JEREMIA 17:8 - BUKUIT NE TILIL

⁸ Amu igeitu inendet ketit ne kigiminji ole negite beek, ak kowaktoi tigitikyik eng’ ole negite ainet, kamaiyweisiei ye biitu kiptoret, ago tuonitu sogekyik; ama toptobeni eng’ kenyitab kemeut, ama metoi koi logoek.

Bukuit Ne Tilil

⁸ Amu igeitu ineendet keetit ne ki kiminji ole neegitee peek, ak kowaktoi tigitikyik eng' ole neegitee aineet, amaiyweisyei ye piitu kiptoret, ago tuonitu sogekyik; ama arageni eng' kenyiitap kemeut, ama metoi kooi logoek.

BUKUIT NE TILIIL Sireet ne Dutero Kanon

⁸ Amu igeitu ineendet keetit ne ki kiminji ole neegitee peek, ak kowaktoi tigitikyik eng' ole neegitee aineet, amaiyweisyei ye piitu kiptoret, ago tuonitu sogekyik; ama arageni eng' kenyiitap kemeut, ama metoi kooi logoek.

JEREMIA 17:8 ပူးပေါင်းရင်းမြစ်များ

Kitabuutap JOB 29:19

Iwaktoi tigitikyuk kobendi beek, Ak kotebe rewot temennyu kemout komugul:

Kitabuutap JOB 8:16

Tuon eng’ betusiekab asista, Ak kong’atos temenikyik koyomu mbarennyi.

TIENWOGIKAL 1:3

Ak kogergeit ak ketit ne kigiminji ole negite ainosiek, Ne yiei logoekyik eng’ betusiekyik, Ama restos sogekyik; ak koberurok kiy age tugul ne yaei.

KALEWANAIK 11:28

Inendet ne imang’u magornatosiekyik, kobuti: Ago bitos che bo iman ko u sogot ne tuon.

ISAIAH 58:11

Ak kondoun Jehovah kotugul, ak kogochi sobondang’ung’ kobiyo eng’ komoswek che yaamnyotin, ak kogimit koweguk; ak iige mbaret ne kibisi, ak iige kererut ne matenyei.

ISAIAH 61:3

si aarorji ichek che rirtos eng’ Sion, kigochi chepkulet ne kararan kogeere orek, ak mwaitab boiboiyet kogeere rirek, ak ngorietab kalosunet kogeere tamirmiriet ne kigonyigisit; si kobiit keguure ketik che bo imanda, che kimin Jehovah, si kegonyit.

JEREMIA 39:18

Amu asorun iman, ama kibarin eng’ rotwetab chok, ago iluule sobeng’ung’ kobunjin: amu kiimang’wa, mwaei Jehovah.

EZEKIEL 31:3

Keero, ki tarakwet Asuriaindet eng’ Lebanon ne tinyei temenik che kororon, ki samum, ak ko koi; ak kiitei walinnyi bolik.

EZEKIEL 47:12

Ak kobit ketit age tugul ne kiamei eng’ ngegutab ainonoto, eng’ komosi ak komosin, ne marestos sogekyik, ama betos logoekyik: ago yiei logoek eng’ arawet age tugul, amu mong’une beekyik ole tilil: ak koek amitwogik logoekyik, ak kianyinyisie sogekyik.