JEREMIA 19:4 - BUKUIT NE TILIL

⁴ Amu kigometa ichek, kigoyai yuto koek ole maginaei, ak kigobeelji eng’ yuto, nyamdutik, kanamonik che ter, che kima kongen, icheget ak kwanisiekwak ak laitorinikab Juda; ak kigonyiit olito korotikab che matinyei tengek;

Bukuit Ne Tilil

⁴ Amu ki kometa icheek, ki koyai yuto koek ole ma kinaei, ak ki kobeelji eng' yuto, nyamdutik, kanamonik che teer, che ki ma kongen, icheeget ak kwanisyekwak ak laitorinigap Judah; ak kigonyiit olito korotiigap che ma tinyei tengek;

BUKUIT NE TILIIL Sireet ne Dutero Kanon

⁴ Amu ki kometa icheek, ki koyai yuto koek ole ma kinaei, ak ki kobeelji eng' yuto, nyamdutik, kanamonik che teer, che ki ma kongen, icheeget ak kwanisyekwak ak laitorinigap Judah; ak kigonyiit olito korotiigap che ma tinyei tengek;

JEREMIA 19:4 ပူးပေါင်းရင်းမြစ်များ

2 LAITORINIK 21:16

Ak kitumda kogeny Manase korotik che chang’ kot, che matinyei tengek, kot konyiit Jerusalem kong’eete komosta age agoi komosta age; koboto tengektanyi ne kiibeete Juda si koyai tengekto, eng’ yaitiet ne kiyai eng’ taitab Jehovah.

2 LAITORINIK 23:10

Ak kiing’wanit Topet, ne mi atebwetab lagokab Hinom, si ma igoito chi werinnyi anan ko cheptanyi kobun mat kogochi Molek.

2 LAITORINIK 24:4

ak agobo korotik che matinyei tengek che kitumda; amu kiinyiit Jerusalem korotik che matinyei tengek: ak kiesio Jehovah konyochi kaat.

TIENWOGIKAL 106:38

Ak kitumda korotik che matinyei tengek, korotikab werikwak ak tibikwak, Che kiigochi kanamonikab Kanan koek tiseiywek; Ak kiging’wanit emet eng’ korotik.

ISAIAH 59:7

Ruachin kelyekwak yaitiet, ak kochoktoi kotumda korotik che matinyei tengek: kabwatutikwak ko kabwatutikab tengekto; mi ortinwekwak kubernatet ak ng’emisiet.

ISAIAH 65:11

Ago okwek che ometoi Jehovah, che outie tulwennyu ne tilil, che ochobe meset agobo Kelunet, ak che onyiityini Kagesunet divaik che kigiburuch:

JEREMIA 1:16

Ak amwa kiruogutikyuk agirindae yaitienywa tugul; amu kigometa, ak kigobeelji nyamdutik kanamonik che ter, ak kolos boisionikab eunekwak.

JEREMIA 11:13

Amu ko u ole te koitetab nganasoguk, ko u noto kanamoniguk, ee Juda; ak ko u ole te koitetab ortinwekab Jerusalem, ko u noto kiolumde kapkorosusiekab kit ne kililane, kapkorosusiek che kibeeljine Baal nyamdutik.

JEREMIA 15:6

Kiiesia, mwaei Jehovah, kiichuchuige: kiachuul anyun eunnyu atokyin, ak ang’emin; kaang’et eng’ muitaet.

JEREMIA 16:11

Ilenji anyun ichek, Amu kigometa kwanisiekwok, mwaei Jehovah, ak kosubot kanamonik che ter, ak koot ak kolos, ak kometa, ama rib ng’atutikyuk;

JEREMIA 17:13

Ee Jehovah, inye ne i kamang’unetab Israel, ililandos ichek tugul che metoin; kisirei eng’ ng’ony ichek che istoenagei, amu kigometa Jehovah, kondametutab beek che soptos.

JEREMIA 17:20

ak ilenji ichek, Ogas ng’olyotab Jehovah, okwek laitorinikab Juda, ak Juda komugul, ak bik tugul che menyei Jerusalem, che obendi orit obune ormarichochuto;

JEREMIA 18:15

Amu kigoutiena bikyuk, kigobeelji nyamdutik tuguk che matilei kiy; ak kigonach ichek eng’ ortinwekwak, eng’ ortinwek che bo keny, si kobunot ortinwek che mi taban, eng’ oret ne ma kiyai;

JEREMIA 2:13

Amu kigoyai bikyuk yaitwogik aeng’; kigometa ane ne a kondametutab beek che soptos, ak kobaljigei keringonik, keringonik che kigoundurogis, che maimuchi kotebe beek.

JEREMIA 2:17

Tos kima icheng’jige nito, amu kiimete Jehovah Kamuktaindeng’ung’, ye kiimutin eng’ oret?

JEREMIA 2:19

Itigonin yaitieng’ung’: ak kogerin kong’ mastaeng’ung’; nai anyun ile kit ne ya ak ko ng’wan, amu kiimete Jehovah Kamuktaindeng’ung’, ametinye kaiyweisiet ne iywea, mwaei Kiptaiyat, Jehovah ne bo lugosiek.

JEREMIA 2:30

Kiabir lagokwok buch; ma cham kotigonet: kigobar rotweng’ung’ bo chok maotikwok, ko u ng’etundo ne ng’emisiei.

