JEREMIA 18:8 - BUKUIT NE TILIL

⁸ ngot kosik eng’ yaitienywa bororionoto kaamwa, awale kabwatutukyuk eng’ yaitiet ne kitayachini ichek.

Bukuit Ne Tilil

⁸ ngot kosik eng' yaityennywa pororyonooto kaamwa, awale kabwaatutukyuk eng' yaityet ne kitayachini icheek.

BUKUIT NE TILIIL Sireet ne Dutero Kanon

⁸ ngot kosik eng' yaityennywa pororyonooto kaamwa, awale kabwaatutukyuk eng' yaityet ne kitayachini icheek.

JEREMIA 18:8 ပူးပေါင်းရင်းမြစ်များ

2 ATEPTAP PEETUUSYEK 12:6

Koming’ingei anyun bounikab Israel koboto laitoriat; ak kile, Bo iman Jehovah.

TIENWOGIKAL 106:45

Ak kiibwat kayomisennyi ne kigayomisyi ichek, Ak kirire ichek ko u chang’indab rirenosiekyik.

TIENWOGIKAL 135:14

Amu iruoksechin Jehovah bikyik, Ak koriregei kiboitinikyik.

TIENWOGIKAL 90:13

Weeguge, ee Jehovah; tianitu? Ak irirege kiboitiniguk.

KOMONG'U 32:12

Amu nee si komwa tun Misrik kole, Kiga imutyin ichek yaitiet kole si kobar ichek eng’ tulonok, ak kowong’ kobetyo eng’ ng’ony? Ketite neregeguk che laldos, ak iwal kii ya koistoegei biguk.

KOMONG'U 32:14

Ak kiwal Jehovah kabwatutikyik agobo yaitionoto kiga mwa kole yachjin bikyik.

JEREMIA 12:16

Ak ngot konetgei kogiiljigei oretab bikyuk, ak koyosio eng’ kainennyu kole, Ko u ye sobei Jehovah; ko u ye kiinet bikyuk koyosio eng’ Baal; koteech anyun ichek eng’ kwenutab bikyuk.

JEREMIA 15:6

Kiiesia, mwaei Jehovah, kiichuchuige: kiachuul anyun eunnyu atokyin, ak ang’emin; kaang’et eng’ muitaet.

JEREMIA 26:13

Noto anyun, olitit ortinwekwok ak boisionikwok, ak ogas it kutitab Jehovah Kamuktaindeng’wong’; si kowal Jehovah kabwatutikyik eng’ yaitiet ne kogomwa agobo okwek.

JEREMIA 26:19

Tos kita kobar Hesekia laitoriatab Juda ak Juda tugul inendet? Tos kima iywei Jehovah, ak kogaigai Jehovah, kot kowal Jehovah kabwatutikyik eng’ yaitiet ne kiga komwa agobo ichek? Ngot keyai ko u noto, ko kagiipchi sobonwekyok yaitiet ne o.

JEREMIA 26:3

Abere imuchi kogas, ak koweek chi age tugul eng’ orennyi ne ya; si kobiit awal kabwatutikyuk eng’ yaitiet ne kiga achob ale ayachini ichek amu yaitietab boisionikwak.

JEREMIA 36:3

Abere tamangab kogas gotab Juda yaitiet tugul ne kaatil ale ayachini ichek; si koweek chi tugul eng’ ichek kometo orennyi ne ya, si anyochi kaat amu yaitienywa ak tengektanywa.

JEREMIA 42:10

Ngot ko ta omeny emoni, ateechok anyun, ama abutok, ak aminak, ama atutok: amu kaawal kabwatutikyuk eng’ yaitiet ne koayaiywok.

EZEKIEL 18:21

Ago ngot koweek kiptengekyot kometo tengekwogikyik tugul che kigoyai, ak korib ng’atutikyuk tugul, ak koyai kit ne bo iman ak ne litit, kosobei iman, mameei.

EZEKIEL 33:11

Mwachi ichek ilenji, Ko u ye asobe, mwaei Kiptaiyat Jehovah, ko mabaibaitune meetab kiptengekyot; ago abaibai ngo week kiptengekyot kometo orennyi, ak kosob: oweege, oweege, omete ortinwekwok che yaach; amu nee si obegu, ee gotab Israel?

EZEKIEL 33:12

Ee, inye weritab chi, mwachi lagokab biguk, ilenji, Masoru chito ne bo iman imanda eng’ betutab bistoennyi; ago manamei kiptengekyot tengekto eng’ betut ne kaweek kometo tengektanyi: ama imuchi kosob inendet ne bo iman eng’ imandanyi eng’ betut ne yaei tengekto.

EZEKIEL 33:13

Ye alenji ne bo iman, isobe iman; ngot komang’ imandanyi, yeityo koyai tengekto, ko magibwati agot agenge eng’ boisionikyik che bo imanda; ago meei amu tengektanyi ne kiyai.

EZEKIEL 33:14

Kogeny, ye alenji kiptengekyot, Imee iman; ngot koweek kometo tengektanyi; ak koyai kit ne bo iman ak ko litit;

HOSEA 11:8

Amuktoi ano ameten, inye Epraim? Amuktoi ano asorun, inye Israel? Amuktoi ano ayain iige Adma? Amuktoi ano ayain iige Seboim? Kagowalak muguleldanyu, kagorira mo.

AMOS 5:15

Owech yaitiet, ocham che miach, ak ogimit kiruoget eng’ ormarichet: abere imuchi korire Jehovah, Kamuktaindet ne bo lugosiek, che king’et che bo Josep.

JONAH 4:2

Ak kisa Jehovah kole, Asain, ee Jehovah, tos ma ng’olyondonito ne kigamwa ye kingota ami emennyu? Kiamwei anyun achakte awe Tarsis: amu kiangen ale i Kamuktaindet ne bo mieindo, ak ne nyiitat rirenet, ne ma sib konerechi, ak kotinyei chang’indab rirenet, ak iwale kabwatutiguk agobo yaitiet.

NG'ATUTIK 32:36

Amu iruokyinechin Jehovah bikyik, Ak korir mo agobo otwogikyik; Ye keer kole kagowandagei kimnatenywa, Ama mi ne kong’et ne ratat anan ne ma ratat.

KIRUOGIK 2:18

Ak kingong’eetyi Jehovah kiruogik, ko kimi Jehovah koboto kiruogindet, ak kosor ichek eng’ eunekab bunikwak eng’ betusiek tugul che bo kiruogindonoto: kirire Jehovah amu tigenenywa amu ichek che kiinyalili ichek ak koiimi.