JEREMIA 16:12 - BUKUIT NE TILIL

¹² ak kioyai yaitiet kosiir kwanisiekwok; amu, ogeero, wendoti age tugul eng’ okwek kosubi uuindab muguleldanyi ne ya, kot ko ma oepcha it:

Bukuit Ne Tilil

¹² ak ki oyai yaityet kosiir kwanisyekwok; amu, ogeero, wendoti age tugul eng' okweek kosubi uuindap muguleldanyi ne ya, kot koma oepcha iit:

BUKUIT NE TILIIL Sireet ne Dutero Kanon

¹² ak ki oyai yaityet kosiir kwanisyekwok; amu, ogeero, wendoti age tugul eng' okweek kosubi uuindap muguleldanyi ne ya, kot koma oepcha iit:

JEREMIA 16:12 ပူးပေါင်းရင်းမြစ်များ

TAUNET 6:5

Ak kigeer Jehovah kole, O mising’ tengektab chi eng’ ng’ony, ak kole, kabwatutik tugul che bo muguleldanyi ko tengekto kityo betut age tugul.

TAUNET 8:21

Ak king’uuchi Jehovah anyinyindo ne bo nyamdutik; ak kole Jehovah eng’ muguleldanyi, Ma achube ng’ony kogeny agobo chi, amu yaachen kabwatutikab muguleldab chi koboch koming’in; ak ma abare kogeny agoi, tuguk tugul che soptos, ko u ye kiayai.

AMDOINDET 8:12

Agot ngo yai kiptengekyot yaitiet konyil bogol, ak kotesak betusiekyik, angen ui tugul ale, mieitu eng’ ichek che iywei Kamuktaindet, che iyweisiei eng’ tainnyi:

AMDOINDET 9:3

Nito ko yaitiet eng’ tugul che kiyaei eng’ kureretab asista, mi kit agenge ne ityin tugul: ee, nyiitat mugulelwekab werikab bik, yaitwogik, ak mi iywek mugulelwekwak kote kosoptos, ak ye ibata koba ole mi che kigobek.

JEREMIA 13:10

Igeitu birenoni ma kotilei kiy, bichu yaachen, che esioi kogas ng’alekyuk, che bendote uuindab mugulelwekwak, ak kosuboti kanamonik che ter, si koot ichek, ak kolos.

JEREMIA 17:9

Kaberberindet muguleldo kosiir tuguk tugul, ak ko ya mising’: ng’o ne imuchi konai?

JEREMIA 18:12

Ago mwaei kole, Matilei kiy kamang’unet: amu kibendote magutikyok, ak koyai chi tugul eng’ achek ko u uuindab muguleldanyi ne ya.

JEREMIA 22:28

Tos chichito Konia ne teret ne kisasei ne kigoyie? Tos inendet ko teret ne magiboiboitune? Amu nee anyun si ketimda icheget, inendet, ak iyotennyi, ak king’eetochi emet ne maingen?

JEREMIA 7:24

Ago ma kas, ama eb it, ago kibendate kiruogutikwak ak uuindab mugulelwekwak che yaachen, ak kituitui koba let, ma ba tai.

JEREMIA 7:26

ago ma kasa, ama eb it, ago kiiuuiit kaatinywa: kiyai ne ya kosiir kwanisiekwak.

JEREMIA 9:14

ago kibendate uuindab mugulelwekwak, ak kosub Baalik, che kiineti kwanisiekwak;

RIREKAB JEREMIA 5:7

Kigoyai tengekto kwanisiekyok ak ma komi; Ak kigegesen tengekwogikwak.

EZEKIEL 20:30

Mwachi anyun gotab Israel ilenji, Mwaei Kiptaiyat Jehovah ko u ni kole: Tos omuruonige ko u biteetab kwanisiekwok? Ak oyae kugoinatet osubi tugukwak che kiwechei?

AMOS 2:4

Mwaei Jehovah ko u ni kole: Maaweechi biret ne abire Juda amu bistaosiekyik somok, ee, agot ang’wan; amu kogoesio ng’atutikab Jehovah, ama rib kayomisutikyik, ak kogogochi lembechekwak ichek komasta, che kiisubi kwanisiekwak:

MALAKI 3:7

Kiomaste koboch betusiekab kwanisiekwok omete kayomisutikyuk, ama orib. Oweekyage anyun, si aweekyoge, mwaei Jehovah ne bo lugosiek. Ago omwae ole, Kiweegundoige ano?

MARIKO 7:21

Amu mong’une orit, eng’ muguleldab chi, kabwatutik che yaach, sokset, chorsosiek, rumisiosiek, ibetab ge,

NG'ATUTIK 29:19

ak ye kas ng’alekab chubisioni, koberurgei eng’ muguleldanyi kole, Atebye eng’ kalyet, agot ngawendoti eng’ ngelelnatetab muguleldanyu, kotese melelda bogitet.

NG'ATUTIK 9:27

Ibwat kiboitiniguk, Abraham, Isak, ak Jakobo; amat igeer uuindab met ne bo bichu, anan yaitienywa, anan tengektanywa:

2 TIMOTEO 3:13

Ago tesoksei kiptengeginik ak kenik eng’ yaitiet, koberberisiei ak kiberberi.

HEBRANIK 3:12

Oripge anyun che kitupche, si mabiit chi age tugul eng’ okwek ne tinyei muguleldo ne ya ne bo bistoet, koistoegei Jehovah ne sobei:

KIRUOGIK 2:19

Ago kingo kagome kiruogindet, koweeigei let, ak koyai tuguk che samisen kosiir kwanisiekwak, kosubi kanamonik kootei, ak kong’urukyi; ma sisyo eng’ boisionikwak, anan eng’ oretab ngelelnatenywa.

1 SAMUEL 15:23

Amu kergei ngelelnatet ak tengektab bonisiet, ak kergei uuindab met ak chalwokto ak saetab kanamonik. Amu koiesie ng’olyotab Jehovah, ko kagoesien aginye si mata iegu laitoriat.