JEREMIA 17:13 - BUKUIT NE TILIL

¹³ Ee Jehovah, inye ne i kamang’unetab Israel, ililandos ichek tugul che metoin; kisirei eng’ ng’ony ichek che istoenagei, amu kigometa Jehovah, kondametutab beek che soptos.

Bukuit Ne Tilil

¹³ Ee Kamuktaindet ne Toroor, inyee ne ii kamang'unetap Israel, kiyaei kolililan icheek tugul che metoin; kisirchin ng'wony icheek che istoenagei, amu ki kometa Kamuktaindet ne Toroor, kondametutap peek che saptos.

BUKUIT NE TILIIL Sireet ne Dutero Kanon

¹³ Ee Kamuktaindet ne Toroor, inyee ne ii kamang'unetap Israel, kiyaei kolililan icheek tugul che metoin; kisirchin ng'wony icheek che istoenagei, amu ki kometa Kamuktaindet ne Toroor, kondametutap peek che saptos.

JEREMIA 17:13 ပူးပေါင်းရင်းမြစ်များ

TIENWOGIKAL 22:4

Kiimang’un kwanisiekyok: Kiimang’ ak kiisoru.

TIENWOGIKAL 69:29

Ago a kibananiat ak atinye arogenet: Ingotorora yetuneng’ung’, ee Kamuktaindet.

TIENWOGIKAL 71:5

Amu inye ne agenin, ee Kiptaiyat Jehovah: I kamang’unennyu koboch ko a ming’in.

TIENWOGIKAL 73:27

Amu keero, betos icheget che looen eng’ inye: Amu kiing’em ichek tugul che kiisub ibetab ge koistoenengei.

TIENWOGIKAL 97:7

Ingolilanso tugul che otei kanamonik che kigiwai, Che lasegei tuguk che matilei kiy: Ogutung’ji inendet, okwek cheptalelisiek tugul.

KALEWANAIK 10:7

Iberurot kabwatetab ne bo iman; Ago nunei kainetab kiptengeginik.

KALEWANAIK 14:14

Inendet ne ichuchuchegei eng’ muguleldo kobiyonyi ortinwekyik: Ak yamatgei chito ne mie eng’ muguleldanyi.

ISAIAH 1:28

Ago tun biitu ng’emisietab bistoik ak ne bo kiptengeginik eng’ betut agenge, ak tun kigesu che metoi Jehovah.

ISAIAH 66:5

Ogas ng’olyotab Jehovah, okwek che obotandosi amu ng’olyondennyi: Kigomwa che otupche icheget che wechok, che kitimdak agobo kainennyu, kole, Ingitoror Jehovah, si kobiit kegeer boiboiyeng’wong’; ago ililandos.

JEREMIA 14:8

Ee inye kamang’unetab Israel, yetindennyi eng’ betutab nyalilda, amu nee si iige toondet eng’ emet, ak iige kiprutoiyot ne mastoi koruei kemout agenge?

JEREMIA 17:17

Amat imua: i ole amwechini eng’ betutab yaitiet.

JEREMIA 17:18

Ingolilanso che usa, ago megona alilan; ingoarogenso ichek, ago megona aarogen: ipchi ichek betutab yaitiet, ak ing’eme ichek ng’emisiet konyil aeng’.

JEREMIA 17:5

Mwaei Jehovah ko u ni kole: Chubot chito ne imang’u chi, ak kotiiegei chi, inendet ne istoegei muguleldanyi Jehovah.

JEREMIA 19:4

Amu kigometa ichek, kigoyai yuto koek ole maginaei, ak kigobeelji eng’ yuto, nyamdutik, kanamonik che ter, che kima kongen, icheget ak kwanisiekwak ak laitorinikab Juda; ak kigonyiit olito korotikab che matinyei tengek;

JEREMIA 2:13

Amu kigoyai bikyuk yaitwogik aeng’; kigometa ane ne a kondametutab beek che soptos, ak kobaljigei keringonik, keringonik che kigoundurogis, che maimuchi kotebe beek.

JEREMIA 2:17

Tos kima icheng’jige nito, amu kiimete Jehovah Kamuktaindeng’ung’, ye kiimutin eng’ oret?

