JEREMIA 16:19 - BUKUIT NE TILIL

¹⁹ Ee Jehovah, kimnatennyu, ak ko irimennyu, ak ole amwechini eng’ betutab nyalildanyu, bwanjinin bororiosiek kobunu tabanwek che bo ng’ony, ak komwa kole, Ma nam kiy kwanisiekyok kobate lembechek, tangoita ak tuguk che matinyei kelunet.

Bukuit Ne Tilil

¹⁹ Ee Kamuktaindet ne Toroor, kimnateennyu, ak ko irimennyu, ak ole amwechini eng' peetuutap nyalildanyu, pwonjinin pororyosyek kobunu ole poochin ng'wony, ak komwa kole, ma nam kiy kwanisyekyok kobatee lembechek, tangoita ak tuguuk che ma tinyei kelunet.

BUKUIT NE TILIIL Sireet ne Dutero Kanon

¹⁹ Ee Kamuktaindet ne Toroor, kimnateennyu, ak ko irimennyu, ak ole amwechini eng' peetuutap nyalildanyu, pwonjinin pororyosyek kobunu ole poochin ng'wony, ak komwa kole, ma nam kiy kwanisyekyok kobatee lembechek, tangoita ak tuguuk che ma tinyei kelunet.

JEREMIA 16:19 ပူးပေါင်းရင်းမြစ်များ

1 LAITORINIK 20:23

Ak kilenji otwogikab laitoriatab Suria inendet, Cheptalelinywa ko cheptalelitab tulonok; ki kimen anyun kosiirech amu noto: ago ongebarge ak ichek eng’ warenget, ak kegimegitu iman kesiir ichek.

TIENWOGIKAL 18:3

Aguure Jehovah, ne nyoljin kilos: Si kesorua eng’ bunikyuk.

TIENWOGIKAL 19:14

Ingochamak ng’alekab kutinnyu eng’ taing’ung’ ak kabwatutikab muguleldanyu, Ee Jehovah, ruandennyu, ak ko katiagindennyu.

TIENWOGIKAL 27:5

Amu ung’ena gonnyi eng’ betutab nyalilda: Ee, ung’ena emainnyi eng’ ole ung’at; Kanapchina ruandet barak.

TIENWOGIKAL 46:1

Kamuktaindet ole kemwechini, ak kimnatennyo, Toretindet ne negit ye mi nyalilda.

TIENWOGIKAL 46:11

Mi Jehovah ne bo lugosiek kobotech; Ole kimwechini Kamuktaindetab Jakobo.

TIENWOGIKAL 46:7

Mi kobotech Jehovah ne bo lugosiek: Ole kimwechini Kamuktaindetab Jakobo.

TIENWOGIKAL 62:2

Inendet inegei ruandennyu ak yetunennyu: Inendet ko irimennyu ne koi; magiistoa mising’.

TIENWOGIKAL 62:7

Tinyei Kamuktaindet yetunennyu ak torornatennyu: Mi eng’ Kamuktaindet ruandetab kimnatennyu, ak ole amwechini.

TIENWOGIKAL 65:3

Katemena tengekwogik: Ak iundoi inye bistaosiekyok.

TIENWOGIKAL 68:31

Tun mong’une bounik Misri; Iyogochin Etiopia eunekyik Kamuktaindet kochokyin.

TIENWOGIKAL 86:9

Tun bwanei bororiosiek tugul che kiiyae Ak kogutung’so eng’ taing’ung’, ee Kiptaiyat; Ak kotoror ichek kaineng’ung’.

KALEWANAIK 18:10

Irimet ne kim kainetab Jehovah: Mwechin ne bo iman, si konyor chametab ge.

ISAIAH 25:4

Amu kiiegu irimetab kibananiat, irimetab ne matinyei kiy eng’ bichiindanyi, i ole kimwechin eng’ usonet ole kiuure eng’ kiptoret, ye igei usonetab che imuisei, usonet ne o ne rusei inat.

ISAIAH 32:2

Ak egu chito ole kiung’ege eng’ usonet, ak eng’ usonet ne o; ko u ainosiekab beek eng’ ole yaamat, ko u uruetab ruandet ne o eng’ emetab ng’etatet.

ISAIAH 44:10

Ng’o ne kiyai cheptalelit, anan kotany kanamwet ne kiwaei, ne tinyei keljinet ne bo buch?

ISAIAH 44:20

Amei orek: kagomaas inendet muguleldo ne iberberat, kot ko maimuchi kosor sobondanyi, anan komwa kole, Tos mami lembeita eunnyu ne bo tai?

ISAIAH 45:14

Mwaei Jehovah ko u ni kole, Nyonjinin boisietab Misri, koboto tugukab mung’aretab Etiopia, ak Sabeik, bik che koen, ak bunjinin; isubun; bwanjinin ko ratotin; ak kobutyi kelyeguk, kosomin, kole, Iman mi Kamuktaindet koboten; ama mi age, mami Kamuktaindet age.

ISAIAH 49:6

ee, mwaei kole, Kiy ne ming’in iegu otwogindennyu, si kobiit ing’eet bororiosiek che bo Jakobo, ak iweech che kigirib che bo Israel: agonin kogeny iegu lapkeiyetab Bororiosiek, si kobiit iegu yetunennyu agoi tabanwekab ng’ony.

