JEREMIA 17:10 - BUKUIT NE TILIL

¹⁰ Ane Jehovah ne asiachi muguleldo, atieme kabwatutik, si agochi chi age tugul ko u ortinwekyik, ko u logoekab boisionikyik.

Bukuit Ne Tilil

¹⁰ Anee Kamuktaindet ne Toroor kasiagindetap muguleldo, atyeme kabwaatutik, si agoochi chii age tugul ko uu ortinwekyik, ak logoegap poisyonikyik.

BUKUIT NE TILIIL Sireet ne Dutero Kanon

¹⁰ Anee Kamuktaindet ne Toroor kasiagindetap muguleldo, atyeme kabwaatutik, si agoochi chii age tugul ko uu ortinwekyik, ak logoegap poisyonikyik.

JEREMIA 17:10 ပူးပေါင်းရင်းမြစ်များ

1 LAITORINIK 8:39

igas anyun eng’ kipsengwet oldang’ung’ ole imenye, ak inyochi kaat, ak iyai, ak iyaakyi chi age tugul ko u ortinwekyik tugul, ne inege muguleldanyi: (amu inye inyege ne ingen mugulelwekab werikab bik;)

1 ATEPTAP PEETUUSYEK 28:9

Nai anyun inye Solomon werinnyu, Kamuktaindetab kwandang’ung’, ak iboisiechi inendet eng’ muguleldo ne igesunotgei, ak eng’ kabwatutik che tinyei chamet: amu isiachi Jehovah mugulelwek tugul, ak koguitos kabwatutik tugul che bo metit: ngot icheng’ inendet, inyoru: ago ngot imete inendet, kowirtoin koigeny.

1 ATEPTAP PEETUUSYEK 29:17

Angen kogeny, ee Kamuktaindennyu ale, itieme muguleldo, ak ibaibaitune lititindo. Ak kiagonin tuguchuto tugul eng’ chamnyet ak lititindab muguleldanyu: ak kaageer nguno eng’ boiboiyet biguk che mi yu kogonin eng’ chamnyet.

2 ATEPTAP PEETUUSYEK 6:30

igas anyun eng’ kipsengwet oldang’ung’ ole imenye, ak inyochi kaat ak iyaakyi chi age tugul ko u ortinwekyik tugul, ne ingen muguleldanyi; (amu inye inyege ne ingen mugulelwekab werikab bik;)

Kitabuutap JOB 34:11

Amu yaakyin chito ko u boisionikyik, Ak kogochi chi age tugul konyor ko u ortinwekyik.

TIENWOGIKAL 44:21

Ko tos macheng’ei Kamuktaindet nito? Amu ingen ung’otikab muguleldo.

TIENWOGIKAL 44:22

Iman, kibarech betut komugul agobo inye; Kiitech ko u kechirek che bo eng’set.

TIENWOGIKAL 62:12

Ee Kiptaiyat, neng’ung’ rirenet agine: Amu inye ne iyaakyini chi tugul ko u boisiennyi.

TIENWOGIKAL 7:10

Mi long’ennyu eng’ Kamuktaindet, Ne soru che bo iman eng’ mugulelwek.

TIENWOGIKAL 7:9

Ingowong’gei tengektab kiptengeginik, ago igimit ne bo imanda: Amu tiemei Kamuktaindet ne bo imanda mugulelwek ak soromok.

KALEWANAIK 12:14

Biyonyi chito mieindo eng’ logoekab kutinnyi: Ak kigeerjin chito boisionikab eunekyik.

KALEWANAIK 17:3

Bo teret feda che kitilili, ak bo mat ne o tahabu: Ago Jehovah ne tiemei mugulelwek.

AMDOINDET 9:3

Nito ko yaitiet eng’ tugul che kiyaei eng’ kureretab asista, mi kit agenge ne ityin tugul: ee, nyiitat mugulelwekab werikab bik, yaitwogik, ak mi iywek mugulelwekwak kote kosoptos, ak ye ibata koba ole mi che kigobek.

ISAIAH 59:18

Yaakyin ichek ko u boisionikwak, neregek che ng’wonen eng’ bunikyik, yaaktaet eng’ bunikyik; yaakyin ngegusiek ko u ye nyoljin.

