JEREMIA 18:18 - BUKUIT NE TILIL

¹⁸ Kimwa anyun kole, Obwa kechob kit ne kiitoi Jeremia; amu mabetei ng’atutiet eng’ tisiindet, ama betei kiruoget eng’ chito ne ng’om, ama betei ng’olyot eng’ maotiot. Obwa, kebire ng’elyepta, amat ongeepchi it agot ng’olyot agenge eng’ ng’alekyik.

Bukuit Ne Tilil

¹⁸ Ki mwa anyun kole, obwa kechop kiit ne kiitoi Jeremiah; amu ma petei ng'atuutyet eng' tisiindet, ama petei kirwooget eng' chiito ne utaat, ama petei ng'olyoot eng' maotyot. Obwa, kebire ng'elyepta, amat ongeepchi iit agot ng'olyoot agenge eng' ng'aleekyik.

BUKUIT NE TILIIL Sireet ne Dutero Kanon

¹⁸ Ki mwa anyun kole, obwa kechop kiit ne kiitoi Jeremiah; amu ma petei ng'atuutyet eng' tisiindet, ama petei kirwooget eng' chiito ne utaat, ama petei ng'olyoot eng' maotyot. Obwa, kebire ng'elyepta, amat ongeepchi iit agot ng'olyoot agenge eng' ng'aleekyik.

JEREMIA 18:18 ပူးပေါင်းရင်းမြစ်များ

2 SAMUEL 15:31

Ak kigimwachi Daudi, kelenji, Mi Aitopel koboto njaamikab Absalom. Ak kile Daudi, Ee Jehovah, asomin ale, wal kiruogetab Aitopel koek berberindo.

2 SAMUEL 17:14

Ak kile Absalom ak bik tugul che bo Israel, Kararan kiruogetab Husai Arkindet kosiir kiruogetab Aitopel. Amu kiga til Jehovah koterter kiruoget ne mie ne bo Aitopel, si kobiit koipchi Jehovah yaitiet Absalom.

1 LAITORINIK 22:24

Korik anyun Sedekia weritab Kenaana, ak korabach Mikaia matanda, ak kolenji, Kabun ano tamirmirietab Jehovah ak konyo kong’alalun?

2 ATEPTAP PEETUUSYEK 24:21

Ak kichaam inendet, ak kolage koik eng’ ng’atutietab laitoriat eng’ seremutab gotab Jehovah.

Kitabuutap JOB 5:13

Namei che ng’omen eng’ ng’alsenywa: Sib kong’emaksei kiruogutikab che imaasotin.

TIENWOGIKAL 21:11

Amu kichob ichek koyaun yaitio: Kiibwat koyai ne ya, ama imuch koyai.

TIENWOGIKAL 52:2

Chobei ng’elyeptang’ung’ tengekto; Boisiei eng’ ng’alset ko u rotwet ne ng’atib.

TIENWOGIKAL 57:4

Mitei sobondanyu kwenutab ng’etunyik; Arue kwenutab ichek che mitei mat, Agot werikab bik, che kelekwak ko ng’otwek ak kipchabonik, Ak ng’elyebwekwak ko rotok che ng’atiben.

TIENWOGIKAL 64:3

Che kagolit ng’elyebwekwak ko u rotwetab chok, Ak kogersach kipchabonikwak, choto ng’alek che ng’wonen:

KALEWANAIK 18:21

Mitei kimnatetab ng’elyepta, meet ak sobondo; Ak amei logoekyik ichek che chamei.

ISAIAH 32:7

Yaachen tuguk che bo rebindet: chobei chobutik che yaachen si kobare che taloen ng’alek che bo lembech, agot ye ng’alali ne matinyei kiy ng’alek che lititen.

JEREMIA 1:19

Ak obarge, ago maiterterin: amu ami koboten, si asorun, mwaei Jehovah.

JEREMIA 11:19

Ago kia u aruetab kechir ne tala, ne kikweriei kwo ole kieng’e; ak kima anai ale kigochob ichek chobutik che yaachen agobo ane, kole, Ongeng’em ketit koboto logoekyik, ak ongeiste inendet eng’ emetab che soptos, si mata kibwat kainennyi kogeny.