ISAIAH 62:2

Ak kogeer bororiosiek imandang’ung’, ak kogeer laitorinik tugul torornateng’ung’: ak keguurenen kainet ne leel, ne tun kuurenen Jehovah.

JEREMIA 10:3

Amu tangoita bitonwekab bik: amu ebei age ketit eng’ osnet, boisietab eunekab musogindet, ne boisie aiywet.

JEREMIA 10:5

U ichek tiret ne kigiwechwech keyaei, ago mang’alaldos: kanyol keibot, amu maimuchi kobendat. Amoiywei ichek; amu maimuchi koyai kiy ne ya, amaimuchi koyai kiy ne mie.

JEREMIA 12:16

Ak ngot konetgei kogiiljigei oretab bikyuk, ak koyosio eng’ kainennyu kole, Ko u ye sobei Jehovah; ko u ye kiinet bikyuk koyosio eng’ Baal; koteech anyun ichek eng’ kwenutab bikyuk.

JEREMIA 14:8

Ee inye kamang’unetab Israel, yetindennyi eng’ betutab nyalilda, amu nee si iige toondet eng’ emet, ak iige kiprutoiyot ne mastoi koruei kemout agenge?

JEREMIA 17:17

Amat imua: i ole amwechini eng’ betutab yaitiet.

JEREMIA 2:11

Tos kigowal bororiet kanamonikwak agot ngo ma cheptalelisiek? Ago kigowal bikyuk torornatenywa agobo kit ne magonu kelunet.

JEREMIA 2:8

Ma mwa tisiik kole, Mi ano Jehovah? Ama naa ichek che tinyei ng’atutik: kiingelelja kogeny bounik agichek, ak kimaotense maotik Baal, ak kobendate tuguk che maginyorune kelunet.

JEREMIA 3:23

Iman, kigeni buch toretet ne bunu tulonok, wasetab ge ne mi tulonok. Iman mi yetunetab Israel eng’ Jehovah Kamuktaindennyo.

JEREMIA 33:9

Ak koek nganasani eng’ ane kainet ne kiboiboitune, koek kalosunet ak torornatet, eng’ taitab bororiosiek tugul che bo ng’ony, che kasei mieindo tugul ne ayachini ichek, ak koiyweis ak kobotanso amu mieinoto tugul ak kalyet tugul ne agochini nganasani.

JEREMIA 4:2

ak iyosie ko u ni, ile, Ko u ye sobei Jehovah, eng’ imanit, eng’ kiruoget, ak eng’ imanda; ak koberurgei bororiosiek eng’ inendet, ak kolosunegei inendet.

EZEKIEL 11:16

mwa anyun ile, Mwaei Kiptaiyat Jehovah ko u ni kole: Nganda kiayestochi ichek ole loo eng’ bororiosiek, ak kiaseer ichek koyom emotinwek, ko ta aegu kora eng’ ichek komosta ne tilil eng’ ne matia eng’ emotinwek che kigoba.

JOEL 3:16

ak boriseni Jehovah eng’ Sion, ak kotwek eng’ Jerusalem; ak botandos kipsengwetisiek ak ng’ony: ago egu Jehovah ole mwechin bikyik, ak koek irimet eng’ lagokab Israel.

AMOS 2:4

Mwaei Jehovah ko u ni kole: Maaweechi biret ne abire Juda amu bistaosiekyik somok, ee, agot ang’wan; amu kogoesio ng’atutikab Jehovah, ama rib kayomisutikyik, ak kogogochi lembechekwak ichek komasta, che kiisubi kwanisiekwak:

NAHUM 1:7

Mie Jehovah, irimet eng’ betutab nyalilda; ak kongen icheget che imang’u inendet.

HABAKUK 3:19

Kimnatennyu Jehovah Kiptaiyat, Ak yaei kelyekyuk koigei che bo cheptirgichet, Ak komutata eng’ oldinwekyuk che tororen. Bo Ne O eng’ Butik, eng’ kibugandinikyuk che bo inoik.

SEKARIA 2:11

Ak konamgei bororiosiek che chang’ ak Jehovah eng’ betunoto ak koek bikyuk: ak ameny kwenung’ung’, ak inai ile kiiyokwa Jehovah ne bo lugosiek anyo ole imi.

MALAKI 1:11

Amu o kainennyu eng’ Bororiosiek koboch ole chorune asis agoi ole roroktoe; ak kigoitoi eng’ komosta age tugul nyamdutik che kibeelei agobo kainennyu, koboto kagochinet ne tilil: amu o kainennyu, eng’ Bororiosiek, mwaei Jehovah ne bo lugosiek.

ROMANIK 1:25

amu kiwal imanitab Jehovah kowale lembeita, ak kolos ak koot kit ne kigiyai kosiir Yaindet, ne iberurot koigeny. Amen.

1 PETERO 1:18

ongen ole kigitiachak omong’une atebeng’wong’ ne bo buch ne kionyoru eng’ kwanisiekwok, ma eng’ tuguk che ng’emaksei, ko u feda anan tahabu;

NG'ANG'UTYET 11:15

Ak kiguut malaikaiyatab tisab; ak kibiit kutuswek che eechen eng’ kipsengwet, ak kimwa kole, Kagobunji bounatetab ng’ony Kiptaiyandennyo, ak Kristo nenyi: ak kobou koigeny ak koigeny.