JEREMIA 11:20

Ago, kona ageer yaaktaeng’ung’ bo mugetut eng’ ichek, ee Jehovah ne bo lugosiek, ne iruochi eng’ imanda, ne itieme kabwatutik ak muguleldo; amu kaang’ang’un ng’olyondennyu.

JEREMIA 12:13

Kigol nganok, ago kiges katok; kibirtogei ama kelji kiy: ak olilandosi amu logoekwok, amu neregek che ng’wonen che bo Jehovah.

JEREMIA 20:12

Ago, ee Jehovah ne bo lugosiek, ne itieme chi ne bo iman, ne igeere kabwatutik ak muguleldo, kona ageer ye iyaakyini mugetut ichek; amu kiang’ang’un ng’olyondennyu.

JEREMIA 21:14

Ak abirok ko u logoekab boisionikwok, mwaei Jehovah: ak anaam mat eng’ osnennyi, ak kobeel tugul che mitei komoswekyik.

JEREMIA 23:2

Mwaei anyun Jehovah, Kamuktaindetab Israel, ko u ni, agobo mestowek che baei bikyuk, kole, Kioiyeste akwennyu, ak oon, ama obe ogeer; ogeero, aitwok biret ne bo yaitietab boisionikwok, mwaei Jehovah.

JEREMIA 32:19

inendet ne o eng’ kiruoget, ak ko bo kamuktaet eng’ boisiet; ne keerei konyekyik ortinwek tugul che bo werikab bik; si kogochi age tugul ko u ortinwekyik ak ko u logoekab boisionikyik;

EZEKIEL 11:5

Ak kinyonja Tamirmirietab Jehovah, ak kolenja, Mwa ile, Mwaei Jehovah ko u ni kole, Kiomwa ko u ni, ee gotab Israel; amu angen tuguk che obwati.

EZEKIEL 14:5

si kobiit anam gotab Israel eng’ mugulelwekwak icheget, amu kigotoiyenagei ichek tugul amu kanamonikwak.

MIKAH 7:13

Nganda u noto koegu emet karatia amu ichek che menyei oloto, amu logoekab boisionikwak.

MATAYO 16:27

Amu tun nyonei Weritab chi eng’ lilindab Kwandanyi koboto malaikaisiekyik; ak koyaakyi anyun chi age tugul ko u boisionikyik.

MATAYO 6:4

si kobiit kobunji ung’ot kagochinoiguk; ak kogonin melekto Kwandang’ung’ ne keerei eng’ ung’ot.

JOHANA 2:25

ak amu kima komage kiy chi ne baoriani agobo chi age; amu kiingen inendet kit ne mi chi orit.

POISYONIGAP CHE KIYOKTOI 1:24

Ak kisa, kole, Inye, Kiptaiyat, ne ingen mugulelwekab bik tugul, iboruech eng’ bichu aeng’, ne kailewen,

ROMANIK 6:21

Kiotinye logoek nee eng’ betusiechoto eng’ tuguk che olilane nguno? Amu kagesunetab tuguchoto ko meet.

ROMANIK 8:27

ak inendet ne isiachi mugulelwek kongen kit ne ibwati Tamirmiriet, amu saei agobo bik che tililen ko u magetab Jehovah.

NG'ANG'UTYET 2:23

Ak abare lagokyik meet; ak konai kanisosiek tugul kole anendet ne isiachi kabwatutik ak mugulelwek: ak agochini age tugul eng’ okwek ko u boisionikwok.

NG'ANG'UTYET 20:12

Ak kiageer che kigobek, che eechen ak che mengechen, kotonondos eng’ taitab ng’echeretab laitornatet; ak kigiyat bukuisiek: ak kigiyat bukuit age, noto ko bukuitab sobondo: ak kigiruokyi che kigobek eng’ tuguk che kiga kisirji bukuisiechoto, ko u boisionikwak.

NG'ANG'UTYET 22:12

Ogeero, anyone achogu; ak aibu melektanyu si agochi chi age tugul ko u boisionikyik.

1 SAMUEL 16:7

Ago kilenji Jehovah Samuel, Amat igeer togennyi, anan ko koindab tononennyi; amu kaesie inendet: amu mageerei Jehovah ko u ye keerei bik; amu keerei bik itonda, ago keerei Jehovah muguleldo.