JEREMIA 15:6 - BUKUIT NE TILIL

⁶ Kiiesia, mwaei Jehovah, kiichuchuige: kiachuul anyun eunnyu atokyin, ak ang’emin; kaang’et eng’ muitaet.

Bukuit Ne Tilil

⁶ Ki oeesya, mwaei Kamuktaindet ne Toroor, ak ki ochuchuige. Ara achuule anyun eunnyu atokyin, asi ang'emin, amu kaang'et eng' muitaet.

BUKUIT NE TILIIL Sireet ne Dutero Kanon

⁶ Ki oeesya, mwaei Kamuktaindet ne Toroor, ak ki ochuchuige. Ara achuule anyun eunnyu atokyin, asi ang'emin, amu kaang'et eng' muitaet.

JEREMIA 15:6 ပူးပေါင်းရင်းမြစ်များ

ISAIAH 1:4

Bwa, bororiet ne yaei tengekto, bik che laei yaitiet, iyotetab yaikab yaitiet, lagok che yaei ng’emisiet: kigometo Jehovah, kigosas Inendet ne Tilil ne bo Israel, kigotoiyegei kochuchuigei.

ISAIAH 28:13

Noto anyun, egu ng’olyotab Jehovah eng’ ichek ng’atutiet ne kineti kegetyingei ng’atutiet, ng’atutiet ne kineti kegetyingei ng’atutiet; konetisiet ne kineti kegetyingei konetisiet, konetisiet ne kineti kegetyingei konetisiet; kitigin eng’ oli, kitigin eng’ oloto; si keba, si kebee batai kobutyo, ak koilyo, kenam eng’ mestet, ak kimut.

ISAIAH 31:3

Ago bik Misrik, ma Kamuktaindet; ak banyek mbartanyisiekwak, ma tamirmiriet: ak ye chuul Jehovah eunnyi, keriichei inendet ne toretisiei, ak ibuti ne ketoreti, ak kobutos tuwai.

JEREMIA 1:16

Ak amwa kiruogutikyuk agirindae yaitienywa tugul; amu kigometa, ak kigobeelji nyamdutik kanamonik che ter, ak kolos boisionikab eunekwak.

JEREMIA 13:14

Ak atue chito age age, kwanisiek ak werik, mwaei Jehovah: marire, anan abagakte, anan korira mo, kot ko magesu ichek.

JEREMIA 2:13

Amu kigoyai bikyuk yaitwogik aeng’; kigometa ane ne a kondametutab beek che soptos, ak kobaljigei keringonik, keringonik che kigoundurogis, che maimuchi kotebe beek.

JEREMIA 2:17

Tos kima icheng’jige nito, amu kiimete Jehovah Kamuktaindeng’ung’, ye kiimutin eng’ oret?

JEREMIA 2:19

Itigonin yaitieng’ung’: ak kogerin kong’ mastaeng’ung’; nai anyun ile kit ne ya ak ko ng’wan, amu kiimete Jehovah Kamuktaindeng’ung’, ametinye kaiyweisiet ne iywea, mwaei Kiptaiyat, Jehovah ne bo lugosiek.

JEREMIA 20:9

Ak ngot amwa ale, Mamwae kiy agobo inendet, anan ang’alal eng’ kainennyi, kobiit anyun eng’ muguleldanyu ko u mat ne lalei eng’ kowekyuk, ak ang’et eng’ muitaet, ak mamuchi asis.

JEREMIA 44:22

kot ko mata komuch Jehovah komuita, amu yaitietab boisionikwok, ak amu tuguk che kiwechei che kioyai? Kiek anyun emeng’wong’ ne kuberot, ak ne kikwong’e, ak ne kisasei, ama menyei chi, ko u ye u rani.

JEREMIA 6:11

Kanyiia anyun neregek che ng’wonen che bo Jehovah; kaang’et aranye: rong’ji neregechoto lagok che mi oret, koboto tuiyetab murenik: amu kimuti manong’otiot ak osotiot, ne kigoosit koboto ne negit kolil.

JEREMIA 6:12

Ak kobunji gorikwak bik alak, koboto mbarenikwak ak osotikwak: amu achuuljini eunnyu bik che menyei emet, mwaei Jehovah.

JEREMIA 6:19

Ogas okwek ng’ony, ogeero, aipchini bichu yaitiet, logoekab kabwatutikwak, amu ma epchi it ng’alekyuk; ak kigoesio ng’atutikyuk.

JEREMIA 7:16

Amat isa anyun agobo bichu, anan irirji anan isachi, anan isaa: amu magasun.

JEREMIA 7:24

Ago ma kas, ama eb it, ago kibendate kiruogutikwak ak uuindab mugulelwekwak che yaachen, ak kituitui koba let, ma ba tai.

JEREMIA 8:5

Amu nee anyun si kochuchuigei bichu bo Jerusalem eng’ kachuchuget ne bo agoi? Namei mising’ ng’alset, esioi koweek.

JEREMIA 8:9

Ililandos bik che ng’omen, arogendos ak kenam: ogeero, kigoesio ng’olyotab Jehovah; ara anyun tinyei ng’omnatet ne u nee?

EZEKIEL 14:9

Ak ngot kiberber maotiot ak komwa ng’olyo, ko ane Jehovah ne kaberberi maotiondonoto, ak atokyi eunnyu, ak ang’em inendet aiste eng’ bikyuk Israel.

EZEKIEL 25:7

keer anyun, kaachuul eunnyu atokyin, ak agochin bororiosiek koluulin; ak aisten eng’ bororiosiek, ak agonin ilus eng’ emotinwek: ang’emin; si inai ile a Jehovah.

EZEKIEL 35:3

ilenji, Mwaei Kiptaiyat Jehovah ko u ni kole: Keero, aborienen, ee tulwetab Seir, ak atokyinin eunnyu, ak ayain iguber ak iegu ne kikwong’e.

HOSEA 11:7

Kagobegechi bikyuk kochuchuigei kometa: agot ngo kuurso ichek koguurji ichek inendet ne mi barak, ko mabiitu ne itorori inendet.

HOSEA 13:14

Atiachi ichek komong’ eng’ kimnatet ne bo kererit; asoru ichek eng’ meet. Ee meet, mi ano korotweguk? Ee kererit, mi ano ng’emisieng’ung’? Ma awale kabwatutikyuk.

HOSEA 4:16

Amu kigongelel Israel, ko u roriat ne uui met; baei Jehovah anyun ichek ko u aruetab kechir eng’ ole baraa.

SEPANIA 1:4

Ak atokyini eunnyu Juda, ak bik tugul che menyei Jerusalem; ak abar che king’et che bo Baal eng’ olito, koboto kainetab Kemarik ak tisiik;

SEKARIA 7:11

Ago kiesio kogas it, ak kililich tigigoikwak, ak kotim itikwak, si magas.