JEREMIA 16:6 - BUKUIT NE TILIL

⁶ Bekyin emoni che eechen ak che mengechen: magitubei, ama iteetos bik agobo ichek, anan kotilgei, ama icheru metowekwak;

Bukuit Ne Tilil

⁶ Pekyin emoni che eecheen ak che mengeechen: ma kitubei, ama iteitos piik agobo icheek, anan kotilgei, ama icheru metowekwak;

BUKUIT NE TILIIL Sireet ne Dutero Kanon

⁶ Pekyin emoni che eecheen ak che mengeechen: ma kitubei, ama iteitos piik agobo icheek, anan kotilgei, ama icheru metowekwak;

JEREMIA 16:6 ပူးပေါင်းရင်းမြစ်များ

2 ATEPTAP PEETUUSYEK 36:17

Komutyi anyun icheget laitoriatab Kaldiek, ne kinyo kobar neranikwak eng’ rotwetab chok, eng’ gotab oldanywa ne tilil, ama rire muren anan tie, boiyot anan ne negit kolil: kiinde tugul eunnyi.

ISAIAH 22:12

Ak kiguurso eng’ betunoto Kiptaiyat, Jehovah ne bo lugosiek, si kobiit oririe, ak oteiye, ak ocheru metowek, ak olaach kuniok:

ISAIAH 24:2

Ak kit ne u eng’ bik, ko u noto eng’ tisiindet; kit ne u eng’ otwogindet, ko u noto eng’ kiptaiyandennyi; kit ne u eng’ otwogindet ne chepto, ko u noto eng’ chebioset ne bou inendet; kit ne u eng’ alindet, ko u noto eng’ aldaindet; kit ne u eng’ chito ne besendoi, ko u noto eng’ besenindet; kit ne u eng’ ne ibei keljinet ne siirei, ko u noto eng’ ne igochin inendet.

JEREMIA 13:13

Ilenji anyun ichek, Mwaei Jehovah ko u ni kole, Ogeero, anyiiti bogitet bik tugul che menyei emoni, laitorinik che tebe ng’echeretab laitornatet ne bo Daudi, ak tisiik, ak maotik, ak bik tugul che menyei Jerusalem.

JEREMIA 16:4

Begu ichek eng’ meet ne ng’wan; magirirjin, ama kitubei; igeitu ng’atatek eng’ ng’ony: ak kibare rotwetab chok, ak rubet; ak koek muswekwak amitwogikab taritikab barak ak tiong’ikab ng’ony.

JEREMIA 41:5

kobwa bik alage kobunu Sekem, Silo, ak Samaria, bik tamanwogik sisiit, che kiga konem tamnokwak ak kogerer ngoroikwak, ko kagotilgei, ak koibu kagochinoik ak tuguk che nyamdut eng’ eunekwak, koibu kobwa gotab Jehovah.

JEREMIA 47:5

Kanyonji Gasa bosta; kagiges Askelon, che king’et che bo atebwenywa: itilegei kot kotianit?

JEREMIA 48:37

Amu churat metit age tugul, ak kigetil tamnet age tugul: mi eunek tugul berutik che kigitilei, ak kogermenegei kuniok.

JEREMIA 7:29

Icheru sumeeguk anyun, ak iwirte, ak irirate eng’ tulonok che churiotin; amu kigoesio Jehovah ak kometo ibinda ne bo neregekyik.

JEREMIA 8:2

ak koma eng’ asista, ak eng’ arawet, ak eng’ taitab tuguk tugul che bo kipsengwet, che kiga kocham, ak kiga koot, ak che kiga kosubot, che kiga kocheng’at, ak che kiga kolos: magiyumi, anan ketub; egu keturek eng’ emet.

ATEPTAP LAWIK 19:27

Amobior metowekwok, ameng’em tabanwekab tamneng’ung’.

ATEPTAP LAWIK 19:28

Amotil borwekwok agobo bik che begu, amobeel soremik alak tugul: a Jehovah.

AMOS 6:11

Amu, ogeero, ng’atei Jehovah, kebut got ne o kong’emak, ak kebut got ne ming’in kong’asiagan.

MATAYO 9:23

Ak kingoit Jesu gotab bounindet, ak kogeer bik che kuutei ndurerusiek, ak bik che sololendos,

NG'ATUTIK 14:1

O lagokab Jehovah Kamuktaindeng’wong’: amowat borwekwok, amobiorgei amu ne kame.

NG'ANG'UTYET 20:12

Ak kiageer che kigobek, che eechen ak che mengechen, kotonondos eng’ taitab ng’echeretab laitornatet; ak kigiyat bukuisiek: ak kigiyat bukuit age, noto ko bukuitab sobondo: ak kigiruokyi che kigobek eng’ tuguk che kiga kisirji bukuisiechoto, ko u boisionikwak.

NG'ANG'UTYET 6:15

Ak kiung’gei eng’ kebenonik ak ruandosiek che bo tulonok, laitorinikab ng’ony, ak bounik, ak kiptainik che eechen, ak magorek, ak che kimen, ak chi age tugul ne ratat ak chi age tugul ne itiagat;