JEREMIA 2:34

Mitei kogeny ngoroiguk korotikab kibananok che matinyei tengek: ma anyorji ole kigobutok, ago kianyorji chuto tugul.

JEREMIA 22:17

Ago matokyingei konyeguk ak muguleldang’ung’ kiy age kobate tugukab ng’wen, ak tumdaetab korotik che matinyei tengek, ak sastaet, ak koromnatet, koyai choto.

JEREMIA 22:3

Mwaei Jehovah ko u ni kole: Oyai okwek kiruoget ak imanda, ak osoru ne kigiluul komong’ eng’ eutab usindet: amat oyai ne ya, anan koromnatet, oyachi toondet, anan ne matinyei kwanda, anan mosoget, amotumde korotik che matinyei tengek, eng’ olito.

JEREMIA 26:15

Ago onai komie ole, ngot obara, oipchinige korotik che matinyei tengek, koboto nganasani, ak bik tugul che menyei olito: amu kagoyokwa Jehovah iman anyo amwawok ng’alechuto tugul ogase.

JEREMIA 26:23

ak kiimut Uria eng’ Misri, komutyi Jeoiakim laitoriat, ne kibar inendet eng’ rotwetab chok, ak kowirji mustanyi kererisiekab bik che ma toogunotin.

JEREMIA 44:3

amu yaitienywa ne kigoyai kotacha anerech, amu kiba kobeel nyamdutik, koot cheptalelisiek che kima kongen, icheget, anan okwek, anan kwanisiekwok.

JEREMIA 5:6

Barei anyun ichek ng’etundo ne mong’une osnet, barei ichek suiyot ne bo ong’atet, sapchin cheblanget nganasokwak, kitonatoni age tugul ne mong’u eng’ oloto: amu chang’ bistaosiekwak, ak kigotesak kachuchugenywa bo ge.

JEREMIA 7:6

ngot ko mosastoe toondet, ak ne matinyei kwanda, ak mosoget, ak amotumde korotik che matinyei tengek eng’ olito, anan osubote chjeptalelisiek che ter ogochinege nyalilda:

JEREMIA 7:9

Tos ochorsei, orumisiei, ak oyae ibetab ge, ak oyostosi eng’ lembech, ak obeeljini nyamdutik Baal, ak osuboti cheptalelisiek che ter che mongen,

RIREKAB JEREMIA 4:13

Kibiit ko u nito amu tengekwogikab maotikyik, ak yaitwogikab tisiikyik, Che kitumda korotikab bik che bo iman eng’ kwenunnyi.

EZEKIEL 20:26

ak kiamuruon ichek eng’ konunoikwak ichegei, amu kiigoito lagok tugul che yatei iyotet kobun mat, si kobiit agochi ichek kobononso, si konai kole a Jehovah.

EZEKIEL 7:22

Ak atuktochi batai, ak kong’wanit oldanyu ne bo ung’ot: ak kochut oloto rebik, ak kong’wanit.

EZEKIEL 8:11

Ak kitononie taitab kanamonichoto bik tamanwogik tisab che bo boisiekab Israel, ak kitonone kwenunywa Jaasania weritab Sapan, kotinyei chi age tugul terennyi eng’ eunnyi, ne kibeelse; ak kitogosta iyeto ne bo ng’uunetab nyamdutik.

DANIEL 11:31

Ak kotononso lugosiek eng’ komostanyi ak komuruon ole tilil, agot irimet, ak koisto kagochinet ne kibeelei ne bo kotugul, ak konde kit ne kiwechei ne ng’emisiei.

LUKA 11:50

si kobiit komage ibini, korotikab maotik tugul, che kigitumda koboch ko kagilumda ng’ony;

NG'ATUTIK 13:13

Kamong’une kwenung’ung’ bik alak che yaach, ak koba komaas bik che menyei nganasenywa, kolenji, Ongebe keot cheptalelisiek, che mongen;

NG'ATUTIK 13:6

Ngo kaigain eng’ ung’ot ng’etab komet, anan wering’ung’, anan cheptang’ung’, anan osotiondeng’ung’ ne ichame, anan chorueng’ung’ ne ichame ko u ye ichame sobondang’ung’, kolenjin, Ngebe keot kanamonik, che kima ingen, inye, anan kwanisieguk;

NG'ATUTIK 28:20

Iyogun Jehovah chubisiet ak nyalilda, ak keretab kong’, eng’ tugul che iyae euneguk, agoi kong’emin, ak agoi ilus ichakte; amu yaitietab boisioniguk ne kigonin ibagakta.

NG'ATUTIK 28:36

Imutin Jehovah koboto laitoriandeng’ung’ ne tun indoi koboun, agoi iit bororiet ne mengen, inye, anan kwanisieguk; ak iot kanamonik eng’ oloto, che bo ketik ak koik.

NG'ATUTIK 28:64

Ak koiyestak Jehovah obe bororiosiek tugul, koboch tabanda age ne bo ng’ony agoi tabanda age; ak iot kanamonik eng’ oloto che bo ketik ak che bo koik, che mengen, inye, anan kwanisieguk.

NG'ANG'UTYET 16:6

amu kitumda korotikab bik che tililen ak che bo maotik, ak kaigochi ichek korotik koe: amu nyoljin ichek ko u noto.

KIRUOGIK 5:8

Kilewen cheptalelisiek che taunen; Kibiit luget eng’ kurgotik: Tos kibiit long’et anan ko ng’otit ne kigigeerei Eng’ elfusiek artam eng’ Israel?