JEREMIA 17:11 - BUKUIT NE TILIL

¹¹ Ko u taiywet ne iyumi arek che ma chechik, u noto ne nyoru magornatosiek, ama eng’ iman; betos kota kosobei inendet, ak koek inendet eng’ kagesunennyi, chito ne berber.

Bukuit Ne Tilil

¹¹ Ko uu taiywet ne igeenyi aarek che ma chechiik, uu nooto ne nyooru mogornatosyek ama eng' iman; petos kota kosabei ineendet, ak koek ineendet eng' kagesunennyi chiito ne perber.

BUKUIT NE TILIIL Sireet ne Dutero Kanon

¹¹ Ko uu taiywet ne igeenyi aarek che ma chechiik, uu nooto ne nyooru mogornatosyek ama eng' iman; petos kota kosabei ineendet, ak koek ineendet eng' kagesunennyi chiito ne perber.

JEREMIA 17:11 ပူးပေါင်းရင်းမြစ်များ

Kitabuutap JOB 20:21

Ma ng’et kiy ne kima am; Noto anyun, matebyei magornatennyi.

TIENWOGIKAL 49:13

Bo berberindo oraninywa: Ak chamei bik alage che biitu ng’ololutikwak.

TIENWOGIKAL 55:23

Ago inye Kamuktaindet, irorogu koba keringetab ng’emisiet: Matarei rumik ak ng’alik kebebertab betusiekwak; Ago amang’un inye.

KALEWANAIK 13:11

Ichuchugaksei magornatet ne kiginyoru eng’ menotet: Ago tesoksei che bo chito ne iyumi eng’ birtoetab ge.

KALEWANAIK 15:27

Inyalili gonnyi inendet ne kipkeiyat agobo kelunaik: Ago sobei inendet ne wechei kagochinoik.

KALEWANAIK 21:6

Ye kinyoru konoraik eng’ lembeita Ko u kibungweret ne kiwirjin komosi ak komosi; cheng’ei meet che cheng’ei choto.

KALEWANAIK 23:5

Tos igase miat kit ne mami? Amu yachingei magornatet kebebaik, Ko u ye tirireni kipsichit kotokyingei barak.

KALEWANAIK 28:16

Usindet ne o agine bounindet ne matinyei kaguiyet: Ago inendet ne wechei kasetab miat kotesei betusiekyik.

KALEWANAIK 28:20

Nyoru berurwogik che chang’ chito ne bo iman: Ago magimetoi ama kibir inendet ne labatyin koek magorio.

KALEWANAIK 28:22

Labatyin magornatosiek inendet ne tinyei kong’ ne ya, Ama naei kole nyonjin bananda.

KALEWANAIK 28:8

Inendet ne tesei tugukyik eng’ keljinet ne siirei ne nyolu, eng’ tuguk che tesoksei, Koyumjin choto inendet ne rire kibananok.

JEREMIA 22:13

Bwa eng’ inendet ne teechei gonnyi ko ma eng’ imanda, ne teechei gorikyik che bo orit eng’ sastaet; ne boisie chitab kokwennyi amaigochin melekto, amaigochin kit ne yamegei ak boisiennyi;

JEREMIA 22:17

Ago matokyingei konyeguk ak muguleldang’ung’ kiy age kobate tugukab ng’wen, ak tumdaetab korotik che matinyei tengek, ak sastaet, ak koromnatet, koyai choto.

JEREMIA 6:13

Amu koboch ne ming’in agoi ne o eng’ ichek, kotinyei age tugul kasetab miat; ak yaei age tugul kaberberisiet koboch maotiot agoi tisiindet.

JEREMIA 8:10

Agochini anyun bik alak osotikwak, ak agochi mbarenikwak bik che namei kobunji: amu koboch ne ming’in agoi ne o, kotinyei age tugul kasetab miat, ak yaei age tugul kaberberisiet koboch maotiot agoi tisiindet.

AMOS 3:10

Mwaei Jehovah kole, Amu maingen koyai ne mie, che konori koromnatet ak rebisiet eng’ gorikwak che bo laitoriat.

MIKAH 2:9

Otimdoi kwonyikab bikyuk koba eng’ gorikwak che kororon; orebe torornatennyu lagokwak agoi.

MIKAH 7:3

Igiilegei eng’ eunekwak koyai kit ne ya; somsei bounindet, ak machei kiruogindet kit ne kigoigoisie; ak mwaei chito ne o maget ne ya ne bo sobondanyi: chobei ichek ko u noto.

SEPANIA 1:9

Ak abire eng’ betunoto tugul che torombenjin tugatuk, che inyiiti gotab kiptaiyandenywa koromnatet ak ng’alset.

SEKARIA 5:4

Ayoktoi bukuinoto, mwaei Jehovah ne bo lugosiek, ak kochut gotab chorindet, ak kochut gotab chito ne iyostos lembechek eng’ kainennyu: ak kotebe kwenutab gonnyi, ak koges goyoto koboto ketikyik ak koikyik.

MALAKI 3:5

Ak arikyok eng’ kiruoget, ak aegu baoriat ne chepcheb agobo bonik, ak agobo che ibegei, ak agobo bik che iyostos eng’ lembechek; ak agobo ichek che sastoe otwogindet ne kisirei eng’ melektanyi, che sastoe mosok, ak ne matinyei kwanda, ak ne imaasi toondet, amaiywea, mwaei Jehovah ne bo lugosiek.

MATAYO 23:13

Ago bwa okwek, sirik ak Parisaik, chombilik! Amu ogere bik bounatetab kipsengwet: amu moite okweget oloto, amochamjini che machei koit oloto, koba.

LUKA 12:20

Ago kilenji Jehovah, I berber inye, kimachei sobondang’ung’ kemouni bo ra; ara, si kobunji ng’o anyun, tuguchoto koichob?

1 TIMOTEO 6:9

Ago ichek che machei koek magorek kobutyin yomset ak mestet ak magutik che chang’ che berberen, che ibu ng’wanindo, che lugui bik koba ng’emisiet ak luset.

TITO 1:11

che kanyol keger kutuswekwak; che itarng’anyi go komugul, koneti tuguk che kama konyolu amu magornatetab tewernatet.

2 PETERO 2:14

bik che tinyei konyek che nyiitotin ibetab ge, amaimuchi kometo tengekto; che ichuuti sobonwek che ma tononiotin; che tinyei mugulelwek che kigonetgei kasetab miat; lagokab chubet;

2 PETERO 2:3

Ak kocheng’jingei borotet eng’ okwek eng’ ng’alekab ng’alset amu kasenywa ne bo miat: che ma igaegei kiruogenywa koboch keny, ama ruei ng’emisienywa.