JEREMIA 16:4 - BUKUIT NE TILIL

⁴ Begu ichek eng’ meet ne ng’wan; magirirjin, ama kitubei; igeitu ng’atatek eng’ ng’ony: ak kibare rotwetab chok, ak rubet; ak koek muswekwak amitwogikab taritikab barak ak tiong’ikab ng’ony.

Bukuit Ne Tilil

⁴ ‘Pegu icheek eng' meet ne ng'waan; ma kiriirchin, ama kitubei. Igeitu ng'atateek eng' ng'wony ak ki pare rotwetap chok ak rubeet; si koek muuswekwak amitwogigap toriitigap parak ak tyong'igap ng'wony.’ ”

BUKUIT NE TILIIL Sireet ne Dutero Kanon

⁴ ‘Pegu icheek eng' meet ne ng'waan; ma kiriirchin, ama kitubei. Igeitu ng'atateek eng' ng'wony ak ki pare rotwetap chok ak rubeet; si koek muuswekwak amitwogigap toriitigap parak ak tyong'igap ng'wony.’ ”

JEREMIA 16:4 ပူးပေါင်းရင်းမြစ်များ

2 LAITORINIK 9:10

Ak amei sesenik Jesebel eng’ koretab Jesreel, ak mabiitu chi ne tubei inendet. Ak kiyat kurget, ak komwei.

TIENWOGIKAL 78:64

Kigibare tisiikwak rotwetab chok; Ak kima iteiyo mosogikwak.

TIENWOGIKAL 83:10

Che kibekyi En-dor; Kiek ng’atatek che bo ng’ony.

ISAIAH 18:6

Kibagakyin ichek tugul taritik che koromen che bo tulonok, ak tiong’ikab timin: ak koam taritik che koromen eng’ kemei, ak koam tiong’ik tugul che bo timin eng’ betusiekab kaititiet.

ISAIAH 5:25

Kilalyo anyun neregekab Jehovah agobo bikyik, ak kiiyogoito eunnyi kogirinda ichek, ak kobir, ak kibotanso tulonok che mengechen, ak kiek muswekwak busagariek eng’ kwenutab ortinwek. Nganda u noto, ko ma istogei neregekyik, ago ta kochuulat eunnyi kora.

JEREMIA 19:7

Ak ayai koek buch kiruogutikab Juda ak Jerusalem eng’ olito; ak agochini kebare rotwetab chok eng’ taitab bunikwak, ak eng’ eunekab icheget che cheng’ei sobonwekwak: ak agoite muswekwak koek amitwogikab taritik che bo barak, ak che bo tiong’ikab ng’ony.

JEREMIA 21:6

Ak abir bik che menyei nganasani, chi ak tiony: begu eng’ koroito ne o.

JEREMIA 25:33

Ak konyi emet eng’ betunoto bik che barei Jehovah, koboch tabanda age ne bo ng’ony agoi tabanda age: mami chi ne iteei agobo ichek, ama kiyumi, ama kitubei; egu ng’atatek eng’ emet.

JEREMIA 34:17

Mwaei anyun Jehovah ko u ni kole: Ma oepcha it, si omwaite katiaget, eng’ chi age tugul eng’ tupchennyi, ak eng’ chi age tugul eng’ chitab kokwennyi: ogeero, amwawok katiaget, mwaei Jehovah, ne bo rotwetab chok, ne bo koroito, ak ne bo rubet; ak agoitook kewirjok komosi ak komosi eng’ bounatosiek tugul che bo ng’ony.

JEREMIA 34:20

agoitoi ichek koba eutab bunikwak, ak koba eutab ichek che cheng’ei sobonwekwak: ak koek muswekwak amitwogikab taritikab barak, ak che bo tiong’ikab ng’ony.

JEREMIA 36:30

Mwaei anyun Jehovah agobo Jeoiakim laitoriatab Juda ko u ni kole: Masichei chi ne tebe ng’echeretab laitornatet ne bo Daudi: ak kiwirtoi mustanyi bet kobir asista, ak kotebe kaititindo kemoi.

JEREMIA 44:12

Ak anam che ng’etu che bo Juda, che kitokyigei emetab Misri, koba kotebe oloto, ak kigesu ichek tugul: ibutos eng’ emetab Misri; kigesu ichek eng’ rotwetab chok ak eng’ rubet; begu ichek, kong’eete ne ming’in agoi ne o, eng’ rotwetab chok ak eng’ rubet: ak koek che kichubei, ak che kikwong’e, ak che kisasei, ak che kichotei.

JEREMIA 44:27

Ogeero, aribe ichek agobo yaitiet, ma agobo ne mie: ak kigesu murenik tugul che bo Juda che mi emetab Misri, eng’ rotwetab chok ak eng’ rubet, agoi kogesgei.

JEREMIA 7:33

Ak koek muswekab bichu amitwogikab taritik che bo barak, ak che bo tiong’ikab ng’ony; ama biitu chi ne iyestoi.

JEREMIA 9:22

Ng’alal, ile, Mwaei Jehovah ko u ni kole, Ibutos muswek ko u ng’atatekab tuga eng’ kewanin, ak koigei turonik che yamei eutab kesindet, ama biitu chi ne iyumi.

RIREKAB JEREMIA 4:9

Kaigai che barei rotwetab chok kosiir icheget che barei rubet; Amu restos choto, kogoterterogis, amu manyor tugukab mbar.

EZEKIEL 24:21

Ng’alalji gotab Israel, ilenji, Mwaei Kiptaiyat Jehovah ko u ni kole: Ogeero, amuruoni oldanyu ne tilil, menotetab kimnateng’wong’, ne iboiboi konyekwok, ne rire sobonwekwok; ak kebare rotwetab chok werikwok ak tibikwok che kiobagakte.

EZEKIEL 5:12

Meei kebeberta agenge eng’ somok eng’ inye eng’ koroito, ak kigesu ichek eng’ rubet eng’ kwenung’ung’; ak kobek eng’ rotwetab chok kebeberta agenge eng’ somok, eng’ komosweguk tugul; ak aseer kebeberta agenge eng’ somok koba koriswek tugul, ak ang’usu rotwetab chok kosub ichek.

SEPANIA 1:17

Ak aipchi bik bichiindo, kot kobendat ko u bik che koriotin, amu kigoyachi Jehovah tengekto: ak ketumda korotikwak ko u temburiek, ak keranda borwekwak ko u ng’atatek.

NG'ATUTIK 28:22

Birin Jehovah eng’ chebuonit, ak mat ne mi borto, ak kabwanet, ak mat ne ng’wan, ak rotwetab chok, ak chelalitiet, ak uchatet: onotin choto agoi ilus.

NG'ATUTIK 28:26

Ak koek mustang’ung’ amditab taritik tugul che bo barak, ak tiong’ik che bo ng’ony, ak mabiitu chi ne iyestoi.