JEREMIA 18:21 - BUKUIT NE TILIL

²¹ Igoite anyun lagokwak, kobar rubet, ak igoite ichek kobar rotwetab chok; ak ingobetyi lagok osotikwak, ak koek mosogik; ak ingobar meet murenikwak, ak ingobar rotwetab chok neranikwak eng’ luget.

Bukuit Ne Tilil

²¹ Igoite anyun lagokwak, kobar rubeet, ak igoite icheek kobar rotwetap chok; ak ingobetyi lagok osotikwak, ak koek mosoogik; ak ingobar meet murenikwak, ak ingobar rotwetap chok neranikwak eng' lugeet.

BUKUIT NE TILIIL Sireet ne Dutero Kanon

²¹ Igoite anyun lagokwak, kobar rubeet, ak igoite icheek kobar rotwetap chok; ak ingobetyi lagok osotikwak, ak koek mosoogik; ak ingobar meet murenikwak, ak ingobar rotwetap chok neranikwak eng' lugeet.

JEREMIA 18:21 ပူးပေါင်းရင်းမြစ်များ

2 ATEPTAP PEETUUSYEK 36:17

Komutyi anyun icheget laitoriatab Kaldiek, ne kinyo kobar neranikwak eng’ rotwetab chok, eng’ gotab oldanywa ne tilil, ama rire muren anan tie, boiyot anan ne negit kolil: kiinde tugul eunnyi.

TIENWOGIKAL 63:10

Kigoitoi kobek eng’ kimnatetab rotwetab chok: Ak kobunji lelwek.

TIENWOGIKAL 63:11

Ago baibai laitoriat eng’ Kamuktaindet: Igasegei age tugul ne iyostos eng’ inendet; Amu kigerei kutuswekab kiplembechonik.

KOMONG'U 22:24

ak kolalyo neregekyuk, ak abarenak rotwetab chok; ak koek mosogik osotikwok, ak koek bonon lagokwok.

ISAIAH 13:18

Ak kotonaton kwangokwak murenik; ama tinyei rirge eng’ che kisichei; marire lagok.

ISAIAH 9:16

Amu ibeeti bichu icheget che indochin ak keng’emei ichek che kindochin.

ISAIAH 9:17

Maboiboitu Jehovah eng’ murenikwak, ama rire chechuak che matinyei kwanda ak mosogikwak: amu ya age tugul, ak ko yaindetab yaitiet, ak komwaei kutit age tugul abusnatet. Nganda u noto, ko ma istogei neregekyik, ago ta ko chuulat eunnyi kora.

JEREMIA 12:3

Ago ingena, ee Jehovah; igeera, itieme muguleldanyu kotokyingei: ichuutu kobwa ko u kechirek che kienyei, ak itabanji betutab eng’set.

JEREMIA 14:16

Ak kewirji ortinwek che bo Jerusalem bik che kimaotenjin, amu rubet ak rotwetab chok; ama biitu chi ne tubei ichek, icheget ak osotikwak, ak werikwak ak tibikwak: amu arong’jini icheget yaitienywa.

JEREMIA 15:7

Ak kiarur ichek eng’ kit ne kirurse eng’ ormarichokab emet; kiagochi kobegune lagok, kiang’em bikyuk; tomo koweek eng’ ortinwekwak.

JEREMIA 15:8

Kigotesok mosogikwak eng’ ane kosiir ng’aniekab nyanjosiek: kiamutyi ichek luulindet betkwen kobar kametab murenik: kiagochi koche inendet tiritindo ak kamuisosiek.

JEREMIA 50:30

Ibutos anyun nerenikyik eng’ ortinwekyik, ak kigochin kosisyo murenikyik tugul che bo luget eng’ betunoto, mwaei Jehovah.

JEREMIA 9:21

Amu kagonyo meet tirisiokyok, kagochut gorikyok che bo laitorinik; si koges lagok eng’ sang’, ak koges neranik eng’ ortinwek.

RIREKAB JEREMIA 1:15

Kigoyai Kiptaiyat bik tugul che nyigonen koek buch eng’ kwenunnyu; Kigoguurja tuiyet ne kiging’at kole kotuatui neranikyuk: Kigotiechatiech Kiptaiyat bergeiyatab Juda ko u ye kitiechei ole kitue sabibuk.

RIREKAB JEREMIA 5:3

Kogeegu chebusoi ak che matinyei kwanda. Kogoigei kametisiekyok mosogik.

EZEKIEL 16:38

Ak aruogun, ko u ye kiruokyin kwonyik che butei kayosietab katunisiet, ak che tumdoi korotik; ak aibun korotikab neregek che ng’wonen ak ng’etkonda.

EZEKIEL 22:25

Mitei kwenunnyi chaamset ne bo maotikyik, ne u ng’etundo ne boriseni kobarisiei: kigobar sobonwek; ibei konoraik ak tuguk che bo kamanutiet ne o; kigotes mosogik eng’ kwenunnyi.

AMOS 4:10

Kiayokwok koroito ko u ni ki bo Misri: kiabar murenikwok eng’ rotwetab chok, ak kiakweri mbartanyisiekwok; ak kiayai bulatetab nganaseng’wong’ kotogos kot koit serunekwok: ago tom oweekyage, mwaei Jehovah.

NG'ATUTIK 32:25

Rebisiei rotwetab chok eng’ ole bo sang’, Ak mi kamuiset go; Barei muren ak bergeiyat, Ne chuchuni ak chito ne bo kalwalek.

2 TIMOTEO 4:14

Kiyaiywa ne ya mising’ Aleksandro, kitong’oindet ne bo sugunoik: tun yaakyin Kiptaiyat ko u boisionikyik:

1 SAMUEL 15:33

Ak kimwa Samuel kole, Ko u ye kiyachi rotweng’ung’ bo chok kobogorisiek kobetyi lagok, koegu kameng’ung’ agine ne matinyei lakwa, eng’ kobogorisiek. Ak kimurmur Samuel Agag kotonaton eng’ taitab Jehovah eng’ Gilgal.