JEREMIA 18:11

Ara anyun, ui ng’alalji bikab Juda, ak bik che menyei Jerusalem, ilenji, Mwaei Jehovah ko u ni kole: Ogeero, achobe yaitiet agobo okwek ak achobe kit ne aitook: ingoweeigei age tugul eng’ okwek, kometo orennyi ne ya, ak olitit ortinwekwok ak boisionikwok.

JEREMIA 18:19

Kasa, ee Jehovah, ak iepchi it rirekyuk.

JEREMIA 2:8

Ma mwa tisiik kole, Mi ano Jehovah? Ama naa ichek che tinyei ng’atutik: kiingelelja kogeny bounik agichek, ak kimaotense maotik Baal, ak kobendate tuguk che maginyorune kelunet.

JEREMIA 20:10

Amu koagas katewerisietab che chang’, kamuiset eng’ komosta age tugul. Mwaei choronokyuk tugul che achame, che machei kotaama, kole, Omwaite, si kemwaite inendet; tamangab kigaigai, si kiterter inendet, ak kiyaaktochinege mugetut.

JEREMIA 26:11

Yeityo komwachi tisiik ak maotik, bounik, ak bik tugul kolenji, Nyoljin meet chichi; amu kogomaoten kit ne ya agobo nganasani, ko u ye koogas eng’ itikwok.

JEREMIA 37:13

Ak ye kimi ormarichetab Benjamin, ko kimi agine yoto kiptaiyatab ribik, ne kigiguure Irija, weritab Selemia, weritab Hanania; ak kinam maotiot Jeremia, kolenji, Iwendi onamege ak Kaldeik.

JEREMIA 43:2

komwa anyun Asaria weritab Hosaia, ak Johanan weritab Karea, ak bik tugul che meniotin, kolenji Jeremia, Imwae lembech: ma iyogun Jehovah Kamuktaindennyo inyo imwa ile, Mobendi Misri otebe oloto:

JEREMIA 44:16

Magigasun ng’olyondonoto kemwawech eng’ kainetab Jehovah.

JEREMIA 44:17

Ago kiyae iman ng’olyot age tugul ne kagemwa, kele kibeeljini nyamdutik laitoriatab kipsengwet, ne kwondo, ak kerong’jini inendet kagochinoik che kieei, ko u ye kigeyai, achek ak kwanisiekyok, ak laitorinikyok, ak bounikyok, eng’ nganasokab Juda, ak eng’ ortinwek che bo Jerusalem: amu kigitinye eng’ betusiechoto amitwogik che chang’, ak kigichamege, ama kigeer yaitio.

JEREMIA 8:8

Omuktoi ano anyun omwa ole, Ki ng’omen, ak olen, kitinye ng’atutietab Jehovah? Ago, ogeero, kigoyai ng’alset kalamitab kaberberisiet ne bo sirik.

RIREKAB JEREMIA 3:62

Kiigas kutuswekab ichek che king’eetya ak kabwatutikwak che ibwati agobo ane betut komugul.

EZEKIEL 7:26

Nyonei bichiindo kosubu bichiindo, ak bwanei ng’alekab bik kosub ng’alekab bik; ak kocheng’ ng’ang’utietab maotiot; ago betei ng’atutiet eng’ tisiindet, ak kobet kiruoget eng’ boisiek.

ATEPTAP LAWIK 10:11

si kobiit onet lagokab Israel ng’atutik tugul che kigomwachi Jehovah ichek eng’ Musa.

MIKAH 3:6

egu anyun kemout eng’ okwek, si mogeer ng’ang’utiet; ak koimenit eng’ okwek si ma ong’orsei; ak kororokto asista eng’ maotik, ak koimenit betut eng’ ichek.

MIKAH 3:7

Ak kolilanso keerik, ak kotoptobenso bik che ng’orsei, ee, ak kagonamgei kut tugul: amu mami wolunet ne bunu Kamuktaindet.

MALAKI 2:7

Amu kanyo korib kutitab tisiindet naet, ak kocheng’ bik ng’atutiet eng’ ng’alekyik: amu inendet ko chito ne iyoktoi Jehovah ne bo lugosiek.

LUKA 11:45

Ak kiwolji ng’omotiot age ne bo ng’atutik, kolenji, Konetindoni, ngot imwa ko u noto ko ketewerech agachek.

JOHANA 9:40

Kigas tuguchuto alak che bo Parisaik che kimi koboto inendet, ak kolenji, Ki koriotin agachek?