMIA 22:19

Kitubei ko u ye kitubei sigiriet, kichuuti ak kewirta kosiir ormarichokab Jerusalem.

JEREMIA 22:25

ak andein eunekab icheget che cheng’ei sobondang’ung’, ak eunekab ichek che iywei, eutab Nebukadresar laitoriatab Babulon, ak eutab Kaldeik.

JEREMIA 32:28

Mwaei anyun Jehovah ko u ni kole: Keero, agochini nganasani eutab Kaldeik, ak eng’ eutab Nebukadresar laitoriatab Babulon, ak koluul:

JEREMIA 34:20

agoitoi ichek koba eutab bunikwak, ak koba eutab ichek che cheng’ei sobonwekwak: ak koek muswekwak amitwogikab taritikab barak, ak che bo tiong’ikab ng’ony.

JEREMIA 46:26

ak andoi ichek eutab icheget che cheng’ei sobonwekwak, ak eutab Nebukadresar laitoriatab Babulon, ak eutab otwogikyik; ye ibata kemeny ko u betusiek che bo keny, mwaei Jehovah.

JEREMIA 7:33

Ak koek muswekab bichu amitwogikab taritik che bo barak, ak che bo tiong’ikab ng’ony; ama biitu chi ne iyestoi.

JEREMIA 8:2

ak koma eng’ asista, ak eng’ arawet, ak eng’ taitab tuguk tugul che bo kipsengwet, che kiga kocham, ak kiga koot, ak che kiga kosubot, che kiga kocheng’at, ak che kiga kolos: magiyumi, anan ketub; egu keturek eng’ emet.

JEREMIA 8:8

Omuktoi ano anyun omwa ole, Ki ng’omen, ak olen, kitinye ng’atutietab Jehovah? Ago, ogeero, kigoyai ng’alset kalamitab kaberberisiet ne bo sirik.

JEREMIA 8:9

Ililandos bik che ng’omen, arogendos ak kenam: ogeero, kigoesio ng’olyotab Jehovah; ara anyun tinyei ng’omnatet ne u nee?

RIREKAB JEREMIA 3:37

Ng’o inendet ne mwaei ak kosulda kioto, ngot ko mang’at Kiptaiyat kioto?

ATEPTAP LAWIK 26:17

Ak aboruok neregekyuk, ak kebarak eng’ taitab bunikwok; ak koboiywok che wechok; ak omwei ko maonok chi.

ATEPTAP LAWIK 26:25

Ak aibwok rotwetab chok, ne yaakwok mugetut ne bo kayomiset; ak oyumjige nganasokwok: ak ayokwok koroito konyo kweng’wong’, ak kindeak eunekab bunikwok.

ROMANIK 3:31

Tos kiyai anyun Ng’atutiet koek ne matilei kiy amu kayanet? Achicha, ma u noto: kigimiti Ng’atutiet.

ROMANIK 4:14

Amu ngot koek che namei tuguk, ichek che bo Ng’atutiet, ko kagoek buch kayanet, ak kageyai arorutiet koek ne matilei kiy:

1 SAMUEL 17:46

Indein rani Jehovah eunnyu; ak awirin, ak atil meting’ung’, ak agochi rani muswekab lugetab Pilistik taritik che bo barak, ak tiong’ikab timin che bo ng’ony; si kobiit konai ng’ony tugul kole, mi Kamuktaindet Israel: