JEREMIA 18:11 - BUKUIT NE TILIL

¹¹ Ara anyun, ui ng’alalji bikab Juda, ak bik che menyei Jerusalem, ilenji, Mwaei Jehovah ko u ni kole: Ogeero, achobe yaitiet agobo okwek ak achobe kit ne aitook: ingoweeigei age tugul eng’ okwek, kometo orennyi ne ya, ak olitit ortinwekwok ak boisionikwok.

Bukuit Ne Tilil

¹¹ Ara anyun, ui ng'alaalji piigap Judah, ak piik che menyei Jerusalem, ileenji, mwaei Kamuktaindet ne Toroor kole: Ogeero, achobe yaityet agobo okweek ak achobe kiit ne aitook: ingoweigei age tugul eng' okweek, kometo ooreennyi ne ya, ak olitiit ortinwekwok ak poisyonikwok.

BUKUIT NE TILIIL Sireet ne Dutero Kanon

¹¹ Ara anyun, ui ng'alaalji piigap Judah, ak piik che menyei Jerusalem, ileenji, mwaei Kamuktaindet ne Toroor kole: Ogeero, achobe yaityet agobo okweek ak achobe kiit ne aitook: ingoweigei age tugul eng' okweek, kometo ooreennyi ne ya, ak olitiit ortinwekwok ak poisyonikwok.

JEREMIA 18:11 ပူးပေါင်းရင်းမြစ်များ

TAUNET 11:7

Ongebe, kechortege anyun, kitoiye kutuswekwak si mata kogasyin ichegei eng’ ng’alalet.

1 LAITORINIK 22:23

Ara anyun, keero, kainde Jehovah tamirmiriet ne kenisiei kutuswekab maotichuguk tugul; ak kagomwa Jehovah yaitiet agobo inye.

2 LAITORINIK 17:13

Ago kibaorian Jehovah kora agobo Israel, ak agobo Juda, eng’ maotiot age tugul, ak keerindet age tugul kolenji, Oweege eng’ ortinwekwok che yaachen, ak orib ng’atutikyuk ak kayomisutikyuk, ko u Ng’atutiet tugul ne kiang’at kwanisiekwok, ak che kiayokwok eng’ eunekab otwogikyuk maotik.

2 LAITORINIK 22:13

Oba, oteebwa eng’ Jehovah, ak agobo bik, ak agobo Juda komugul, agobo ng’alekab bukuini kaginyor: amu eechen neregekab Jehovah che laldos agobo achek, amu ma kas it kwanisiekyok ng’alekab bukuini, koyai ko u tugul che kigisir agobo achek.

2 LAITORINIK 5:5

Ak kile laitoriatab Suria, Ara, ui oloto, si ayokyi baruet laitoriatab Israel. Ak kiwa ak koib talentaisiek taman che bo feda, ak tahabusiek elfusiek lo, ak ngoroik taman che kiwalawali.

ISAIAH 5:5

Ui anyun nguno; amwawok kit ne aitoi mbarennyu ne bo sabibuk: aistoi ng’otwennyi, si keam; abute irimennyi, si ketiech:

ISAIAH 57:1

Begu che bo iman, ama iiti chi; ak kimuti bik che tinyei rirgei, amaibwati chi kole, kimuti che bo iman si mageer yaitiet ne nyonei.

JEREMIA 11:11

Mwaei anyun Jehovah ko u ni kole, Ogeero, aipchini ichek yaitiet, ne maimuchi kochilile; ak korirja, ago magasyini ichek.

JEREMIA 11:19

Ago kia u aruetab kechir ne tala, ne kikweriei kwo ole kieng’e; ak kima anai ale kigochob ichek chobutik che yaachen agobo ane, kole, Ongeng’em ketit koboto logoekyik, ak ongeiste inendet eng’ emetab che soptos, si mata kibwat kainennyi kogeny.

JEREMIA 18:18

Kimwa anyun kole, Obwa kechob kit ne kiitoi Jeremia; amu mabetei ng’atutiet eng’ tisiindet, ama betei kiruoget eng’ chito ne ng’om, ama betei ng’olyot eng’ maotiot. Obwa, kebire ng’elyepta, amat ongeepchi it agot ng’olyot agenge eng’ ng’alekyik.

JEREMIA 19:15

Mwaei Jehovah ne bo lugosiek, Kamuktaindetab Israel, ko u ni kole, Ogeero, aipchini nganasani ak nganasokyik tugul yaitiet tugul ne koamwa agobo nganasanito; amu koiuuiit kaatwekwak, si magas ng’alekyuk.

JEREMIA 19:3

ile, Ogas okwek ng’olyotab Jehovah, ee laitorinikab Juda, ak bik che omenye Jerusalem; mwaei Jehovah ne bo lugosiek, Kamuktaindetab Israel, ko u ni kole, Ogeero, aipchini yaitiet olito, ne ngo kas chi age tugul, kotildilyo itikyik.

JEREMIA 25:2

ne kimwachi maotiot Jeremia bik tugul che bo Juda, koboto bik tugul che menyei Jerusalem, kolenji:

JEREMIA 25:5

komwaei kole, Ingoweek age tugul eng’ okwek, kometo orennyi ne ya, ak eng’ yaitietab boisionikwok, ak omeny emet ne kigonok Jehovah koboto kwanisiekwok, koboch keny agoi koigeny;

JEREMIA 26:13

Noto anyun, olitit ortinwekwok ak boisionikwok, ak ogas it kutitab Jehovah Kamuktaindeng’wong’; si kowal Jehovah kabwatutikyik eng’ yaitiet ne kogomwa agobo okwek.

JEREMIA 26:3

Abere imuchi kogas, ak koweek chi age tugul eng’ orennyi ne ya; si kobiit awal kabwatutikyuk eng’ yaitiet ne kiga achob ale ayachini ichek amu yaitietab boisionikwak.

JEREMIA 3:1

Mwaei ichek kole, Ngot koon chi osotiondennyi, ak kobagakta inendet ak koek osotiotab chito age, ko tos ta koweekyigei chichoto kwonyoto kogeny? Tos maimuruoni emonoto mising’? Ago kiiyai kugoinatet koboto chamanik che chang’; ago oweekyage kogeny, mwaei Jehovah.

JEREMIA 3:22

Oweege, okwek lagok che kiogetyigei let, si asoob kachuchugeng’wong’ bo ge. Keero, kagibwanjin; amu i Jehovah Kamuktaindennyo.

JEREMIA 35:15

Ak kiayokwok kogeny otwogikyuk tugul che maotik, ang’eete karon mising’ ak ayogu ichek, amwae ale, Oweege anyun chi age tugul eng’ orennyi ne ya, ak olitit boisionikwok, amosub cheptalelisiek che ter oot ichek, si omeny emet ne kiagonok koboto kwanisiekwok: ago ma oeb it, anan ogasa it.

JEREMIA 36:3

Abere tamangab kogas gotab Juda yaitiet tugul ne kaatil ale ayachini ichek; si koweek chi tugul eng’ ichek kometo orennyi ne ya, si anyochi kaat amu yaitienywa ak tengektanywa.

JEREMIA 36:7

Tamangab komwaita somutikwak eng’ taitab Jehovah, ak koweek chi age tugul kometo orennyi ne ya: amu eechen neregek koboto neregek che ng’wonen che kigomwa Jehovah agobo bichu.

JEREMIA 4:1

Ngot iweege, ee Israel, mwaei Jehovah, iweekyinage: ak ngot iiste tuguguk che kiwechei eng’ tainnyu, ko ma keistoin anyun;

JEREMIA 4:14

Ee Jerusalem, iunde tengekto eng’ muguleldang’ung’, si kesorun. Tebenen kabwatutiguk che yaachen kot kotianit?

JEREMIA 4:23

Kiageer ng’ony, ak ogeero, kima komi kiy ak kima kotinyei iton; ak kiageer kipsengwetisiek, ak kima kotinyei lapkeiyet.

JEREMIA 4:6

Onamji barak songoliet kotokyigei Sion: omwei, osoruge, amogage: amu aibu yaitiet eng’ murot ne bo katam, ak ng’emisiet ne o.

JEREMIA 51:11

Olit kipchabonik; onam long’onik komie: kagong’eet Jehovah tamirmirikab laitorinikab Medik; amu chobennyi ko kogirinda Babulon, kong’em: amu yaaktaetab mugetut ne bo Jehovah, yaaktaetab mugetut ne bo hekalunnyi.

JEREMIA 7:3

Mwaei Jehovah ne bo lugosiek, Kamuktaindetab Israel, ko u ni kole, Olitit ortinwekwok ak boisionikwok, si agonok omeny yuto.

EZEKIEL 13:22

Amu kiogochi muguleldab chi ne bo iman koarogen eng’ lembechek, chito ne ma agochi koarogen; ak ogimit eunekab kiptengekyot, si maweek kometo orennyi ne ya, ak kesor kosob:

EZEKIEL 18:23

Tos abaibai eng’ meetab kiptengekyot? Mwaei Kiptaiyat Jehovah: tos ma abaibai ngo week kometo orennyi si kosob?

JONAH 3:8

ago ingetuge ichek tugul kuniok, chi ak tiony, ak ingorirji Kamuktaindet eng’ kimnatet: ee, ingoweek chi tugul kometo orennyi ne ya, ak kometo koromnatet ne mi eunekwak.

MIKAH 2:3

Mwaei anyun Jehovah ko u ni kole: Ogeero, achobe yaitiet agobo goi, ne moistoe kaatwekwok anan obendate menotet; amu yaachen betusiechoto.

SEKARIA 1:3

Mwachi anyun ichek ilenji, Mwaei Jehovah ne bo lugosiek ko u ni kole: Oweekyage, mwaei Jehovah ne bo lugosiek, si aweekyoge, mwaei Jehovah ne bo lugosiek.

POISYONIGAP CHE KIYOKTOI 26:20

ago kiaborji che mi Damasko korok, ak eng’ Jerusalem, ak eng’ emet komugul ne bo Judea, ak eng’ Bororiosiek agichek, si kosik ak koyan Jehovah, koyaei boisionik che nyoljin sigunet.

JAKOBO 4:13

Ogas anyun, okwek che omwae ole, Kibendi rani anan ko mutai nganasani, ak ketar kenyit agenge eng’ oloto, kealisiei, ak kealdoisiei, ak kesich kelunet:

JAKOBO 5:1

Ogas anyun, okwek magorek, oririe ak oteeiye amu nyalwogikwok che bwanjinok.