JEREMIA 50:7

Kigoam ichek bik tugul che kinyor ichek: ak kimwa bunikwak kole, Ma kilel, amu kigoyachi ichek tengekto Jehovah, meng’otetab imanda, Jehovah ne kamang’unetab kwanisiekwak.

EZEKIEL 13:9

Ak koborie eunnyu maotik che keerei tangoita, ak che ng’orei lembechek: matebe kapkiruogetab bikyuk, ama kisirjin bukuit ole kisirjin gotab Israel, ama bendi emetab Israel; si onai ole a Kiptaiyat Jehovah.

EZEKIEL 16:63

si kobiit ibwat, ak itoptoben, ametwegu kogeny, amu kalilaneng’ung’; ye kanyoun kaat tuguk tugul che kiiyai, mwaei Kiptaiyat Jehovah.

EZEKIEL 36:32

Mayae nito amu okwek, mwaei Kiptaiyat Jehovah, ingonaak ng’olyondoni eng’ okwek: olilanse, ak otoptobense amu ortinwekwok, ee gotab Israel.

DANIEL 12:2

Ak kong’eetyo che chang’ eng’ ichek che kigoruiyo eng’ ng’ung’unyek, bendi alak sobondab koigeny, ak kobendi alak tewernatet ak chotisiet ne bo agoi.

JOEL 3:16

ak boriseni Jehovah eng’ Sion, ak kotwek eng’ Jerusalem; ak botandos kipsengwetisiek ak ng’ony: ago egu Jehovah ole mwechin bikyik, ak koek irimet eng’ lagokab Israel.

SEKARIA 13:1

Tun kiyatyin gotab Daudi ak bik che menyei Jerusalem, kondametutab beek eng’ betunoto, amu tengekto ak muruonindo.

SEKARIA 9:12

Oweekyige irimet, okwek kimonjororinik che otinye kamang’unet: agot rani amwae ale, ageerun konyil aeng’.

LUKA 10:20

Ago amoboiboitu amu ng’olyondoni, amu kasok it oik; ago oboiboitu amu sirotin kainaikwok eng’ kipsengwet.

JOHANA 4:10

Kowolji Jesu kolenji, Nda kengen konunetab Jehovah, ak inendet ne kalenjin, Inaga beek aee; ta kaisom inendet, ak ta kagogonin beekab sobon.

JOHANA 4:14

ago age tugul ne eei beek che agochini ko ma koamei melel agoi; ago egu beek che agochini kondab beek eng’ inendet, che kutu agoi sobondab koigeny.

POISYONIGAP CHE KIYOKTOI 28:20

Amu nito anyun kasomok obwa kegeerge ak keng’alal tugul: amu a ratat eng’ sirimi agobo kamang’unetab Israel.

1 TIMOTEO 1:1

Paulo, ne kiyoktoi ne bo Kristo Jesu ko u ng’atutietab Jehovah Yetindennyo, ak Kristo Jesu ne kamang’unennyo;

NG'ANG'UTYET 20:15

Ak ngot kenyor chi age tugul ne kima kisirji bukuitab sobondo, kewirjin araraitab mat.

NG'ANG'UTYET 21:6

Ak kolenja, Kagosulda. A Alpha ak ko a Omega, taunet ak kagesunet. Agochini buch inendet ne amei melelda che bo kondametutab beekab sobondo.

NG'ANG'UTYET 22:1

Ak kiiborua ainetab beekab sobon, ne tilil ko u krustalo, kobunu ng’echeretab laitornatet ne bo Jehovah ak ne bo Aruet,

NG'ANG'UTYET 22:17

Ak mwaei Tamirmiriet ak mureret kole, Nyo. Ak inendet ne kasei, komwa kole, Nyo. Ak inendet ne amei melelda, konyo; ak inendet ne machei, koib beekab sobon buch.

NG'ANG'UTYET 7:17

amu egu Mestowondenywa Aruet ne mi kwenutab ng’echeretab laitornatet, ak kondochin ichek koba kong’ikab beek che soptos: ak kouus Jehovah beekab kong’ alak tugul eng’ konyekwak.