JEREMIA 17:2 - BUKUIT NE TILIL

² ko ta kobwati lagokwak kapkorosusiekwak ak Aserik che mi ole mi ketik che tuonen eng’ tulonok barak.

Bukuit Ne Tilil

² kota kobwaati lagokwak, kapkorosusyekwak, ak Aserik che mi ole mi keetiik che tuonen eng' tuloonook parak,

BUKUIT NE TILIIL Sireet ne Dutero Kanon

² kota kobwaati lagokwak, kapkorosusyekwak, ak Aserik che mi ole mi keetiik che tuonen eng' tuloonook parak,

JEREMIA 17:2 ပူးပေါင်းရင်းမြစ်များ

2 ATEPTAP PEETUUSYEK 24:18

Kometo anyun gotab Jehovah, Kamuktaindetab kwanisiekwak, ak koot Aserik ak kanamonik: ak kinyonji neregek Juda ak Jerusalem agobo ng’ogiswechuchuak.

2 ATEPTAP PEETUUSYEK 33:19

Kigisirji agine saennyi, ak ole kigasyindo Kamuktaindet, ak tengektanyi tugul ak kachiliilutiennyi, ak komoswek ole kiteech komoswek che tororen, ak kolumda Aserik ak kanamonik che kigiwai, ye kitomo koming’ingei; ogeero, sirotin choto eng’ bukuitab ateptab betusiekab Hosai.

2 ATEPTAP PEETUUSYEK 33:3

Amu kiteech kogeny komoswek che tororen che kiga kobut kwandanyi Hesekia; kiteekyi Baalik kapkorosusiek, ak koyai Aserot, ak kigutung’ji tuguk tugul che bo kipsengwet ak koot.

TIENWOGIKAL 78:58

Kitach inendet kot konerech eng’ oldinwekwak che sutotin, Ak kiigochi inendet ng’etkonda eng’ kanamonikwak che kigiwai.

KOMONG'U 34:13

ago obut kapkorosusiekwak, ak otuatui kanamonikwak kotonogis, ak oluul Aserikwak:

ISAIAH 1:29

Amu ililandos ichek amu ketik che kiomache, ak kitewerak agobo mbarenik che kiolewen.

ISAIAH 17:8

Ama koiiti kapkorosusiek kole kiy, boisionikab eunekyik, anan koiit kole kiy kit ne kiyai eng’ morikyik, anan Aserik, anan kanamonikab asista.

JEREMIA 2:20

Amu kiairi choging’ung’ eng’ betusiek che bo keny, ak ang’eti anoguk, ak kiimwa ile, Maotisiei, amu kiing’uruge eng’ tulwet age tugul ne koi ak eng’ ketit age tugul ne tuon, iyae kugoinatet.

JEREMIA 3:23

Iman, kigeni buch toretet ne bunu tulonok, wasetab ge ne mi tulonok. Iman mi yetunetab Israel eng’ Jehovah Kamuktaindennyo.

JEREMIA 3:6

Kimwawa anyun Jehovah kogeny eng’ betusiekab Josia laitoriat kolenja, Tos kiigeer noto kiyai Israel ne kigogetyigei let? Kigotogosta tulwet age tugul ne koi, ak kwo kelutab ketit age tugul ne tuon, ak kiyai kugoinatet eng’ oloto.

JEREMIA 7:18

Iyumi lagok kwenik, ak ilali mat kwanisiek, ak kokwonykwonyi makatinik kwonyik, si kobeelji laitoriatab kipsengwet, ne kwondo, ak korong’ji kagochinoik che kieei, cheptalelisiek, si kobiit kotacha anerech.

EZEKIEL 20:28

Amu ye kingamutu ichek kobwa emet, ne kiaiitochi eunnyu agochi, kogeer tulwet age tugul ne koi, ak ketit age tugul ne nyigis, ak kiigoito eng’ oloto korosekwak, ak kiigoito eng’ oloto kagochinoikwak che bo tagisiet, kibeelei kogeny nyamdutikwak, ak korong’ji oloto kagochinoikwak che kieei.

NG'ATUTIK 12:2

Ong’em anyun iman oldinwek tugul, ole kioote kanamonikwak bororiosiek che oluule, che mi tulonok che koen, ak che mi legemosiek, ak che mi ketik che tuonen kel:

KIRUOGIK 3:7

Ak kiyai ne ya lagokab Israel eng’ taitab Jehovah, ak koutie Jehovah Kamuktaindenywa, ak koot Baalik ak Aserot.