JEREMIA 17:23 - BUKUIT NE TILIL

²³ ago ma kas, anan koeb it, ago kiiuuiit kaatwekwak, si magas, ak kotaach konetisiet.

Bukuit Ne Tilil

²³ ago ma kas, anan koep iit, ago ki iuit kaatwekwak, si ma kas, ak kotaach kaneetisyet.

BUKUIT NE TILIIL Sireet ne Dutero Kanon

²³ ago ma kas, anan koep iit, ago ki iuit kaatwekwak, si ma kas, ak kotaach kaneetisyet.

JEREMIA 17:23 ပူးပေါင်းရင်းမြစ်များ

TIENWOGIKAL 50:17

Amu inye ne iweche kotigonet, Ak ituktochini batai ng’alekyuk.

KALEWANAIK 1:3

Ketaach konetisietab ng’omnatet, Eng’ imanda, ak kiruoget, ak ne nyolu;

KALEWANAIK 1:5

Si kobiit kogas chito ne ng’om, ak kotesak eng’ kanetetab ge; Ak si kobiit konyor kiruogutik che bo iman chito ne tinyei kaguiyet;

KALEWANAIK 29:1

Inendet ne iuuiiti kaatinnyi, ko kageger kong’ konyil che chang’, Ko ng’emaksei eng’ chokyinet, ama mi kiy ne kinyae.

KALEWANAIK 5:12

Ak imwa ile, Tia weget ne kiawech konetisiet, Ak saset ne kisas muguleldanyu kateunet!

KALEWANAIK 8:10

Taach kotigonennyu, ma feda; Ak itaach naet kosiir tahabu che kororon.

ISAIAH 48:4

Amu kianai ale uuin met, bo karnet kaating’ung’, bo sugunwet togeng’ung’;

JEREMIA 11:10

Kigoweekyigei tengekwogikab kwanisiekwak, che kiesio kogas ng’alekyuk; ak kiisub kanamonik koot: kigobut kayomisennyu gotab Israel ak gotab Juda ne kigayai koboto kwanisiekwak.

JEREMIA 19:15

Mwaei Jehovah ne bo lugosiek, Kamuktaindetab Israel, ko u ni kole, Ogeero, aipchini nganasani ak nganasokyik tugul yaitiet tugul ne koamwa agobo nganasanito; amu koiuuiit kaatwekwak, si magas ng’alekyuk.

JEREMIA 32:33

Ak kigotuktocha batai, ama keera: ak nganda kianet ichek, ang’eete karon mising’ ak aneti, ko ma epchi it si kotaach konetisiet.

JEREMIA 35:15

Ak kiayokwok kogeny otwogikyuk tugul che maotik, ang’eete karon mising’ ak ayogu ichek, amwae ale, Oweege anyun chi age tugul eng’ orennyi ne ya, ak olitit boisionikwok, amosub cheptalelisiek che ter oot ichek, si omeny emet ne kiagonok koboto kwanisiekwok: ago ma oeb it, anan ogasa it.

JEREMIA 5:3

Ee Jehovah, tos mageerei konyeguk imanit? Kiibir ichek, ago ma arogenso; kiigesu ichek, ago kiesio kotaach kotigonet: kiiuuiit ichek togochikwak kosiir ruandet; kiesio koweek.

JEREMIA 6:8

Kas kotigonet, ee Jerusalem, si maistoenegei sobondanyu; si mayain iegu karatia, emet ne mamenyei chi.

JEREMIA 7:28

Ak ilenji ichek, Nito bororiet ne ma epchi it kutitab Jehovah Kamuktaindenywa, ama taach kotigonet: kigobet imanda, ak kigeisto eng’ kutuswekwak.

EZEKIEL 20:13

Ago kiingelelja gotab Israel eng’ ong’atet: ma bendate ng’atutikyuk, ak kiesio kiruogutikyuk, che ngo yai chi kosobei eng’ choto; kiimuruon ichek mising’ sabatosiekyuk: kiamwa anyun ale, arong’jini ichek eng’ ong’atet neregekyuk che ng’wonen si ages ichek.

EZEKIEL 20:16

amu kiesio kiruogutikyuk, ama bendate ng’atutikyuk ak komuruon sabatosiekyuk: amu kiisubot mugulelwekwak kanamonikwak.

EZEKIEL 20:21

Ago kiingelelja agichek lagok; ma bendate ng’atutikyuk anan korib kiruogutikyuk, koyai, che ngo yai chi kosobei eng’ choto; kiimuruon ichek sabatosiekyuk: amwa anyun ale arong’jini ichek neregekyuk che ng’wonen si kobiit ayai neregekyuk kosulda eng’ ichek eng’ ong’atet.

SEPANIA 3:7

Kiamwa ale, Iywea iman, itaache kotigonet; si ma kiisto meng’otennyi, ko u tugul che kiang’at agobo inendet: ago king’eetyo karon mising’ ak kong’em boisionikwak tugul.

POISYONIGAP CHE KIYOKTOI 7:51

Okwek che uui kaat che ma kimuratan mugulelwek ak itik, ogirindoi Tamirmiriet ne Tilil kotugul: ko u ye kiyaei kwanisiekwok, oyae ak okwek ko u noto.

KIRUOGIK 6:10

ak kialenjok, A Jehovah Kamuktaindeng’wong’; moiywei cheptalelisiekab Amorik, che omenye emenywa: ago ma ogas it kutinnyu.